Os sucesos, co accidente ferroviario do Porriño-Mos, marca a actualidade deste venres 9 de setembro.

Dentro da programación do ciclo “Camposancos de Cine”, o local da asociación Os Amigos acollerá a partir das 21h da noite do sábado a estrea do documental “15 Pesetas por Frete. A entrada será totalmente de balde.

O documental e froito do proxecto de final de ciclo dun grupo de doce alumnos da Escola de Imaxe e Son de Vigo. O obxectivo é mostrar cómo se vivía o contrabando na época de posguerra no Baixo Río Miño, nomeadamente na zona de Camposancos e facer unha homenaxe aos arraianos segundo apunta a directora do documental a camposina Estefanía Alonso.

Esta noite comeza oficialmente a campaña electoral e con ela, a enquisa preelectoral do CIS. Segundo o Centro de Investigacións Sociolóxicas, o PP de Galicia revalidaría a maioría absoluta. Na segunda posición habería regueifa entre PSOE cunha estimación de 16 escanos e En Marea para quen o CIS prognostica entre 15 e 17. BNG quedaría nos 2 representantes e Ciudadanos podería entrar no Parlamento de Galicia cun escano por Pontevedra.

Os informativos da Radio Municipal de Tui recollen a diario a actualidade de Tui e do Baixo Miño

Esta semana contabamos que Tui foi no mes de agosto o segundo lugar elixido polos peregrinos para iniciar o seu camiño a Santiago. En concreto en Agosto foron 4.027 persoas as que partiron de Tui cara Compostela, é a maior cifra rexistrada nun mes de agosto dende o último Ano Santo en 2010.

Neste mes de setembro continúan moitas persoas partindo de Tui cara Santiago. Hoxe falamos con dúas peregrinas catalanas que dez anos despois repiten o Camiño Portugués. Son peregrinas expertas xa que María Teresa de Roda del Ter leva 16 anos facendo o camiño e Ester de Torello unha década, precisamente o seu primeiro camiño comezouno en Tui hai dez ano.

A actualidade deste mercores, 7 de setembro de 2016, recollémola en Noticias1330h na Radio Municipal de Tui

O luns, 12 de setembro, arrancan as clases nos colexios da comarca, e tres días despois, o xoves 15, será a quenda do alumnado de secundaria, bacharelato e ciclos. En total, en torno a 2.500 alumnos destes niveis volverán novamente ás aulas.

Xornada de intensa calor a deste martes na que coma sempre recollemos a actualidade de Tui e do Baixo Miño

Partido Popular, Partido Socialista, BNG, Ciudadanos e Converxencia 21 contan nas súas listas para as eleccións ao Parlamento de Galicia con membros do Baixo Miño.

Faltan arestora 20 días para que os galegos volvamos ás urnas, desta vez para elixir aos nosos representantes no Parlamento de Galicia. Votaremos o 25 de setembro aos 75 membros do máximo órgano representativo do pobo galego. A campaña comezará oficialmente este venres, e rematará o venres día 23.

Para os que non poidan exercer fisicamente o seu dereito ao voto ese dia no seu colexio electoral, coma no resto de eleccións, os galegos aínda poden solicitar o voto por correo para residentes en España, teñen até o 15 de setembro.