【賽車手】講起賽車，大家會諗到咩？快？刺激？意外？死亡？咁樣睇，如果將占星同賽車聯結一齊，你可能會諗起白羊座嘅挑戰自我同天蠍座嘅死亡。今集 ida & ashley 就同大家一齊睇世界冠軍車手嘅星盤，睇吓有無一啲驚人發現。

【鍾意玩曖昧星座】有無覺得有啲星座成日同你特別啱傾？有啲星座成日對你好好？究竟係真定係玩？今日 ida & Ashley 同大家講吓邊 4 個星座最鍾意玩曖昧！

【行星緊密相位】行星除咗落入咩星座之外，其實行星喺幾多度都樣重要，因為從度數我地可以知道，行星與行星之間有無形成相位，同埋係咪一個緊密相位。究竟咩叫緊密相位？今集 ida & ashley 會用美國歌手Britney Spears嘅命盤，講解一下緊密相位點樣影響佢嘅人生。

【行星逆行】最近成日聽到人講六星逆行，好似就嚟世界末日，咁究竟咩嘢係行星逆行，咩時候有最多星逆行，而行星逆行對我地又有乜影響？想知道嘅話就聽下今集 podcast 啦。

【Barbie】繼續金星話題系列，最近有套大熱電影 Barbie，起初大家以為係一套得啖笑嘅電影，點知入場一睇，內裡帶有唔少女性主義話題，亦帶出女性喺社會面對緊嘅問題。影片其中一位監製Margot Robbie，佢嘅本盤中有唔少巨蟹座元素，而佢巨蟹座對人和事睇法亦喺電影中展現出嚟。今集就等 ida & ashley 帶大家從占星角度看 Barbie 嘅世界。

【晨星與昏星】承接上集講金星逆行，今集會介紹更多金星嘅冷知識。其實金星同 8 呢個數字好有關係，而佢同太陽之間嘅位置，亦會造就兩種唔同嘅狀態 - “晨星“和“昏星“。如果想知你命盤中嘅金星係一粒晨星定昏星，就一定要聽今集嘅講介啦。

【金星逆行】最近聽到好多人講金星逆行，原因係金星啱啱喺上個月 7 月 23 日開始逆行。因為今次金星喺獅子座逆行，所以會對有內行星喺固定星座嘅朋友影較大。而金星逆行除左買野要諗清楚先好買之外，仲有咩事會發生呢？今次 ida & ashley 會同大家分享下今次金星逆行對大家有咩影響。

【星座陰陽】上一集 ida & ashley 同大家講解左其實星座都有分陰陽，今集就會教大家睇下自己嘅星盤，數下星盤中嘅太陽、月亮、水星、金星、火星、木星同土星，究竟喺陽性星多啲，定係喺陰性星座多啲，所以大家記得準備好自己嘅星盤啦！

【䧳雄同體 1】全民造星冠軍 lyman 有雌雄同體嘅氣質，不但吸引到唔少女粉絲，甚至連男人都對佢表示欣賞。今集 podcast，ida & ashely 先以占星神話角度，分享男性同女性嘅原形氣質。

【小行星神話系列之灶神星】占星基礎BB班之小行星神話系列 - 灶神星。中國古代有灶君守護家家的中式廚房，西方亦有Vesta灶神守護西方嘅廚房。今集 Ashley 會同大家講下玉潔冰清嘅灶神，亦會解釋灶神星喺占星學上嘅象徵。