A actualidade do Baixo Miño en #Noticias1330h na Radio Municipal de Tui

A actualidade de Tui e do Baixo Miño en Noticias 1330h

Dende as 18:00 horas desta tarde e até a noite do domingo, os tudenses e visitantes poderán gozar dunha variada oferta de cervexa artesanal da man de 3 mestres cervexeiros que traerán diversas variedades de lúpulo. Haberá tamén pulpeira e food trucks. Todo no Paseo da Corredoira.

O compositor goianés Andrés Álvarez vén de recibir unha mención de honra por parte da prestixiosa Hollywood Music in Media Awards. Fundada en 2009, recoñece e premia o talento musical ao redor do mundo. Un premio que emociona ao compositor de Goián, Andrés Álvarez.

A composición pola que recibirá o premio o vindeiro 17 de novembro en Hollywood, chámase Symphonic Sketches foi un encargo do quinteto galego Rubato para unha xira polo Brasil.

As numerosas e variadas citas para esta fin de semana no Baixo Miño e o mundo do deporte centran a actualidade deste venres

A obra musical de Matías García Benayas, mestre de capela na Catedral de Tui no século XVII, volverá soar ás sete desta tarde no templo catedralicio nun evento músical no que se poderán escoitar pezas ata o momento inéditas interpretadas polo coro Vox Stellae. Do evento falounos Rafael Antela, undos promotores do proxecto.

Oito intensos minutos sobre os problemas dunha adolescente que viviremos a través do seu rostro en primeiro plano. Esta é a proposta da curta de Xurxo Chirro para a última xornada de “Camposancos de Cine” deste sábado. Trátase da curta Jeanette.

O Plan Especial do Conxunto Histórico entra na fase final cara a súa aprobación. Hoxe o alcalde de Tui, Enrique Cabaleiro, o tenente alcalde, Miguel Capón, e a concelleira de Patrimonio, Carmen Núñez, reuníronse en Santiago co subdirector xeral de Patrimonio. O alcalde valorou positivamente o encontro.

600 deportistas participan no V Torneo de Fútbol 7 e no III Torneo de Tenis da Eurocidade que foron presentados esta mañá na casa do concello de Tui. Son dúas das cinco actividades deportivas da Eurocidade previstas para este mes, ás que se suman o torneo de Hoquei da pasada fin de semana, e a andaina e o torneo de Xadréz da próxima semana, co que serán 1000 os participantes neste calendario deportivo neste setembro.

A actualidade deste xoves 15 de setembro en Tui e no Baixo Miño recollémola en Noticias 1330h