Informativos

Informativos

By Radio Municipal de TuiNews
Download on the App Store

Informativos episodes

  • Apertura do Centro de Interpretación do Castelo de Santa Cruz
    Dende este domingo abre ao público o Centro de Interpretación do Castelo de Santa Cruz na Guarda que brindará información non só sobre este espazo senón tamén sobre o sistema defensivo de fortalezas do Miño tal e coma explicaba o concelleiro de Patrimonio da Guarda, Javier Crespo.
    Detallaba o edil como son as instalación do novo centro.
    O horario de apertura será, as fins de semana e os días festivos, de 11 a 14 horas e pola tarde de 18:00 a 21:00.
    2 min
  • Presentación do Campus de Baloncesto Joe Arlauckas
    Un campus de baloncesto singular e diferente é o que dende hai catro anos se celebra en Tui co nome de Joe Arlauckas, así o destacou hoxe na presentación do mesmo o exxogador, acompañado por Salva Arco que visita hoxe aos participantes no Campus, Sindo Bargiela da organización, e o alcalde de Tui, Enrique Cabaleiro. Estivo tamén presente no salón de sesións do concello Lucila Pascua, que tamén se achega ata o Campus días antes de partir cara a Río onde participará con España nas Olimpíadas. Este sábado será a clausura do Campus.
    4 min
  • Ent. Quintín Álvarez, profesor da USC - Charla en Diálogos en Educación
    Ás 20h no colexio dos Xesuítas na Pasaxe na Guarda o profesor Quintín Álvarez Núñez da USC falará de “Unha educación para o século XXI: A Pedagoxía sistémica” dentro dos "Diálogos en Educación" organizado polo Concello da Guarda. O profesor Quintín Álvarez fíxenos un avance da súa charla desta tarde aberta tamén ás intervencións do público.
    5 min
  • Ent. Enrique Cabaleiro, alcalde de Tui - Reunión coa conselleira de Infraestruturas
    O alcalde de Tui, Enrique Cabaleiro entrevistouse onte á tarde coa conselleira de Infraestruturas , Ethel Vázquez. Sobre a mesa estiveron o acceso ao Parque Empresarial de Areas e as rotondas de Guillarei e Areas. Aínda que a conselleira manifestou o seu compromiso coa execución das rotondas o rexedor botou en falla prazos concretos. Tampouco hai datas para a construcción do enlace de Areas do que continua a tramitación administrativa.
    5 min
  • Ent.Uxío Benítez, deputado - Concurso Internacional de Ideas Ponte Peonil Tomiño-Cerveira
    Este venres ás 12.30h no Espazo Fortaleza de Goián asinarase un protocolo entre a presidenta da Deputación, Carmela Silva; o presidente da Câmara de Vila Nova de Cerveira, João Fernando Brito; e a alcaldesa de Tomiño, Sandra González, para realizar o concurso de ideas que definirá a imaxe da nova ponte peonil sobre o río Miño entre Tomiño e Cerveira.
    O deputado de Cooperación Transfronteiriza, Uxío Benítez, explicou que a realización dun parque transfronteirizo entre Tomiño e Cerveira é un dos proxectos incluídos na Axenda Estratéxica dos dous municipios. O proxecto será presentado pola Deputación aos fondos europeos do programa Interreg V A (POCTEP) España-Portugal 2014-2020.
    5 min
  • Convenio Concello de Tui - Xefatura de Tráfico
    Realizar o cambio de domicilio no carné de conducir ou no permiso de circulación dun vehículo son dous trámite que os cidadáns de Tui poden realizar xa nas oficinas da Casa do Concello. Isto é así grazas ao convenio asinado entre o alcalde de Tui e a xefa de Tráfico, tras aprobarse en febreiro en pleno a adhesión ao convenio marco coa FEMP. Así o explicaba o concelleiro de Seguridade, José Ramón Magán. Grazas a este convenio os cidadáns evitarán ter que desprazarse a outras cidades para realizar estes trámites.
    3 min

About Informativos

From the publisher's feed

Os informativos da Radio Municipal de Tui recollen a actualidade máis cercana no ámbito local e comarcal. A información política, social, cultural, deportiva de Tui e da comarca do Baixo Miño está…