Hoxe martes, 19 de abril, ás 20.30h terá lugar na Casa Cultural de Pexegueiro unha reunión para informar aos veciños da conexión á rede de saneamento ante a próxima posta en marcha da estación de bombeo de Areas. Onte celebrouse unha reunión similar en Malvas. Os veciños que non poidan asistir á reunión poden dirixirse directamente á oficina do Consorcio do Louro en Tui. Así o explicou o alcalde, Enrique Cabaleiro.

O alcalde de Tui, Enrique Cabaleiro, solicitou a pasada semana unha reunión urxente da Mancomunidade do Baixo Miño tras coñecer o desvío de 3,6 millóns de euros do Tramo I da VAC Tui-A Guarda para o desdobramento do Corredor do Morrazo. A esta medida sumarase unha moción que será levada ao pleno ordinario a próxima semana e reunións cos sectores afectados.

O alcalde lamenta o trato da Xunta cara a comarca e tamén cara o municipio de Tui onde seguen sen realizarse as rotondas de Guillarei cara a Veiga do Louro e en Areas, que son prioritarias.

A Biblioteca Pública Municipal de Tui acolle este sábado, para celebrar o Día do Libro, unha actividade titulada “A lingua de signos nas túas mans con Iria e María”. Trátase dun contacontos, no que os contos serán contados tamén en lingua de signos, e os pequenos poderán aprender algunos dos signos por exemplo coma dicir papá e mamá. Haberá dúas quendas en función da idade dos nenos. Ás 17h será para nenos de 3 a 7 anos, e ás 18.30ha para nenos de 7 a 12 anos. É preciso inscribirse na Biblioteca, no correo electrónico [email protected] ou por no 617 49 81 03. Correrá a cargo de Maria Campo, educadora infantil, e de Iria Márquez, intérprete de lingua de signos, con quen falamos.

O Concello de Tomiño está a realizar un catálogo de árbores senlleiras do municipio, para o que solicitan tamén a colaboración cidadá para rexistrar así todos os exemplares tanto autóctonos coma exóticos. O concelleiro Francisco Campo explicou á RMT que o traballo durará un ano, aproxidamente, e teña xa localizadas algunhas árbores coma sobreiras ou estripeiros.

Dende a Plataforma de Afectados pola VAC Tui-A Guarda de Areas, Marcos Gómez, manifesta a súa repulsa a decisión da transferir os 3,6 millóns de euros previstos para este vial no Baixo Miño ao desdobramento do Corredor do Morrazo. Consideran que isto supón condenar o desenvolvemento de toda a comarca, e pensan que hai motivos electorais tras esta decisión.

No seu parecer deberíase convocar a nivel comarcal unha acción de protesta conxunta, mesmo indo ata Santiago.

"No cow on the ice" do galego Eloy Domínguez Serén forma da Sección Oficial a competición do Play Doc. Proxectase hoxe xoves, 14 de abril, ás 23.00h na que será a súa estrea en Galicia. Eloy Dominguez explicaba á RMT que é para él un pracer estar de novo no Play-Doc, este ano competindo na sección oficial. Neste documental relata a súa propia vivencia persoal cando marchou traballar a Suecia.

A Xunta de Galicia vai realizar unha transferencia de fondo do Fondo de Compensación Interterritorial de 2016 en material de “Autoestradas, autovías e estradas” que ía inicialmente destinado ao Tramo I da VAC Tui-A Guarda para o desdobramento do Corredor do Morrazo. En concreto trátase de 3.641.526 € destinado a infraestrutura viaira en Tui que destinarán agora ao Morrazo.

O alcalde de Tui, Enrique Cabaleiro, amosa a súa preocupación tras coñecer esta noticia xa que considera que supón un ninguneo da Xunta a toda unha comarca, e dada as graves consecuencias que terá non rematar esta infraestruturas para o sector produtivo da comarca.

O alcalde de Tui, Enrique Cabaleiro, e o concelleiro de Medio Ambiente, Medio Rural, Recollida de Lixo, Limpeza Viaria e Participación Cidadá, José Martínez Tato, reuníronse onte co deputado de Mobilidade, Uxío Benítez, a quen expuxeron a situación deterioro no que se atopan tres estradas provinciais en Tui en Caldelas, Rebordáns, e Ribadelouro. Solicitaron a mellora do firme, pintado, e rematar a humanización destes viais. O deputado foi moi receptivo e asumiu o compromiso para levar a cabo estes traballos de forma gradual.

Onte, mércores 13 de abril, foi inaugurado oficialmente o XII Festival Internacional de Documentais de Tui, Play-Doc. A proxeccións da película "Miss Ledyia" con música en directo de Karolis Biveinis abriu o acto inaugural, seguido da intervención dos directores do festival e das autoridades. Recollemos fragmentos dos discursos nesta orde: Sara García, directora de Play Doc; Enrique Cabaleiro, alcalde de Tui; Jacobo Sutil, director da AGADIC; Santos Héctos, deputado de Turismo; Amaia Baltar de Gas Natural e Ángel Sánchez, director de Play-Doc. Logo proxectouse "The blues according to Lightin' Hopkins".

O próximo mes de maio comezará en Tui un curso de Monitor de Fútbol Base impartido pola Federación Galega de Fútbol en colaboración co Concello de Tui. Esta mañá na presentación desta actividade formativa Laureano Alonso, concelleiro de Deportes, salientaba o interese deste curso para os clubs de Tui e da comarca. O director da Escola Galega de Adestradores, Manuel Mosquera destacou o éxito do anterior curso celebrado en Tui, e se está creando o caldo de cultivo para en 2017 se poida convocar esta zona coma UEFA B.

José Luís Mosquera, responsable da escola na área de Vigo, destacou os obxectivos deste curso que se celebrará durante 2 meses e medio en Tui. Máis información en http://futgal.es/