堅貼地占星頻道

【2026年 11 月星象預報】10月天蠍月壓力大，11月終於輕鬆啲？今集拆解重點星象：11月9日天蠍新月16度，重生能量強，要面對隱藏問題、斷捨離再出發，仲同分獅子木火星有張力。中旬水星金星順行，思緒同錢銀更清晰。24日雙子滿月合天王，突如其來變動多！月底火星入處女，適合大掃除、減肥養生、落實細節計劃。想知點樣利用呢個月？即刻聽《堅貼地》11月星象報導！

【十二星座關懷指南】你係咪見到有人唔舒服就淨係識講「多飲熱水」？今集揭曉十二星座真正嘅關懷密碼！最需要被照顧嘅係邊個？最討厭被關懷、覺得你煩嘅又係邊兩個星座？想知自己同身邊人點樣先叫「真正關懷」？即刻聽《堅貼地占星》啦！

【裝睡的人不會醒】今集拆解「裝睡不會醒」四個星座：金牛怕投入太多收唔返，寧願忍；天蠍想證明自己最重要，放唔低地位；雙魚幻想對方會變好，為佢搵藉口；水瓶唔肯承認自己在意，扮自由。想知點叫醒佢哋？即刻聽《堅貼地占星》！

【愛情睇金星】睇星盤問愛情，成日都聽人話「睇金星就得」。但Ida今集話你知：愛情淨係睇金星真係唔夠！金星的確反映你點樣去愛、點樣吸引人，同你嘅審美價值觀，但如果兩個人金星好夾，月亮卻互相衝擊，就容易變成「相愛容易、相處好難」。月亮掌管深層情緒同安全感，火星就睇行動力、慾望同點樣處理衝突。今集Ida用貼地例子解釋：點解有人金星靚但感情總係不穩定。想知更多？即刻聽《堅貼地占星》呢。

同一類渣男、同一類欺壓你嘅老闆，點解總係重複出現？今集《堅貼地占星》Ida&Ashley拆解星盤「業力」：南交點、天海冥、八宮十二宮，往往係逃唔走嘅劇本。以Audrey Hepburn為例，火星合冥王喺五宮、海王星合下降，兩段婚姻都充滿控制同失望：第一任當佢搖錢樹，第二任又有第三者。最後佢揀唔結婚，先至把劇本拉返轉頭。想知自己有冇呢類業力相位？即刻聽呢集「占星的業力」！

2026年 10 月星象預報】10 月星象重點係：關係、信任、金錢同埋「你究竟係直覺準，定係想得太多？」。由10 月 3 日金星喺天蠍座逆行，之後 10 月 24 日水星亦會喺天蠍座逆行；感情、人際、合作、金錢分配同合約細節，都好容易翻起舊問題，令人不自覺疑神疑鬼。想知更多，快啲嚟聽今集堅貼地，同你拆解點樣喺逆行潮之中，保持清醒、理性，同時唔好畀恐懼拖住走。

【能力的代表：大三角的女人】今集我哋想講一個進階少少、但超值得認識嘅星盤結構 - 大三角。當三顆或以上行星喺同一元素形成三分相連結，就會出現土象、火象、風象或水象大三角；佢未必保證你人生一帆風順，但通常代表一種好自然、好流暢、可以靠後天發揮成才華嘅能量模式。今集我哋會用三位好有個性嘅女性做例子，解釋一下大三角點樣發揮作用，想知自己嘅大三角藏住咩天賦？一齊聽落去啦！

【Elon Musk木星天蠍】今集名人星盤，我哋會講 Elon Musk- 一個由南非出生、由寫程式賺第一桶金，到建立 Tesla、SpaceX、Neuralink 同 The Boring Company 嘅傳奇創業家。Elon Musk 出生於 1971 年 6 月 28 日，太陽、水星落巨蟹，月亮處女，而木星就喺天蠍座；星盤上既有巨蟹嘅保護欲同願景，亦有處女座對細節嘅極致執著，再加上木星天蠍嗰種「置諸死地而後生」嘅膽識。令 SpaceX 走出危機。 究竟佢係賭徒，定係把危機煉成財富嘅天蠍式創業者？大家一齊嚟聽吓啦！

【最內耗的月亮星座】今集我哋會傾一個好多人都有共鳴嘅題目：精神內耗，到底同月亮星座有冇關？所謂內耗，就係明明件事可能已經過咗，甚至未必同你有關，但個腦同情緒不停翻煲。今集我哋會由月亮星座嘅四元素講起：火象月亮在意面子同肯定；土象月亮容易困喺完美、責任同控制；風象月亮畀太多資訊塞爆個腦；水象月亮就最易將別人嘅情緒放落自己度⋯⋯究竟邊個星座最內耗？想知就聽今集堅貼地啦！

【2026年 9 月星象預報】9 月星象重點係「整理、關係同重新站穩自己」。月初金星入天蠍，感情、人際同價值感會變得更深、更容易執著；處女座新月則好適合清理生活雜物、調整作息、檢視工作模式，同埋遠離消耗你能量嘅人。今個月唔需要急住討好所有人。收拾好生活、照顧好身體、劃清界線，先可以喺現實同理想之間，搵返真正屬於你嘅平衡。月尾火星入獅子，亦會推動大家更有勇氣行動、表現同爭取自己想要嘅位置。