Este domingo, 12 de xuño, celébrase a V Eurocidade 10, un evento único que percorre dous páises, dúas cidades, unha ponte internacional... para completar 10 quilómetros. Está organizada polo Club Atletistmo Tui-Thermalia e a Eurocidade Tui-Valença. A presentación realizárona hoxe o concelleiro da Eurocidade, Miguel Capón, o concelleiro de Deportes de Tui, Laureano Alonso, vareador de Desporto de Valença, José Monte, e o presidente do Club Atletistmo Tui-Thermalia, Rafael Pérez. A inscirción está aberta ata este mércores ás 23.59h. Máis información en https://clubatletismotui.wordpress.com/eurocidade10/

O Comandante Naval do Miño, Enrique García, deu conta do avance dos traballos no sexto día de busca do músico salcedense David Fernández, Michi, que desapareceu a pasada noite do venres en Lapela (Monçao). O operativo dirixido polas autoridades lusas e españolas, e no que participan 24 mergulladores, buques portugueses e españois e drons da AXEGA, ampliou hoxe a zona de búsqueda na canle do río. Enrique García quixo así mesmo agradecer e pedir prudencia aos voluntarios que axudan no operativo.

Os españois consumiron no ano 2015 máis de mil cincocentos millóns de kilos de pan e, non en van, Galicia é unha das comunidades con maior consumo.

Achegámonos hoxe a O Porriño, onde gozan dunha experiencia histórica no amasado deste produto e aínda que pareza estraño estamos de estrea porque non festexaban o seu produto máis importante. Até agora. Este sábado celebran a I Festa do Pan do Porriño, unha tradición panadeira que se remontan na vila até comezos do século XIX.

Cun investimento de 40 mil euros Portos de Galicia vai habilitar unha zona administrativa na lonxa do peirao da Guarda. As obras poderían comezar en agosto segundo explicou o presidente de Portos, José Juan Duran, quen este mediodía presentou o proxecto na Guarda.

Tui mantense en maio como o quinto punto de saída favorito para os peregrinos que fan o Camiño de Santiago. En particular, 1.122 peregrinos saíron dende Tui con destino a Santiago de Compostela. Namentres Sarria foi a escolla máis popular, por diante de Saint Jean Pied de Port e Porto, que ocupa o terceiro lugar, segundo os datos facilitados pola Oficina do Peregrino.

No conxunto, a Oficina do Peregrino recibiu a case 33.000 persoas, o que supón un aumento do 5% con respecto a maio do ano pasado. O camiño portugués establecese como o segundo con maior número de peregrinos, con un 20% do total. A maioría optou por facer a peregrinación a pe, un 90% elixiu esta opción.

Comeza o mes de xuño, o sol e a calor… e tamén a música, que será a protagonista do verán nas Rías Baixas. Son sete os festivais que a Deputación de Pontevedra vén de presentar dentro do programa RiasBaixasFEsts e que contará cunha intensa promoción na que participarán os tudenses Best Boy.

Hoxe, 31 de maio celébrase o Día Mundial sen Tabaco. Para coñecer se os tudenses son quen ou non de deixar este hábito saímos á rúa, e foi ben complicado atopar a xente fumando. En plena corredoira, rodeados de xente, foi case que imposible dar con fumadores.

Co obxectivo de completar a documentación sobre patios, escaleiras e outros elementos singulares a próxima semana o equipo redactor do PEPCHA, visitará as vivendas do conxunto histórico de Tui. Por este motivo a concelleira de Patrimonio, Carmen Núñez, sinala que sería moi interesante que o equipo redactor puidese acceder ás vivendas para así poder completar a documentación e seguir avanzando na tramitación do PEPCHA. Explicou amais á RMT en qué momento se atopa o plan especial.

No claustro da Catedral de Tui lévanse varias semanas facendo un traballo no que a paciencia é o alicerce fundamental. Hoxe visitamos as voluntarias, e tamén algún voluntario, que traballan por recuperar a tradición das alfombras do Corpus en Tui.

Hoxe venres e mañá sábado celebranse no IES Indalecio Pérez Tizón as Xornadas de Tecnoloxía organizadas pola Asociación de Profesorado de Tecnoloxía de Galicia, APETEGA. Victoria Alonso, unha das coordinadoras da actividade, explicou que se trata da edición número quince cuxo obxectivo é ofrecer ao profesorado de secundaria con obradoiros e prácticas relacionados coas novas tecnoloxías, a robótica, a programación e outros eidos da innovación aplicada ao ensino.

Serán eminentemente prácticas e os coñecementos adquiridos trasladaranse nas próximas xornadas ás aulas. No programa figura tamén unha visita turística a Tui.