James Horner è naschì ils 14 d'avust 1953 a Los Angeles sco figl da l'immigrant austriac Harry Horner. Quest onn pudess il cumponist da musica da film festivar ses 70avel anniversari. Deplorablamain è el mort bler memia baud il 2015 d'in accident cun ses aviun. El resta però en memoria cun sia musica da film. Il pli enconuschent hit è probabel "My heart will go on" ord il film Titanic. L'Artg musical porta però era ovras ord auters films sco per exempel Avatar, Braveheart u Apollo 13.