O exalcalde da Guarda, José Manuel Domínguez Freitas, e a concelleira Montserrat Magallanes, foron denunciados ante o xulgado por un particular polo pagos realizados polo Concello da Guarda a Caminha para saldar a débeda contraída coa Cámara Municipal de Caminha no tocante ao ferri. Tras declarar hai un mes ante a xuíza, e coa documentación que estes días remitirán dende o Concello o exalcalde agarda o arquivo da investigación. Dase amais a circunstancia sobre este tema que o Concello da Guarda ten unha denuncia da Cámara Municipal de Caminha polo impago de case 2 millóns de euros correspondentes as anualidades anteriores a 2006 do mantemento do ferri.

Os escolares disfrutaron xa esta mañá da primeira xornada do Festival de Cans, no Porriño, que prosegue a partir das 16.30h coa proxección de booktrailers, do film "Visións" de Xisela Franco e Beli Martínez, coa colocación de pracas no Muro dos Chimpín, coa homenaxe das pandereiras de Cans, coa presentación do xurado deste ano, cun serán...e moito máis coma nos explicaba Keka Losada. presidenta da Asociación Cultura Arela, organizadora do evento.

O novo pavillón de deportes de Tui acollerá este domingo, 15 de maio, dende ás 14.30h a segunda xornada da Liga Internacional de Clubes Luso Galega de Judo 2016 organizada polo Juvalença e o Judo Club Tudense. Na mesma van participar 11 equipos masculinos e 3 femininos de Galicia e Portugal. O Juvalença e o Judo Club Tudense competirán coma un único equipo representando á Eurocidade. Así o explicaron hoxe na presentación do evento a presidenta do Juvalença, Argentina Rosa da Silva, e o presidente do Judo Club Tudense, David Morais, acompañados polo concelleiro de Deportes, Laureano Alonso e polo alcalde de Tui, Enrique Cabaleiro.

O alcalde de Tui, Enrique Cabaleiro, a concelleira de Cultura, María José González e o concelleiro de Turismo, Laureano Alonso, presentaron a décimo novena Feira do Libro galego de Tui e maila Feira de Antigüedades que terán lugar o próximo martes 17 de maio, ámbalas dúas na Corredoira. A feira comezará as 11:30 horas cun obradoiro de marca páxinas e xogos populares coa compañía “en un tris tras”, aínda que o acto oficial será as 12:00 do mediodía tralo cal se producirá unha lectura colectiva de textos de Manuel María, autor galardoado este ano coas Letras Galegas, e na que poden participar tódolos veciños que o desexen. Durante todo o día produciranse ademais actuacións folclóricas e de diferentes grupos tradicionais que amenizarán a xornada.

Esta fin de semana celébrase o II Rallie Eurocidade organizado pola Escudería Dona Urraca coa participación dun centenar de coches que o venres pasarán as verificacións técnicas e administrativas, e o sábado realizarán xa a competicións. Terán que realizar catro treito a dobre pasado, dous pola mañá e dous pola tarde. Así o explicou este mediodía o presidente da Escudería Dona Urraca, Marcos González, na presentación da proba. Fixo amais un chamamento ao público á respectar as medidas de seguridade e situarse en zonas altas, sobre todo nas curvas, para ver a competición.

Ás dez desta mañá comezou na praia de de Guillarei un simulacro de emerxencias elaborado por corenta e tres militares da UME, embarcacións da Comandancia Naval do Miño e efectivos da brigada de Emerxencia de Intervención Ambiental de Gas Natural Fenosa. O responsable de Medio Ambiente da unidade hidráulica da eléctrica, Julio Soto, relata o exercicio.

O alcalde de Tui, Enrique Cabaleiro, a presidenda da Deputación, Carmela Silva, xunto á deputada Digna Rivas e os concelleiros tudenses Yolanda Rodríguez, María José González e Laureano Alonso, asistiron esta tarde á visita guiada da exposición “Mulleres en acción:Violencia Zero” organizada pola Deputación de Pontevedra. O acto contou con comisario da exposición Íñigo Rodríguez, a artista Mónica Mura, representantes de distintos colectivos tudenses, así coma cunha trintena de alumnos de 1º da ESO do Colexio Maristas.

O enlace de Areas é o máis urxente e importante, segundo a conselleira de Infraestruturas, Ethel Vázquez. Así o expuxo onte á tarde na Cámara de Comercio de Tui, onde presentou o proxecto de trazado aos empresarios do Parque Empresarial de Areas. Onte mesmo se iniciou a información pública dese trazado. Explicou que as obras do enlace executaranse ao mesmo tempo que as do tramo I da VAP Tui-A Guarda.

O alcalde de Tui, Enrique Cabaleiro, xunto co concelleiro de Deportes, Laureano Alonso, e os responsables do club ANDATUI, Xosé Manuel Novoa e José Martínez Tato, presentaron este venres a XIII Andaina Tudense Solidaria. Os participantes percorrerán 26 quilómetros nesta camiñada de subida ao Monte Aloia. Celebrarase o sábado 14 de maio.

Eliminar turbidez acumulada na rede de abastecemento de auga e renovar unha redutora de presión é o obxectivo das tarefas de mantemento que mañá vai realizar o Consorcio de Augas do Louro. Estes traballos poden xerar cortes puntuais no subminstro prinicipalmente na Avenida da Concordia e nas rúas Calzada e Coengo Valiño, tal e coma nos explicou Ramiro Gutiérrez, xefe de servizo do Consorcio. Tamén nos deu conta da convocatoria do I Concurso de Debuxo Infantil “O ciclo da auga, unha aventura para valentes”.