O alcalde de Tui, Enrique Cabaleiro, asistiu esta mañá á reunión convocada en Vigo sobre a Área Metropolitana na que se chegou ao acordo de trasladar á Xunta que convoque tamén á reunión que proximamente celebrará para tratar sobre esta entidade supramunicipal tamén aos 7 concellos que teñen interese en forman parte da mesma entre os que está o de Tui. Amosaba o rexedor tudense a súa satisfacción por este acordo.

A Asemblea Comarcal da Cruz Vermella ten aberto o prazo de inscrición para o curso de Primeiros Auxilios no fogar que vai impartir os sábados 13 e 20 de febreiro en horario de 10 a 14h.

A responsable comarcal de Cruz Vermella, Neli Rodríguez, deu conta dos obxectivos desta acción formativa.

Ofértanse un total de 15 prazas que se cubrirán por orde de inscrición, os interesados poden contactar coa Cruz Vermella Baixo Miño na súa sede na Guarda ou no 986 61 46 09.

A OMIX da Guarda deu a coñecer os cursos formativos ofertados para o comezo deste ano 2016, un curso de portugués, outro de linguaxe de signos e o último un obradoiro dun só día de calcenecos. O curso de portugués ten un prezo total de 25 euros, comeza en febreiro e impartirase os martes e xoves, de 20h a 22h. Pola súa parte, o curso de lingua de signos ten o mesmo prezo, 25 euros, pero comezará a finais deste mes de xaneiro nun horario de martes e xoves de 19.30h a 21.30h. Para rematar, o vindeiro 29 deste mes, terá lugar na OMIX guardesa un obradoiro de calcenecos, de 19.30h a 21.30h, totalmente de balde. Así nolo contou Patricia Cuña, técnica de mocidade do Concello da Guarda

O alcalde de Tui, Enrique Cabaleiro, fai un chamamento de precaución á poboación ante a crecida do nivel do río Miño ao seu paso por Tui.

O Camiño de Santiago ao seu paso pola parroquia de Ribadelouro en Tui está impracticable coa zona da Ponte das Febres completamente anegada pola auga. Por este motivo o Concello de Tui vai instalar sinalización da rota alternativa que deberán seguir estes días os peregrinos. Así o explicaba hoxe o concelleiro de Turismo, Laureano Alonso.

A estrada de San Caetano en Paramos continua cortada, debido a inestabilidade do terreo, tras a caída onte dun muro de contención. A concelleira de Urbanismo, Yolanda Rodríguez, explicou á RMT que están comprobando que a obra executada se axusta á licenza concedida.

O Concello de Tui terá no ano 2016 uns orzamentos de 7.668.023,68€ . Esta mañá foron aprobadas inicialmente as contas municipais para 2016 nun pleno extraordinario no que o grupo de goberno formado por PSOE, Alternativa Tudense, BNG e Son de Tui tiveron o apoio do concelleiro de Alternativa Popular de Tui, José Manuel Sousa, para sacar adiante a proposta. Votaron en contra o PP, C21 e Ciudadanos Tudenses.

Hoxe ás 20h en Tomiño reúnese a corporación municipal en pleno para debater os orzamentos para 2016, que ascenden a 6,2 millóns de euros, unha contía similar ós deste ano 2015. Trátanse dunhas contas moi equilibradas nas que se aposta polos servizos sociais e a educación segundo explicaba o concelleiro de Facenda de Tomiño, Uxío Benítez.

Ata o 10 de xaneiro pode visitarse na sala anexa da Sala de Exposicións Municipal de Tui a mostra "Illas, náufragos invisibles" do fotógrafo Miguel Núñez. O pasado venres na inauguración explicou a súa obra.

Este domingo o Club de Patinaxe Artístico Ribex, celebra o Festival de Nadal de Patinaxe no novo pavillón de deportes de Tui. Nesta actividade colabora o Concello de Tui.

A partir das seis da tarde haberá exhibicións dos grupos de competición do club e das escolas deportivas de patinaxe, así como outros participantes de Tomiño e Mos. Coma todos os anos por estas datas, contarán tamén coa visita especial de Papá Noel e outras sorpresas. Contounolo Carolina Figueroa do Club Ribex.