Este domingo, 29 de novembro, ás sete da tarde a Igrexa de Santo Domingo acolle un recital de música clásica organizado pola Asociación Trisquel e Medulio dentro das VII Xornadas Culturais. O concerto correrá a cargo da violinista tudense Raquel Areal Martínez e da pianista Isolda Crespi. Interpretarán obras de Bach, Beethoven, Bloch, Saint-Saën e Tchaickovsky. En declaracións á Radio Municipal de Tui así o explicaba Rosalía Martínez, responsable da organización.

Hoxe venres, 27 de novembro, 20.30h, a Igrexa de Santo Domingo de Tui acolle o concerto presentación do Ensemble Galería. Alejandro Garrido, director desta agrupación de corda, explicou á Radio Municipal de Tui que van interpretar o Adagio de Samuel Barber, o Concerto para viola e orquestra de cordas de Telemann e a Serenata para cuerdas de Tchaikovsky.

Qué compre saber sobre a vida e comportamento da Vespa Velutina; a ameaza real que supón e os colectivos máis afectados; como comportarse ante a presenza do insecto... serán parte dos contidos da charla “Stop Vespa Velutina” prevista para ás seis e media desta tarde na Sala Félix Rodríguez na Área Panorámica. O presidente da Asociación Galega de Apicultores será o encargado de explicar estes e outros temas realacionados coa Vespa Velutina.

Esta conferencia está organizada polo Concello de Tui e a Asociación Galega de Apicultura. José Martínez Tato, concelleiro de Medio Ambiente de Tui, convidaba, na Radio Municipal de Tui, a asistir a esta charla.

Mañá sábado, 28 d e novembro, celébrase un novo Mercado da Verdura de 10 a 14h no Cárcere Vello de Tui rganizado polo Concello de Tui, Foro Tude e APEGA. Toñi Pereira, produtora ecolóxica, explicou na Radio Municipal de Tui os produtos que poderemos atopar mañá.

Por sexto ano consecutivo o Restaurante Silabario de Tui está entre os distinguidos cunha Estrella Michelín pola prestixiosa guía gastronómica. Onte á noite tivo lugar en Santiago de Compostela a presentación da Guía 2016 para España e Portugal, e o Silabario figura entre os 157 que locen unha destas estrelas. Alberto González, en declaracións á Radio Municipal de Tui, explicaba que están moi contentos xa que isto supón a consolidación deste recoñecemento. En mente do chef figuran xa novos proxectos para 2016.

O alcalde de Tui, Enrique Cabaleiro, foi un dos 19 alcaldes da provincia que se reuniron está mañá co subdelegado do Goberno en Pontevedra para tratar a problemática dos mercadillos.

Foi unha reunión intensa e longa segundo o rexedor tudense da que sae unha mensaxe de firmeza fronte a aquelas conductas que tratar de alterar a normal convivencia entre os cidadáns. Entre as decisións tomadas está a colaboración dos corpos e forzas da seguridade do Estado coas policías locais para reforzar a seguridade. Tamén se acordou demandar da Consellería de Comercio da Xunta de Galicia un regulamente unitario das ordenanzas e lei de mercado prohibindo sobre todo as cooperativas.