Informativos

Informativos

By Radio Municipal de TuiNews
Download on the App Store

Informativos episodes

  • A última proba do III Open de Andainas de 25 quilómetros dísputase este domingo en Tui
    Este domingo ás 9h sairá do pavillón da Macoca a derradeira andaina do Open de 25 quilómetros que organiza o Club Xistra de Vigo, en colaboración coa colaboración da Federación Galega de Montañismo, o Concello de Tui e a Entidade Menor de Pazos de Reis.
    Nesta proba decidirase quen é o campión da Copa de Andainas Populares de Regularidade, tras as camiñadas realizadas en Vigo, Pontedeva, Montes de Vigo e Gondomar.
    2 min
  • Papelería Valverde (Tui) e Altamar (A Guarda), premio a toda unha vida
    Esta tarde ás 20.30h serán entregados os premios Traxectoria do Comercio Galego 2016 da Federación Galega de Comercio. O acto terá lugar no auditorio da sede de Afundación en Vigo (Policarpo Sanz, 24-26). Entre os 22 galardoados está, en Tui, a Librería Imprenta Valverde en recoñecemento a máis de 50 anos de traballo que se iniciaron en 1961 e que proseguen xa coa segunda xeración.
    Na comarca, concretamente na Guarda, o comercio Altamar tamén recibirá o seu premio. Será Idalina Iglesias quen obterá o recoñecemento ao seu traballo detrás do mostrador. Un negocio familiar que comezou en 1947 cos seus pais e no que agora traballa xa a terceira xeración.
    3 min
  • O Ceip Nº1 de Tui recibiu o segundo Premio Proxecta de Innovación Educativa polo proxecto do Horto Urbano e Reciclarte
    O pasado martes o CEIP nº1 recolleu en Santiago o segundo Premio Proxecta de Innovación Educativa polo proxecto do Horto Urbano e Reciclarte. Nuria Garabal é a directora do centro, que recolleu o premio xunto a profesora Nuria Feijoo, de mans do conselleiro de Educación, Román Rodríguez.
    Dende o CEIP volveron presentarse este ano con dous novos proxectos sobre o Camiño de Santiago e para realizar un Stop Motion.
    3 min
  • Ent. Laureano Alonso, concelleiro de Turismo e Deportes - Feira Magosto e Remo
    O concelleiro de Turismo do Concello de Tui Laureano Alonso fixo un balance positivo da Feira-Magosto celebrada onde no Paseo da Corredoira tanto polo número de postos que houbo, pese a previsión de choiva, coma polo número de persoas que se achegaron ata Tui ao longo da xornada, a media tarde venderan xa máis de 200 quilos de castañas, e se recolleron 500 litros de leite para SOS Tomiño Baixo Miño.
    Por outra parte e coma concelleiro de Deportes explicou a situación dos dous clubs de remo do municipio.
    11 min
  • Curso de “coidando ao coidador” organizado pola Cruz Vermella
    A Cruz Vermella do Baixo Miño organiza o curso “Coidando ao coidador”. Ten como obxectivo ampliar os coñecementos dos coidadores de persoas dependentes segundo nos explicou a coordinadora da entidade no Baixo Miño, Neli Rodríguez.
    O curso desenvolverase os días 19 e 26 de novembro e 3 e 10 de decembro en horario de 9 a 14 no local da Cruz Vermella na rúa Agustín Nandín Lomba da Guarda. Ten un custe de 60€. O prazo de inscrición remata o 14. de novembro.
    1 min
  • Aberta a licitación dos postos da Praza de Abastos de Salceda
    O Concello de Salceda vén de abrir o proceso para solicitar a concesión dos postos na Praza de Abastos Municipal. As bases contemplan a concesión de 14 postos de venta, un bar e 24 bancadas para a venta de peixe fresco.
    As solicitudes poderán presentarse no Rexistro Xeral do Concello ata o vindeiro 3 de novembro. A concesión farase por un período de vinte anos que se poderá prorrogar en cinco anos máis.
    3 min

About Informativos

From the publisher's feed

Os informativos da Radio Municipal de Tui recollen a actualidade máis cercana no ámbito local e comarcal. A información política, social, cultural, deportiva de Tui e da comarca do Baixo Miño está…