Irati Irratia

Aezkoako Egunaren beroketa gisara antolatu ohi da Aezkoako Txikien Eguna. Aezkoako Eguna irailaren 11tik 13ra ospatuko bada ere, larunbata honetan Aezkoako Txikien eguna izanen da bailarako txikiak batu eta elkar ezagutu eta jolastu dezaten. Honen inguruan aritu gara Aezkoa Kultur Ekimeneko kidea den Zuriñe Olletarekin. Berak gonbidatu gaitu Orbara hurreratzera.

Zuriñe Olleta Irati Irratian

Espero ziren ekaitzen arrastorik ez dugu izan aste hasiera honetan hala komentatu duguDavid de Andres lagunarekin. Horren ostean itxaropentsu sartu gara asteburuko eguraldiaren iragarpena jasotzera.

 David de Andres Irati irratian

Xanti Begiristain Madotzek gaurko kolaborazioarekin meloi bat ireki du. Sanferminetan izaten diren zezenketen inguruko hausnarketa. Ohitura badira ere animalien gehiegizko sufrikarioa dakarte eta horrek pentsaraztera eman beharko ligukeela uste du

Xanti Begiristain Irati Irratian:

1996an Bilbon sortutako konpainia dugu Deabru Beltzak. Sua, kale antzerkia eta perkusioa batzeko ideiarekin sortu zen eta ezkeroztik dabiltza euren emankizunekin herriz-herri eta plazaz-plaza. 30 urte hauetan 5 kontinente eta 77 herrialdetara zabaldu dituzte euren emankizunak eta gaur Agoitzen eskainiko dute Su Talka emankizuna.

Altsasuko momotxorroen ihauterietan du oinarria Su Talka emankizunak. Hau ardatz hartuta sortutako perkusioa, sua eta kale-antzerkia batzen dituen ikuskizuna izanen da. Hau aitzakitzat hartuta Deabru Beltzak konpainiako Garbitxurekin izan gara. Berak konpainiako historia eta emankizunaren sinopsi txiki bat eman digu.

Garbitxu (Deabru Beltzak) Irati Irratian

Eskualde osotik etorritako hamarnaka lagun batu ziren Berdin Bizi berdintasun zerbitzuak eta Aezkoako Gazte Asanbladak deituriko mobilizazioan. Ostiralean jakinarazi zuten Aezkoako emakume batek eraso matxista bat jasan eta salatu zuela eta horri erantzunez abiatu zuten mobilizaziorako deia. 

Mobilizazioaren helburua erasoa bera gaitzestea eta bide batez erasotuari babesa agerraraztea izan zen. Bertan Nere eta Blancak Berdin Bizi zerbitzuaren izenean eta Ainhoa eta Xeleik Aezkoako Gazte Asanbladaren izenean hartu zuten hitza, zeinetan erasoaren salaketa irmoa egin eta etorkizuna berdintasunean eraikitzeko konpromisoa aldarrikatu egin zen.

Elkarretaratzean irakurritakoak Irati Irratian

Asteburuko eguraldi lasaiaz eta inbertsio termikoaz aritu gara David de Andres lagunarekin. Ondoren aste hasierako eguraldi iragarpenarekin sartu gara, beroak atsedenaldia emanen digula ematen duela.

 David de Andres Irati irratian

Ostiralean zabaldutako komunikatuek aditzera eman zuten Aezkoako emakume batek eraso matxista bat jaso zuela. Honekin batera aktibatu egin ziren eskuragarri zituzten zenbait ekimen. Alde batetik, Aezkoako Gazte Asanbladak erasotuarekin harremanetan zelarik Berdintasun zerbitzura jotzea hobetsi zuten gertaera publiko egin zedin eta salaketa hori publikoa egin zedin. Berdin Bizik eta Aezgak komunikatu bat atera zuten gertaeraren larritasuna nabarmenduz eta gaurko kontzentraziorako deialdia eginez. Honen testuinguruan gurean izan dira Aezkoako Gazte Asanbladako kideak diren Xelei eta Ainhoa. Eraso matxistei gizarte bezala erantzutea dagokigu eta gure herriek indarkeria mota honetaz ez daudela salbuetsita argi edukiz. Arratsaldeko mobilizaziora batzeko deia eere luzatu dute bi gazteek.

Ainhoa eta Xelei Irati Irratian

9. edizioa izanen du aurten Urzainkin ospatzen den Neskak Blues Rock jaialdia. Emakumeei oholtzan garrantzia eman eta kalitatezko musika landa eremura gerturatzeko ideiarekin sortutako jaialdi honek urtero ehundaka lagun biltzen ditu Urzainkiko herrian. Aurten gertuko bi talde izanen dira taula gainean, No More Blues iruindarrak eta Jardin Infierno bizkaitarrak. 
Honen inguruan solasean aritu gara beste behin antolatzaile lanean dabilen Sergio Garaterekin. Berak jaialdiaren nondik norakoak azaldu eta bertaratzeko gonbidapena luzatu digu.

Sergio Garate Irati Irratian

Motza geratzen omen zitzaizkien Angiluerreka elkarteko kideei Agoitzeko jaien iraupena eta badira urte dexente jaien aurretiko astea ekimenez hornitzen dabiltzala. Aurten hala izanen da eta egitarau oparoa prestatu dute jaiei begira beroketa lanen antzera. Larunbatetik ostegunera antolatu egin dituzte ekinaldiak, zenbaitetan bidelagunak bilatuz. Auzolanean eraikitako egitarauaren berri eman digu Angiluerreka elkarteko kidea den Arrieta Iribarrenek. Berak luzatu digu bertaratzeko gonbidapena.

Arrieta Iribarren Irati Irratian

Gaur gurean izan da berriz ere David de Andres asteko eguraldiaren errepasoa egiten. Honetaz gain, suteek sortzen dituzten baldintza meteorologiko berezietan jarri dugu arreta, azkenaldian bolo-bolo baitabil. Bukatzeko asteburu honetarako eguraldi iragarpena eman digu. 

 David de Andres Irati irratian