Este domingo ás 11h diante da igrexa parroquial de Amorín terá lugar a saída a VIII Carreira Popular de Amorín - Carreira pola integración - Gotas para Níxer. Xosé María Regueiro, presidente da AAVV Amorín, daba conta da componente solidaira da carreira.

Explicaba asemade coma vai ser a carreira, na que agardan entorno a 350 participantes. No desenvolvemento da carreira estarán o domingo máis de 70 voluntarios cunha vintena de entidades colaboradoras. www.damorin.es

A empresa Utingal, emprazada no Parque Empresarial de Areas, conta dende o pasado mes de setembro con novas instalacións nunha nave de 4 mil metros cadrados nas que traballan 60 persoas. Esta industria comezou en 1998 con tres persoas centrada no sector da automoción, e en 2012 deu o salto a aeronáutica. Na actualidade fabrica pezas para Airbus, Boing e Embraer. Hoxe o alcalde de Tui, Enrique Cabaleiro, e os concelleiros Yolanda Rodríguez, María José González e Laureano Alonso, coñeceron máis polo muído a súa actividade nunha visita guiada polo seu presidente Jesús González López.

A Cámara de Comercio de Tui en colaboración con Abanca inician unha campaña de recollida de alimentos e fondos a favor do Banco de Alimentos de Vigo que tamén se repartirán no Baixo Miño. En total, 20 empresas da demarcación de Tui participan nesta campaña na que se instalarán caixas nos negocios nos que os traballadores e os clientes poidan colaborar entregando alimentos non perecedoiros.

Abanca colaborará coa iniciativa “únete ao proxecto solidario” que dende hoxe e até o vindeiro 7 de xuño, nas oficinas de Porriño, Tui, Tomiño, Salceda, Oia, A Guarda e O Rosal, traballadores e clientes poderán realizar un ingreso de 10, 20 ou 25 euros que se corresponde con cestas infantís, básicas ou completas que se entregarán ao Banco de Alimentos. Amais, existe a posibilidade de realizar unha transferencia ao Banco de Alimentos de Vigo na conta que ten aberta na entidade (ES47 2080 5066 7930 4002 9059) .

Tui acolle hoxe V Encontro de Oficinas de Emprego fronteirizas de Galicia e do Norte de Portugal promovido polo Eures Tranfronteirizo. Están a participar case 60 directores e técnicos de emprego das oficinas a ambos lado do Miño para levar a cabo un intercambio de información sobre a rede Eures, o mercado de emprego na zona, procurando unha relación fluída entre elas e buscando tamén por en común as oportunidades de emprego, No acto de apertura desta mañá interviron o alcalde de Tui, Enrique Cabaleiro, o director regional de emprego do Norte de Portugal, Antonio Leites, e o director xeral de Orientación e Promoción Laboral, Alfonso Marnotes.

A orquestra de corda da Escola de Música e do Conservatorio Profesional de Música de Tui ofrece hoxe ás 20h un concerto de música barroca baixo a dirección de Luis Caballero quen explicou cóma será este evento musical. Participarán tamén músicos convidados. A entrada será libre ata completar o aforamento.

Hoxe celébrase o Día Internacional dos Parques Naturais . En 1978 o Monte Aloia foi o primeiro espazo natural protexido de Galicia. Un parque natural que en palabras do seu director, Gonzalo Puerto, goza de boa saúde e plantexa novos retos coma facer maior fincapé na investigación da biodiversidade. A celebración deste Día Internacional realizouse xa onte cos escolares de Pazos de Reis.

Mañá á mañá celébrase na Área Panorámica de Tui o V Encontro de Oficinas de Emprego fronteirizas de Galicia edo Norte de Portugal promovido polo Eures Tranfronteirizo. No mesmo van participar 58 directores e técnicos de emprego das oficinas a ambos lado do Miño para levar a cabo un intercambio de información sobre a rede Eures, o mercado de emprego na zona, procurando unha relación fluída entre elas e buscando tamén por en común as oportunidades de emprego, a normativa ou os obstáculos que atopan á mobilidade. Explicounolo a directora do EURES Transfronteirizo Galicia-Norte de Portugal.

José Borgés e Maaris Meier fíxeronse onte coa vitoria no Big Ride Eurocidade, Open de España de Enduro. Deste xeito ambos se situan líderes amais do Open que tivo a primeira proba en Ojén, e que proseguirá en Morella e Castejón de SOS.

Escoitamos aos vecendores Jorge Borges e Maaris Meier

200 corredores, 50 quilómetros, 4 tramos, 2 cidades Tui e Valença, 2 países... son algunhas das cifras do Big Ride Eurocidade, Open de España de Enduro que se celebra esta fin de semana. O domingo será a competición oficial dende ás 8.30h no Monte Aloia e no Monte Faro, onde teñen lugar xa os adestramentos dos corredores. Onte a Pousada de San Teotonio en Valença acolleu a presentación deste evento deportivo. Recollemos un fragmento das intervencións de Guti Martín, director do Big Ride; Jacobo Santana e Marcos Fildalgo, corredores; Juan Carlos Múñiz, presidente da Federación Galega de Ciclismo; Laureano Alonso, concelleiro de Deportes de Tui, e José Monte, vereador de Desporto de Valença.

O Grupo de Desenvolvemento Rural GDR 14 presentou esta mañá o documento resultado da finalización da primeira fase do proceso participativo de elaboración da estratexia de desenvolvemento local. Trátase do diagnóstico socioeconómico e análise DAFO elaborado polo persoal técnico do GDR e a poboación participante no proceso. Eva Gil é técnica do GDR14