As noticias que escriben a historia deste luns en Noticias13.30h. Agora reemitimos o informativo ás 15h

O máis de sete mil millóns de habitantes do noso planeta falan entre 6.000 e 7.000 linguas diferentes. E namentres que idiomas como o inglés o chinés ou o castelán son faladas por millóns de persoas, outras, en concreto, o 96% dos idiomas soamente o fala o 4% da poboación. Así todo, a Comisión Europea estima que a metade dos habitantes da terra son, dalgún xeito, bilingües.

No noso continente fálanse en torno a 200 linguas diferentes das que soamente 24 son oficiais nas institucións europeas. Poden parecer moito pero de feito é un dos continentes con menor diversidade lingüística. Sesenta linguas en Europa teñen o estatus de lingua minoritaria. Coma é o caso da lingua galega.

A actualidade deste venres 23 de setembro en Noticias 13.30h na Radio Municipal de Tui

A libreiría e a imprenta Valverde recibirán o 13 de outubro o Premio Traxectoria do Comercio Galego 2016 en recoñecemento a máis de 50 anos de traballo que iniciaron en 1961 e que prosegue xa coa segunda xeración. Nieves Valverde amosou a súa satisfacción por este premio que é un recoñecemento ao esforzo e o traballo.

Este domingo electoral o Tomiño celebra o II Bio-Mercado. Con apertura ás 11:00 horas no edificio do mercado os asistentes poderán gozar de demostracións de cociña e tapas, pero non soamente gastronomía xa que haberá máis de 60 postos de diferentes produtos amais de actividades e obradoiros.

A actualidade deste xoves en Tui e no Baixo Miño nos informativos da Radio Municipal de Tui

O Concello de Tui recibirá 35 mil euros para a demolición parcial dun edificio na rúa Camilo José Cela dentro do Plan Concellos 2016. O mesmo plan concedeu xa en xullo outra achega de 75mil euros para demoler un edificio na Avenida da Concordia, cuxo terreo será posto a dispor da Xunta para a construción do novo edificio xudicial. Así o explicou o alcalde, Enrique Cabaleiro, quen avanzou a licitación de obras nas instalacións Álvarez Durán, e o peche o luns da rúa Casal Aboy para suprimir un paso de peóns e pintar as prazas de aparcamento previa a apertura do novo centro de saúde.

Nas eleccións ao Parlamento de Galicia en 2009 os pontevedreses puidemos escoller entre 14 partidos diferentes. Nas últimas autonómicas o número de candidaturas creceu até 18 posibles opcións e este 25 de setembro poderemos votar en Pontevedra a 15 partidos diferentes.

A actualidade deste mércores, 21 de setembro de 2016, recollémola en Noticias 13.30h na RMT

Onte a adega do Rosal Terras Gauda presentou un novo proxecto de vendima baseado no que veñen a denominar vitivinicultura sostible. O proxecto, froito da colaboración coas universidades de Santiago de Compostela e Vigo que comezou fai dous anos, busca aproveitar o bagazo do albariño como abono natural tras ser sometido a un proceso denominado de “vermicompostaxe”. Deste xeito aproveitase o material de refugallo, redúcense custes e elimínanse químicos.