O pasado martes día 15 deste mes, o CRA Mestra Clara Torres pechaba a súa campaña de recollida de xoguetes. Teresa Domínguez, directora do CRA, valoraba ante os nosos micrófonos que esta campaña resultou ser todo un éxito, xa que participaron na mesma moitos centros educativos da cidade, ademais de moitas familias. Teresa Domínguez quixo subliñar o feito de que foron moitos nenos os que decidiron doar os seus xoguetes en bo estado para aqueles que menos teñen.

O alcalde de Salceda, Marcos Besada, reuniuse o luns co alcalde de Vigo, Abel Caballeiro, dentro das roldas de conversas que está a manter o rexedor vigués sobre a Área Metropolitana.

A alcaldesa de Tomiño, Sandra González, reuniuse onte co alcalde de Vigo, Abel Caballeiro, dentro das roldas de conversas que está a manter o rexedor vigués sobre a Área Metropolitana.

Esta mañá celebrouse no Pazo Provincial en Pontevedra unha reunión dos alcaldes da provincia adheridos á Rede de Sendeiros Azuis, entre os que está o Concello da Guarda. O alcalde da Guarda, Antonio Lomba, valorou esta reunión e avanzou que dende o concello guardés tentarán ampliar o carril bici que vai agora ata O Seixal e facer que chegue ata o Muíño.

Preto de dez redeiras da Asociación de Redeiras do Baixo Miño Atalaia están a participar en distintos cursos durante estas semanas para deseñar novos produtos artesanais e polos en valor de cara a súa posterior venda, nunha iniciativa da Consellería de Economía e da Consellería do Mar.

Manoli Pacheco, secretaria da Asociación de Redeiras do Baixo Miño Atalaia, facía unha valoración positiva destes cursos nos que aprenden a deseñar novos produtos con características únicas de seren realizados por redeeiras. Polo momento comercialízanse na propia nave das redeiras do Porto da Guarda.

O Concello de Tui xunto coas florarías Flores Rita e La Flor Floristas, están a decorar as rúas do centro, do casco histórico tudense e a Ponte Internacional con motivos de Nadal. O concelleiro de Turismo, Laureano Alonso, sinalou que esta proposta ten o obxectivo de embelecer a cidade, e agarda que a decoración sirva para dinamizar o comercio local

Esta mañá tivo lugar na sede de ORPAGU na Guarda a presentación da aplicación ORGAPU LEX. A mesma ten por obxectivo facilitar o acceso a toda a lexislación e normativas relacionadas coa pesqueira de palangre de superficie.

Juana Parada, xerente de ORPAGU, explicaba coma a flota dos palangreiros está sometida a distinta normativa internacional que se vai actualizando, polo que as veces resulta complicado realizar calquera consulta. Por este motivo desenvolveron esta aplicación.

Esta aplicación forma parte do plan de actuacións plurianuais da organización, para o que solicitaron fondos ao Fondo Europeo Marítimo e de Pesca e ao Ministerio de Agricultura, pero polo momento foi costeada por fondos propios. Ata xaneiro a aplicación non estará dispoñible por cuestións técnicas.

O director do IGAPE, Javier Aguilera, visitou esta mañá a empresa Iberembal no Parque Empresarial de Areas. O obxectivo da súa visita foi falar coa empresa Iberembal, para poder avaliar así diferentes programas de financiamento

a través do apoio a fondo perdido para investimentos e creación de emprego.

A Xunta de Galicia aprobará esta semana o novo convenio para o mantemento dos GES, grupo de emerxencias supramunicipais, por un período de cando menos tres anos, e contemplando novas actuacións ás que xa tiñan, coma intervencións para erradicar a vespa velutina. Así o explicaba esta mañá o vicepresidente da Xunta, Alfonso Rueda.

Hoxe sábado, 12 de decembro, ás 12h o Concello do Rosal fará a presentación pública dos traballos de recuperación e restauración do xacemento arqueolóxico do petroglifo de Ghorgholado na parroquia de Eiras. Tras tres anos de traballo, dende que unha veciña comunicou ao Concello a existencia deste petroglifo, dende mañá será xa visitable este lugar. En declaración á Radio Municipal de Tui a concelleira de Cultura, Charo Tabales, explicou que contaron coa colaboración da Deputación para a excavación e tamén solicitaron a AGADER unha axuda para sinalizar o acceso ao petróglifo e colocar paneis informativos. Pola tarde ás 15.30h sairá da adega Val Miñor, en Eiras, unha visita guiada ao petróglifo do Ghorghollado a cargo do arqueólogo Antonio Castro Rozados, cun posterior percorrido pola parroquia de San Bartolomeu de Eiras.