O Boletín Oficial da Provincia de Pontevedra recolle hoxe dous anuncios do Concello de Tui polos que se anuncia a licitación para a contratación da obra "Proxecto de melloras nas instalacións deportivas municipais Álvarez Durán” e da obra obra de "Reparación, Melloras e Conservación das instalacións deportivas municipais Álvarez Durán (peches e obras complementarias)". Esta dúas obras fináncianse con cargo ao Plan Concellos 2016. O alcalde de Tui explicaba que consistirán na construcción dun muro de contención e no cambio do céspede artificial.

A actualidade deste mércores, 5 de outubro, en Noticias 13.30h na Radio Municipal de Tui

A Cruz Vermella do Baixo Miño celebra esta semana o “Día da Bandeiriña” que busca recadar fondos para loitar contra a pobreza infantil e poder axudar así a máis de 300 nenos e nenas da provincia de Pontevedra que precisan de achegas para apoio educativo, material escolar e incluso alimentación.

Os voluntarios e voluntarias da Cruz Vermella estarán mañá en Tomiño, namentres que visitarán Tui o xoves e A Guarda o venres.

A Eurocidade Tui-Valença conta co seu primeiro selo. Vén de ser emitido por Correos e Telégrafos tras a solicitude realizada polo Grupo Filatélico e Numismático de Tui.

O selo recolle un gravado das dúas cidade realizado por Duarte Dalmas en 1499. Así o explicaba Carlos Pérez Fonterosa Antón, membro do Grupo Filatélico e Numismático de Tui.

O selo será presentado na exposición que o 28 deste mes abrirá as súas portas na Área Panorámica e na que participará tamén a BRILAT dentro dos actos conmemorativos do seu 50 aniversario.

Dez espectáculos conforman a programación cultural do último trimestre no Teatro Municipal de Tui que comeza este venres. Esta oferta cultural foi presentada esta mañá e vén recollida tanto na Axenda Cultural Corredoira coma na web www.culturatui.info.

A actualidade deste martes, 4 de outubro, en Noticias 1330h na Radio Municipal de Tui

Esta mañá presentouse no Concello de Tui o curso de adestrador básico de fútbol UEFA B que este mércores comezará a impartirse na Aula CeMIT da Área Panorámica, pola Federación Galega de Fútbol, con 300 horas lectivas. Aínda quedan prazas vacantes. As clases serán os luns e mércores de 19.30h a 22.30h

A actualidade de Tui e do Baixo Miño deste luns, 3 de outubro, en Noticias 13.30h

Hoxe sábado Tui acolle os cuartos da fase de ascenso á liga galega da categoría junio no novo pavillón de Tui. Os encontros previstos son os seguintes:;

- 10h Salesianos – SEIS do Nadal

- 12h Edo Blanco Amor – Novobasket

- 16h Xuven – BCAA Praia do Cariño

- 18h CB Tui SETA Thermalia – BM O Porriño

José Miguel González, adestrador e coordinador das categorías bases do CB Tui deu conta de coma afrontan esta competición.

A actualidade do día, as citas da fin de semana e a información deportiva en Noticias13.30h