Antes de que remate o ano deberán estar rematadas no Rosal as obras de acondicionamento da área de recepción de visitantes dos Muíños do Folón e Picón. A obra dun investimento superior aos 220 mil euros, e froito dun convenio con Turismo, vén hoxe licitada no BOP. O alcalde do Rosal, Jesús Mª Fernández Portela, explicou en qué consistirán os traballos.

O Monte Santa Trega, o epicentro turístico da vila, recibiu nos meses de xuño, xullo e agosto deste ano 2016 a máis de 100.000 persoas. Trátase dunha cifra récord, con 9.000 persoas máis que na mesma tempada do ano anterior, o que supón un incremento do 10%.

Este sábado a Treboada Os da Fonte do Frade organizan a segunda edición do Encontro de Bombos de Goián, en Tomiño. A cita pretende agrupar como mínimo aos 11 grupos do ano pasado e contan xa, arestora, con 7 agrupacións de Galicia e Portugal. Dende a organización, Samuel Rodríguez, anima ás bandas interesada en participar en apuntarse. Teñen até este venres.

O que acontece en Tui e no Baixo Miño contámolo nos informativos da RMT

Son varios os cursos que nas próximas semanas se inician no Baixo Miño

O 1 de outubro celébrase en Tui o 12horas BTT Concello de Tui, unha proba pioneira ao celebrarse en circuíto urbano polo conxunto histórico da cidade. A organización agarda chegar aos 300 participantes. A saída será ás 9h e ás 15h para os que fagan 6 horas de circuíto. A inscrición, cun prezo de 20€ por persoas, está aberta ata o 28 deste mes en http://ow.ly/loGg304af8A . A proba foi presentada esta mañá no Concello.

A actualidade de Tui e do Baixo Miño está nos informativos da RMT

Esta mañá presentouse o segundo volume da obra musical inédita de Matías García Benayas, o que fora mestre de capela na Catedral de Tui no século XVII. Na presentación deste libro e disco, estiveron presentes os músicos encargados do proxecto, Rafael Antela, Xoan Trillo e Luis Martínez, ademais do bispo da Catedral, Luis Quinteiro Fiuza, o alcalde de Tui, Enrique Cabaleiro e o secretario xeral de Cultura da Xunta, Anxo Lorenzo.

A actualidade deste luns, 12 de setembro, en Noticias 1330h

A menos dunha semana para que comece o curso a directiva do IES Indalecio Pérez de Tui vén de recibir a comunicación por parte da inspección de Educación de que no curso 2016/17 se suprime no centro o primeiro curso do ciclo formativo de Electricidade. Así nolo explicou o vicedirector, Xosé Manuel Álvarez, indicando que aínda que arestora a matrícula no curso é baixa a experiencia doutros anos facíalles contar cunha media de 15 alumnos no comezo das clases. Son o único centro da comarca que imparte esta especialidade polo que os alumnos terán que ir agora a Ponteareas ou a Vigo.