Mañá ás dez da mañá na Casa da Cultura de Mougás, en Oia, vaise constituír a primeira asociación de resineiros de Galicia, AREGA, que parte con quince asociados.

Esta asociación de resineiros de Galicia busca chamar a atención das autoridades autonómicas para se se regule claramente este aproveitamento, divulgar os beneficios do resinado dos piñeiros e servir como interlocutor válido ante propietarios, administracións e outros colectivos relacionados co monte, para que se desbloquee a situación de parálises na que Galicia está con respecto a este aproveitamento que pode marcar un "antes e un despois" no sector forestal galego.

José Antonio Rodríguez Puga, é confundador de AREGA.

Onte á tarde abriu as súas portas na zona anexa á Sala de Exposicións Municipal a mostra “A natureza das cores” de José de Freitas, pintor afincado en Valença. O acto de inauguración contou coa presenza da concelleira de Cultura de Tui, María José González. José de Freitas explicou que co título da mostra busca plasmar as cores e os sentimentos nunha mostra no que a natureza é protagonista con paisaxes do Miño ou de Valença entre outros.

A exposición pode visitarse ata o 26 deste mes de luns a venres de 9 a 14h e de 16.30h a 20.30h

Play-Doc, o Festival Internacional de Documentais de Tui, pon en marcha hoxe unha campaña de micromecenazgo dirixida a publicación da que será a primeira monografía de Charles Burnett. Este cineasta será obxecto na edición deste ano, do 13 ao 17 de abril, dunha retrospectiva. Os que desexen colaborar poden facelo ao través da plataforma Verkami. Nolo contou Sara García, directora de Play-Doc, xunto a Ángel Sánchez.

A introducción de clases de informática e o establecemento de dous grupos entre a trintena de usuarios para brindarlles unha mellor atención, son parte das novidades que terá este ano o Programa de Maiores do Concello de Tomiño. Así o detallou á RMT a concelleira de Servizos Sociais, Cristina Martínez.

O Baixo Miño contará con 270 mil euros do Plan Marco de mellora de camiños municipais de acceso a explotacións agrarias 2016 para a provincia de Pontevedra. Este plan foi presentado esta mañá na sede da Xunta, en Pontevera, polo director xeral de Desenvolvemento Rural, Antonio Crespo, acompañado polo delegado territorial da Xunta en Pontevedra, José Manuel Cores Tourís.

O alcalde de Tui, Enrique Cabaleiro, asistiu esta mañá en Pontevedra, á presentación onde se deron a coñecer os requisitos dos proxectos que se presenten ao Plan Marco, no que o Concello de Tui disporá dun orzamento de 65.326€

A construción dun novo colexio en Pazos de Reis, o arranxo da cuberta do CEIP de Rebordáns, a ampliación do comedor escolar do CEIP nº2, o reasfaltado no CEIP de Randufe ou a solicitude de persmisos para o uso do CEIP nº2 e dos IES's Indalecio Pérez e San Paio foron algúns dos temas tratados hoxe polo tenente alcalde de Tui, Miguel Capón, e o xefe territorial de Educación, César Pérez. Ao encontro asistiron tamén membros da directiva e da ANPA do CEIP de Rebordáns.

A Plataforma de afectados polas preferentes do Baixo Miño informa que a afectada tudense Yolanda Viñas vén de recibir unha multa de 300€ por uns comentarios publicados no seu muro de Facebook o pasado mes de decembro facendo referencia a un artigo de prensa. Nolo contaba a propia afectada, Yolanda Viña.

A Plataforma vai iniciar os trámites xudiciais e políticos para paralizar esta situación.

Hoxe ponse en marcha a 11ª campaña de Banta, o Banco de Tapóns do Baixo Miño na que recollerá tapóns para axudar a dous nenos Jorge e Brais. Contonolo Manuel Pardo, presidente da BANTA, quen tamén deu conta de como resultou o peche da anterior campaña o pasado sábado

O Entroido abre a programación do primeiro semestre do ano en Tui co desfile-concurso o próximo 8 de febreiro. Mentres no Teatro Municipal o primeiro espectáculo será o concerto que ofercerá o tudense Samuel Diz. Así o explicou esta mañá a concelleira de Cultura de #Tui,María José González. O seu homólogo de Valença, José Monte, referiuse ao concerto da Orquestra do Norte que aporta a Cámara de Valença a esta programación. O músico Samuel Diz avanzou que o seu concerto do 19 de febreiro será un evento único.

Esta mañá presentouse a programación cultural do primeiro semestre do ano 2016 en Tui, que vén recollida na Axenda Cultura Corredoira. O alcalde, Enrique Cabaleiro, avanzou que posiblemente esta sexa a última axenda con este formato, xa que a próxima será a Axenda Cultural da Eurocidade. Mentres o director da AGADIC, Jacobo Sutil, deu a coñecer que Tui ocupou en 2015 o primeiro posto en media de espectadores na Rede Galega de Teatro e Auditorios.