Informativos

Informativos

By Radio Municipal de TuiNews
Download on the App Store

Informativos episodes

  • Valoración dos veciños de Areas sobre o anuncio da conselleira de Infraestruturas sobre o Tramo I da VAC
    A Plataforma da VAC Tui-A Guarda xunto coas AAVV Monte do Seo, a Asociación Cultural Seixos Albos e a Comunidade de Montes de Areas valoran positivamente o anuncio feito pola conselleira de Infraestruturas, Ethel Vázquez, sobre o tramo I da VAC e o acceso ao parque empresarial, coa próxima licitación en maio do proxecto construtivo, pero agardan que isto non quede so nunha promesa. Están contentos pero expectantes na execución das obras, tal e coma explicaba Marcos Gómez, membro da Plataforma de Afectados.
    3 min
  • Ent. Enrique Cabaleiro, alcalde de Tui - Valoración anuncio VAC e apertura r/Ourense
    O alcalde de Tui, Enrique Cabaleiro, cualificou de boa nova o anuncio feito este mediodía pola conselleira de Infraestruturas, Ethel de Vázquez do investimento de 12 millóns de euros no Tramo I da VAC Tui-A Guarda. No seu parecer esta rectificación por parte da Xunta responde á presión exercida polos alcaldes e a mancomunidade do Baixo Miño, así como o malestar do veciños e do sector empresarial tras o desvío da partida de 3,6 millóns euros para o Corredor do Morrazo.
    O alcalde de Tui tamén se referiu, no ámbito local, aos trámites que se están a seguir para a apertura da rúa Ourense.
    4 min
  • A CH Miño-Sil realizará traballos para mellorar a capacidade de desaugadoiro do Louro e Miño, entre outros
    O próximo mes de maio comezarán a executarse unha serie de obras por parte da Confederación Hidrográfica do Miño-Sil nos ríos Louro, Miño, Tamuxe ou Tea, entre outros, afectados polos temporais de xaneiro e febreiro. Trátase da eliminación de tapóns de restos vexetais, restauración de marxes erosionadas e defensa das mesmas, rozas, retirada de acarreos, sedimentos e residuos, co obxectivo de restituír a capacidade de desaugadoiro das canles afectadas, cun investimento de case 400 mil euros. Así o explicou o presidente da CHMS, Francisco Marín.
    4 min
  • Ent. Cristina Correa, pta da Mancomunidade do Baixo Miño - Acordo VAC e outros
    A Mancomunidade do Baixo Miño acordou na súa reunión de hoxe, por unanimidade, solicitar á Xunta que manteña o investimento na VAC Tui-A Guarda , e un calendario de actuacións neste vial. Amais trataron tamén o xeodestino Val Miño-Baixo Miño, e a promoción turística da comarca. Así o explicou Cristina Correa, presidenta da Mancomunidade do Baixo Miño, e alcaldesa de Oia.
    4 min
  • O 1 de maio celébrase o I Trail Monte Aloia
    O domingo 1 de maio celebrarase o I Trail Monte Aloia organizado pola Asociación Cultural Comisión Festas Virxe das Dores de Guillarei. Foi presentado esta mañá polo concelleiro de Deportes, Laureano Alonso, o presidente da Entidade Local Menor de Pazos de Reis, Enrique Perez, xunto a Rafael Estévez e José Villaverde, da asociación organizadora. Trátase dunha carreira a pé por montaña, sendeiros e con fortes desniveis. O trail consta de 25 quilómetros e 1.400 metros de desnivel, que sairá ás 9h dende a Macoca, e ominitrail de 15 quilómetros con 800 metros de desnivel e que sairá media hora máis tarde. Explicaban na presentación que transcorrer polo Parque Natural é un valor engadido, polo que nos próximos anos podería converterse en referente. Tamén deron conta de parte do percorrido.
    3 min
  • A Guarda celebra mañá un pleno extraordinario e urxente para reclamar o mantemento da partida orzamentaria da VAC
    Na Guarda está convocado mañá un pleno extraordinario e urxente para reclamar o mantemento da partida orzamentaria destinada á VAC Tui-A Guarda. O alcalde da Guarda, Antonio Lomba, cualificou esta infraestrutura de fundamental para a comarca, pero máis aínda para o seu municipio. Por iso propoñen mañá á corporación que se pronuncien sobre o tema.
    No escrito consensuado solicitarán que se anule a modificación da partida, e reclaman que estableza plan de investimento e prazos para rematar esta vía.
    2 min
  • Reunión en Pexegueiro sobre a conexión á rede de saneamento
    Hoxe martes, 19 de abril, ás 20.30h terá lugar na Casa Cultural de Pexegueiro unha reunión para informar aos veciños da conexión á rede de saneamento ante a próxima posta en marcha da estación de bombeo de Areas. Onte celebrouse unha reunión similar en Malvas. Os veciños que non poidan asistir á reunión poden dirixirse directamente á oficina do Consorcio do Louro en Tui. Así o explicou o alcalde, Enrique Cabaleiro.
    1 min

About Informativos

From the publisher's feed

Os informativos da Radio Municipal de Tui recollen a actualidade máis cercana no ámbito local e comarcal. A información política, social, cultural, deportiva de Tui e da comarca do Baixo Miño está…