A actualidade deste luns está en #Noticias1330h con Ángel Vila e Beti Rey.

Os actos co gallo do 25N, e as citas para a fin de semana e no mundo do deporte, xunto a actualidade do día en Noticias 13.30h

A actualidade deste chuvioso xoves en Noticias 1330h

A actualidade deste mércores, 23 de novembro, na RMT, o que acontece en Tui e na contorna.

Son varias as iniciativas que leva a cabo o concello de Tui co gallo do 25N, Día Internacional contra a Violencia de Xénero. A campaña "En negro, contra a violencia", as actividades Violencia Zero da Deputación e o concurso Relación Home/Muller 100% Positiva son parte das actividades previstas segundo explicaba o concelleiro de Servizos Sociais, Laureano Alonso.

O Camping Santa Trega na Guarda acolle este sábado dende ás 10.30h a xornada escolar de Campo a Través dentro de Xogade. Participarán alumnos dos centros educativos de Tui, Tomiño, Salceda, O Rosal e A Guarda así coma dos clubs de atletismo de Tui e de Guarda. O campionato foi presentado onte no concello da Guarda. Alfonso Lorenzo é o presidente de AGRUDEBAM, que organiza o campionato.

Xa coñecemos ao rival do Mecalia Atlético Guardés na competición europea Challenge Cup. Será o Colexio Gaia de Portugal. Un rival, que independentemente do nivel deportivo, era un dos favoritos para as da guarda xa que a súa proximidade xeográfica permite un menor desprazamento. Así o apuntaba o adestrador Jose Ignacio Prades.

A actualidade deste martes, 22 de novembro en Noticias 13.30h.

Balance positivo o do concurso permanente realizado por Xuventudes Musicais de España celebrado en Tui ata este domingo. A presidenta de Xuventudes Musicais de Tui, Andrea González, destacou o gran nivel do concurso e a difícil deliberación que tivo o xurado. Andrea González explicou que dado o éxito logrado a pasada semana agarda que o concurso volva a Tui en próximos anos, algo polo que traballará dende Xuventudes Musicais de España, ao formar parte agora da súa directiva.

Esta mañá presentouse a Urban Trail Night que se celebrará este sábado ás 20h unindo Tui e Valença cun percorrido polos seus cascos históricos, a vella ponte internacional, a beira do Miño, ... Agardan superar os 500 participantes sumando os que realicen a carreira de 14 quilómetros e a andaina de 10 quilómetros. Os interesados están a tempo de anotarse ata este mercores en www.urbantrailnight.com