【冥王星入水瓶座：網路新媒體時代】今集我哋由香港 YouTube 團體 JFFT 講起，從占星角度比較「山羊座式媒體」同「水瓶時代內容」有咩分別。JFFT 由床哥、雞翼、良少同米爺等成員組成，早期拍片，後來以直播、遊戲、call-in、吹水同無包袱嘅互動內容吸引年輕觀眾。點解一班睇落冇大台包裝、甚至有啲荒誕無厘頭嘅人，反而可以凝聚咁強嘅社群？今集就會傾吓，當傳統結構慢慢鬆開，內容創作、師生關係同人與人之間嘅界線，點樣喺水瓶時代重新定義。

【舒淇與馮德倫火象情緣】今集我哋拆解舒淇同馮德倫呢段相識多年、最後走入婚姻嘅「火象情緣」。舒淇太陽、金星白羊座；馮德倫太陽、水星獅子座，加上月亮白羊座，兩人嘅太陽同屬火元素，既容易做朋友，亦有一種互相理解、支持對方不斷向前行嘅默契。再加上舒淇太陽白羊同馮德倫月亮白羊嘅呼應，以及金星巨蟹同火星巨蟹嘅情感磁場，難怪可以由朋友走到靈魂伴侶。今集除咗講星盤合拍位，仲會講馮德倫點樣以幽默、細心同包容，成為舒淇追夢路上穩定又溫暖嘅後盾。兩個火象人，點樣既保留自由，又可以互相成就？一齊聽落去啦！

【2026年8月星象報導】今集我哋帶大家睇 8 月星象重點，呢個月最重要嘅兩個大事，就係獅子座日食同雙魚座月食。八月初先有金星入天秤、水星入獅子，令人氣氛、人際同表達都變得更有張力；去到 8 月 13 日獅子座日食，就係一個好適合重啟自我、收回主導權、企返喺自己舞台中央嘅時刻。之後南北交點轉位，加上 8 月尾雙魚座月食，會令我哋更需要面對放手、清理舊情緒，同埋處理未完成嘅功課。今個月星象能量好強，無論係自信、關係、工作定人生方向，都會有明顯轉變。想知 8 月星象點樣影響你，就一齊聽落去啦！

【8月獅子座日蝕魔法】今集我哋想同大家講一個好重要嘅星象——8 月獅子座日蝕。獅子座同自我、舞台、表現、主導權有關，所以今次日蝕，好適合用嚟重啟自己，將唔啱身嘅角色、關係同習慣一齊斷捨離。呢段時間，特別適合重新搵返屬於自己嘅光，勇敢企出嚟，唔再縮埋一角。無論你想重整人生方向，定係純粹想搵返自信，今次日蝕都係一個好好嘅轉捩點。今集我哋仲會分享一個簡單小咒語，幫你喺日蝕能量入面，收回自己嘅主權，重新發光發亮。

【占星擇時 - Taylor Swift 婚禮】今集我哋用占星角度，拆解一個全球都關注嘅畫面——Taylor Swift 同 Travis Kelce喺 7 月 3 日紐約婚禮嘅擇時星盤。表面睇，當日太陽喺巨蟹座，好似好啱「家、承諾、建立新家庭」嘅主題，但同一日又撞正水星逆行喺巨蟹座、火星合天王星喺雙子座，再加上月亮水瓶座 VOC⋯⋯如果你都想知星象點樣影響重大人生事件，同埋擇日可以點樣活學活用，就一齊聽落去啦！

【行銷網紅 - 愛莉莎莎】今次想同大家睇下，一個被封為「行銷鬼才」嘅台灣 KOL——愛莉莎莎，究竟喺星盤入面藏住咩能量。她由韓國留學 Vlog、拍睇樓買樓片，到後來自家品牌、線上課程、瑜伽班，一路都踩住輿論風波，但次次「炎上」之後都可以絕地重生，仲將危機變成商機。她表面囂張直白、好敢講、好敢賣，私底下其實係一個極度靈活、善於抓痛點、又好懂得計數嘅雙子座，再加上土象金星、水星令佢所有企劃都好落地、有 CP 值，配合火星白羊座嘅執行力，成就咗佢超強銷售能力同個人品牌。今集就用占星角度，同大家拆解愛莉莎莎嘅星盤。

【吐槽12星座系列：水元素】今集輪到水元素星座出場啦！巨蟹座、天蠍座同雙魚座，一齊拆解佢哋嗰種又深又複雜嘅情緒世界。好多人話水象星座好感性、好黐線，其實背後係因為佢哋感受力太強，一個眼神、一句說話都可以喺心入面自動開劇場。巨蟹座好重視屋企同安全感，成日將責任全部揹上身，又唔識講自己辛苦；天蠍座感情執著、控制慾重，又好驚失去，搞到自己同身邊人都好有壓力；雙魚座就最容易將日常變成偶像劇，介意好細微嘅嘢，又好易入「受害者模式」。今集我哋會用輕鬆嘅方式，吐嘈一下水象星座既可愛位啦！

【2026年7月星象報導】七月到啦，今個月海王星、水星逆行、再加上月中巨蟹座新月同月尾水瓶座滿月，情緒波動會比平時明顯啲。呢段時間容易鑽牛角尖、對身邊人計較多咗，人際關係需要多一啲耐性。投資方面建議大家保守啲，冷靜比跟風更重要。今集「堅貼地占星」三位主持逐一同你拆解七月星象，幫你睇清楚呢個月嘅能量走向。#

【王者歸來：木星進入獅子座】木星6月30日由巨蟹座正式轉入獅子座，呢個係「閃閃發光」嘅12年一遇!KOL、個人品牌、演唱會產業大爆發，係時候要做自己、企出嚟發光！但小心唔好衝大頭鬼、唔好太自負。火象同固定星座邊個最有運？獅子/白羊/人馬/金牛/天蠍/水瓶快啲check下你嘅太陽同上升星座啦！

【吐槽12星座系列：風元素】今集延續我哋嘅十二星座吐槽系列，今次輪到風象星座出場，雙子座表面輕鬆多汁、聊天超casual，但下一秒可能當面笑嘻嘻，轉頭就轉左另一個八卦話題，真係觸摸不到佢地！天秤座就係另一種為和諧而活！佢哋最怕衝突，為了遷就你，寧願放棄自己想睇日落都陪你去游泳，30+嘅我哋最明白，呢種表面和諧有時真係會令人好大壓力。最後水瓶座，外表獨立前衛、思維去到宇宙級，但情感抽離到爆！佢可以用書本式理性分析你嘅感受，卻永遠感受唔到你真正痛緊邊度。快啲嚟聽今集堅貼地，一定覺得有共鳴！