Onte o Concello da Guarda abriu o prazo de inscrición para que carrozas e comparsas se inscriben no desfile de Entroido, que terá lugar o vindeiro martes día 9 de febreiro. Elena Baz, concelleira de Cultura, deu conta que este ano coma novidade, as comparsas e carrozas que participen no desfile levaranse unha compensación económica.

O Concello do Rosal comeza o ano con novos cursos, aos que se lles suman os que están en funcionamento como zumba e pilates. Estas novas actividades trátanse dun curso de iniciación a inglés, outro de introducción á informática, curso de elaboración de confeituras caseiras, xunto con outro de coidados da pel. Amais, a concelleira de Información Xuvenil, María del Carmen Alonso, deu conta da Tarde de Encontros e das camiñadas de balde.

Este ano o Festival Play-Doc volta con propostas moi aplaudidas, como a sección Retrospectiva, dedicada a un autor americano, coa publicación dun libro e con Play-Doc Televisión, no que os usuarios de R poden ver as películas do festival directamente no seu televisor.

Amais, o Festival pon en marcha por segundo ano consecutivo a sección da Crítica Resonancias, que funciona como punto de unión para a crítica cinematográfica. Así nolo contaba o seu director, Ángel Sánchez

O Concello de Oia continúa este ano co programa de compostaxe doméstico, e ademais cede de forma gratuita ós veciños do municipio, un compostador para os que queiran participar no programa. Repartiranse mediante orde de entrada no Concello. A axente de emprego e desenvolvemento do Concello de Oia, Raquel Pérez, destacou que arestora levan repartidos 25 composteiros e están en lista de agarda 8 veciños máis.

O proxecto de rehabilitación da Fortaleza de Goián, en Tomiño, é un dos seleccionados polo Colexio de Arquitectos de Galicia na nova proposta de experiencias turísticas: "Arquitectura Contemporáneas nas Rías Baixas. Espírito creativo" da Deputación de Pontevedra. Uxío Benítez, tenente alcalde de Tomiño e deputado provincial, amosou a satisfacción do Concello de Tomiño polo feito de que o Colexio de Arquitectos elixira a recuperación da Fortaleza de Goián para este proxecto.

A Eurocidade Tui-Valença acollerá o 21 e 22 de maio a segunda proba da Big Ride 2016. Este Open de España de Enduro de BTT foi presentado hoxe oficialmente en #FITUR2016 onde se deu conta que terá catro sedes, amais da Eurocidade acollerán este evento Ojén, Castellón de SOS e coma novidade Morella. Contono na RMT Guti Martín, de Sherpa Project, organizadores do evento.

O Concello do Rosal organiza unha exposición de fotografías antigas testemuño gráfico das mulleres. O obxectivo é visibilizar o papel das mulleres no medio rural. Dende o Concello solicitan a todas as persoas do Rosal, que acheguen fotografías antigas que fagan alusión ó traballo da muller. Con estas fotografías levarán a cabo unha exposición con motivo do Día Internacional da Muller o 8 de marzo. O prazo de presentación termina o 22 de febreiro. Sandra Alonso é a educadora familiar do Rosal

A Guarda tamén estivo onte en FITUR para manter dúas reunións unha de destinos EDEN e outra co consultor da Universidade de Barcelona que fará o expediente da candidatura conxunta da Guarda-Caminha a Patrimonio da Humanidade. Tamén aproveitaron para manter contactos con touroperadores, así coma con responsables da Xunta e doutros concellos. Así nolo contou o alcalde da Guarda, Antonio Lomba.

O alcalde de Tui, Enrique Cabaleiro, fixo unha valoración moi positiva da presentación realizada onte á tarde en #FITUR2016 por ter a oportunidade dar a coñecer a marca de calidade da Eurocidade. Aproveitou para resaltar a riqueza patrimonial e natural das dúas cidade, facendo fincapé na diversidade de ocio ligada ao río Miño, a variedade da riqueza gastronómica e hostaleira.

Renfe non suprimirá a primeira frencuencia entre a estación de Guillarei e Madrid, así llo comunicaron hoxe ao alcalde de Tui, Enrique Cabaleiro, a quen lle explicaron que se tratou dun erro informático. O rexedor tudense está arestora en Madrid onde esta tarde participará en FITUR na presentación da Eurocidade Tui-Valença, un evento que está a xerar moita expectación.