Na presentación do calendario deportivo da Eurocidade o representante de Celtas do Minho, Bruno Gonçalves, salientou que entre as novidades que este ano presenta o Circuíto de Andainas Saudables está por unha banda o feito de que será preciso inscribirse previamente para participar, e por outra a que haberá unha andaina ao mes, así coma en territorio tudense serán guiadas polo club AndaTui RegodaPedra. Serán un total de dez percorrido o primeiro deles o 13 de marzo polo Trihlo de Pescadores e o último o 13 de novembro polo Trilho das dúas Bandas.

Na presentación do calendario deportivo da Eurocidade o director técnico da Peña Ciclista Biciosos Rías Baixas, Eduardo Fernández, citou que o obxectivo este ano é superar os mil participantes nesta proba que se vai celebrar o 6 de marzo. Este ano ofertan de novo dous percorrido de 45 e 69 kms con novos traxectos.

O presidente da Cámara de Valença, Jorge Salgueiro, destacou a Marca Eurocidade na presentación do calendario deportivo da Eurocidade, sinalanado que é unha marca política consolidada a piques de cumprir os seis anos da súa constitución.

José Monte, vareador de Deportes de Valença, salientaba que tras cinco anos ten crecido o número de actividades, con 14 modalidades deportivas, e o interese que esperta a oferta conxunta das dúas cidades

Laureano Alonso, concelleiro de Deportes de Tui, destacou que haberá case tres eventos ao mes sumando unha trintena de actividades ao longo do ano. Afirmo que a Eurocidade é un exemplo de dinamismo e actividades deportivas agardando que teñan unha gran acollida.

Enrique Cabaleiro, destacou que o calendario deportivo que se presenta “é o máis importante e máis intenso de carácter transfronteirizo que existe na península ibérica, e pode que en Europa poucos exemplos similares se poden dar”. Isto é así segundo o rexedor tudense por unha banda pola iniciativa social importante dedicada ao deporte, polo patrimonio cultural e natural que ten a Eurocidade e porque se dan as condicións xeopolíticas coa marca Eurocidade consolidada.

Onte presentouse a Asociación de Restauradores e Hostaleiros de Tui, que ten como principais obxectivos fomentar a formación, impulsar a profesionalidade e incentivar a busca activa de traballo. Así o anunciaron na presentación da Asociación que tivo lugar na Área Panorámica, os seus promotores, Marina Cruces, Sonia Alonso, de Tapas e Viños, Paula Álvarez, do Cruceiro do Monte, Manuel Garrido, da Tapería La de Manu e Aquilino Gregores de La Gran Manzana.

O Concello da Guarda ao través do Programa de Educación Familiar e a OMIX organizan un ciclo de charlas baixo o título de “Manual de instrucións para educar”.

A organización destas actividade xorde do interese detectado por parte de pais e educadores sobre a educación dos fillos. O obxectivo da mesma é compartir pautas sinxelas e ofrecer un espazo de reflexión e intercambio de experiencias, para poder axudas ás nais, pais e educadores/as. Así nolo explicou Iria Alonso, educadora familiar da Guarda.

Máis de 150 persoas inscribíronse na II Andaina, Ruta Máxica- Mosteiro de Oia, organizada polo Ciclismo Oiense que se celebrará o domingo 21 deste mes. O prazo de inscrición rematará o vindeiro 18 de febreiro ás 00h, e Carlos Alonso Fernández, presidente de Ciclismo Oiense, agarda que se cubran as prazas previstas, que son arredor de 200. A saída está prevista ás dez da mañá dende o aparcamento do Camping O Muiño de Mougás para realizar un percorrido de 18 quilómetros de dificultade media alta, que rematará ás 18.30h.

A inscrición ten un prezo de 6€. Pode facer por WhatsApp no 666 609 410 ou no correo [email protected]

O delegado territorial da Xunta en Pontevedra, José Manuel Cores Tourís, visitou este mediodía a empresa Establecementos Cholo en Tui.

Establecementos Cholo está situada no Parque Empresarial de Areas e conta con tres puntos de venda en Vigo. É unha empresa cárnica que vende anualmente 1.200 toneladas de produtos e conta con 28 traballadores. O obxectivo da visita desta mañá por parte do delegado territorial foi coñecer á empresa que recibiu da Xunta, dentro da liña de achegas para industrias agrarias, 75 mil euros dos 166 mil que investiu en melloras na súa planta tudense,