Uztailaren 10ean abiatu zen Urmuga ekimenak gaur geldialdi berezia eginen du Otsagabian eta Orbaizetan. 15:30tan Et Incarnatus orkestrak eta Donostiko Orfeoiak kontzertua eskainiko dute Muskildako baselizan. Horren ondotik, Et Incarnatus hirukoteak (Oroimen Ensemble) Orbaizetako Kultur Olan Nerea Pedraz olerkigileak lagundurik emankizuna edukiko dute arratsaldeko 18:30tan. Bertan emakume konpositore zenbait lan ekarriko dituztela komentatu digute. Bereziak oso izanen dira bi emankizunak. Gaur gurean bi emanaldietan izanen den Maite Kolas izan dugu gurean bi emanaldi hauen inguruan elekatzen.

Maite Kolas Irati Irratian

Bi artista handi batu dira proiektu berri bat garatzeko, Thayaba, kubatar indigenen hitza, kolpe sendoa esan nahi duela. Jorge Sanchezen sorkuntzei kolpe elektrikoa eman dio Txuma Flamariquek. Beste bi lagunekin sortu dute talde berria. Gogo handiekin hartu dute apirilean Atarrabian estreinatu zuten bide berri hau eta are gogotsuago datoz guregana. Honen inguruan aritu zaizkigu gaurkoan Jorge Sanchez eta Txuma Flamariquek egindako elkarrizketan.

Datozen kontzertuak:
– Abuztuak 3, 19:00 Auritzeko Kultur etxean
– Abuztuak 10, ordua zehazteke Otsagabiako Koleto etxean

Jorge Sanchez eta Txuma Flamarique Irati Irratian

Asteburu luze eta gora-beheratsua izan dugu arlo meteorologikoan, tenperatura freskoak, euri apur bat eta guzti hori errepasatu dugu David de Andres lagunarekin. Ondoren aste hasiera honetarako eguraldi iragarpena eman digu.

 David de Andres Irati irratian

Oraingo Ofizio eta Afizio saioak Burgira eraman gaitu, bertako poligonoan dagoen Xorta Garagardaua ekoizten den gunera. Bertan dihardute lanean Jox Ubau eta Ainhoa Elizalde, zeinak betidanik argi eduki dute Pirinioetan lan eta bizi nahi zutela. Beraiekin une goxo bat partekatzeko aukera izan dugu baita Pirinioetan ekintzailetza bat burutzeak zer dakarren hausnartu ere. Topa asko geratzen zaizkigu egiteko Pirinioetan, ba egin dezagun topa Xorta goxo batekin.

Naiz irratiko esteka : Naiz Irratia- Ainhoa eta Jox (Xorta Garagardaua)

Ainhoa Elizalde eta Jox Ubau Irati Irratian

20 urte daramazkite taula gainean Ache Pa Ti taldekoak. Latin Jazz musika estiloko kantuekin hasi baziren ere gerora hainbat euskal abestien moldaketak egiten hasi ziren. Hari horretatik tiraka bi lan ondu dituzte eta Nafarroan zein Gipuzkoan kontzertu asko emandako taldea dugu 20 urte hauetan.

Larunbatean Auritzen izanen dira kontzertua eskaintzen eta hau aitzakitzat hartuta bertako kidea den Fermin Goñirekin izan gara. Berak gonbitea luzatu digu larunbatean Auritzera gerturatu gaitezen.

Fermin Goñi Irati Irratian

Mokadu moduan hemen duzue bere azken laneko Luzaide kanta:

Gaur 2011. urtera joan gara Xanti Begiristainen eskutik bere buruarekiko duen lotsa bat ezagutzera. Gurpildun aulkian duen anomalia bat dela medio pasartetxo bat kontatu digu. Entzun!

Xanti Begiristain Irati Irratian:

Tenperaturen jeistea ekarri zigun atzokoak eta udazken giroa etorri zaigula adierazi digu David de Andres lagunak. Horren ondotik asteburu luze honetarako eguraldi iragarpena eman digu.

 David de Andres Irati irratian

Urtero lez Aranzadi Zientzia elkartearen gidaritzapean bolondres talde bat aritu da Zalduko indusketa gunean lanean. Uztailaren 7an hasi zuten jarduna eta hiru aste emanen dituzte termetako eraikina azaleratzen. Honi amaiera emanen zaio larunbata honetan izanen diren jardunaldi irekiekin.

Atearen hipotesia berrestea eta eraikinaren gela zenbait irekitzea ekarri dute aurtengo lanek. Donazaharren eginiko eraztun baten aurkikuntzak berresten dute Donazaharre eta Zaldua estuki erlazionatuta zirela, Zalduan garai batean topatutako beste eraztun baten oso antzekoa baita.

Jardunaldi irekietan Oihane Mendizabal Sandonis indusketa lanen zuzendaria izanen da azalpenak eta aurkikuntzen berri ematen eta gaur gurean izan dugu honen aurrerapen txiki bat egiten.

Oihane Mendizabal Sandonis Irati Irratian

Indusketa lanen argazki zenbait

Aurreko astea nahiko gora-beheratsua izan dugu, beroa ausarki baina baita ekaitzak eta freskotasuna ere, hala adierazi digu David de Andres lagunak. Horren ondotik aste berezi honetako astearte eta asteazkeneko eguraldi iragarpena eman dgu.

 David de Andres Irati irratian

Aurten bigarren edizioa izanen du BTT txirrindulekin egiten den Kontrabandisten Ibilbideak. Iaz, estreinakoan 75 laguneko topea betetzea erdietsi eta Orbaizeta eta Irati inguruetan ibilbide gozagarri batzuetaz disfrutatzeko aukera izan zuten bertan parte hartu zutenek. Ideia Orbaizetako lagun batzuetatik sortua, zeinak askotan geratzen ziren bizikletaz ibilbide zenbait egiteko, hor sortu zen Kontrabandisten Ibilbidea. Aurten La Indurain frogarekin koinziditzen badu ere jada 65 lagun dituzte izena emanda ibilbide desberdinak egiteko, aurtengo edizioan Malli Txaparrek Txangoa inguruetako meategien inguruko zenbait azalpen prestatu dituelarik.

Honen inguruan aritu gara gaurkoan antolaketa lanetan dabilen Orbaizeta Kiroletako kidea den Aitziber Olabarrietarekin.

Aitziber Olabarrieta Irati Irratian