【行星逆行】最近成日聽到人講六星逆行，好似就嚟世界末日，咁究竟咩嘢係行星逆行，咩時候有最多星逆行，而行星逆行對我地又有乜影響？想知道嘅話就聽下今集 podcast 啦。

【Barbie】繼續金星話題系列，最近有套大熱電影 Barbie，起初大家以為係一套得啖笑嘅電影，點知入場一睇，內裡帶有唔少女性主義話題，亦帶出女性喺社會面對緊嘅問題。影片其中一位監製Margot Robbie，佢嘅本盤中有唔少巨蟹座元素，而佢巨蟹座對人和事睇法亦喺電影中展現出嚟。今集就等 ida & ashley 帶大家從占星角度看 Barbie 嘅世界。

【晨星與昏星】承接上集講金星逆行，今集會介紹更多金星嘅冷知識。其實金星同 8 呢個數字好有關係，而佢同太陽之間嘅位置，亦會造就兩種唔同嘅狀態 - “晨星“和“昏星“。如果想知你命盤中嘅金星係一粒晨星定昏星，就一定要聽今集嘅講介啦。

【金星逆行】最近聽到好多人講金星逆行，原因係金星啱啱喺上個月 7 月 23 日開始逆行。因為今次金星喺獅子座逆行，所以會對有內行星喺固定星座嘅朋友影較大。而金星逆行除左買野要諗清楚先好買之外，仲有咩事會發生呢？今次 ida & ashley 會同大家分享下今次金星逆行對大家有咩影響。

【星座陰陽】上一集 ida & ashley 同大家講解左其實星座都有分陰陽，今集就會教大家睇下自己嘅星盤，數下星盤中嘅太陽、月亮、水星、金星、火星、木星同土星，究竟喺陽性星多啲，定係喺陰性星座多啲，所以大家記得準備好自己嘅星盤啦！

【䧳雄同體 1】全民造星冠軍 lyman 有雌雄同體嘅氣質，不但吸引到唔少女粉絲，甚至連男人都對佢表示欣賞。今集 podcast，ida & ashely 先以占星神話角度，分享男性同女性嘅原形氣質。

【小行星神話系列之灶神星】占星基礎BB班之小行星神話系列 - 灶神星。中國古代有灶君守護家家的中式廚房，西方亦有Vesta灶神守護西方嘅廚房。今集 Ashley 會同大家講下玉潔冰清嘅灶神，亦會解釋灶神星喺占星學上嘅象徵。

【個人財富週期的變遷】今集 ida 會同大家分享下韓良露喺「寶瓶世紀全占星」一書中，從占星角度看”個人財富週期的變遷”，睇下月亮、金星、木星以及 2 宮、 5 宮 和宮點樣影響我地嘅先天同後天嘅財運。

【華人占星師韓良露】台灣作家、美食家韓良露，喺佢 32 歲時同丈夫移居英國，同時佢亦在當地學習西洋占星。韓良露 40 歲嘅時候回流返台灣，開始撰寫占星書，由於韓良露本身係一名出色嘅作家，所以佢嘅占星書有別於一般嘅占星書，文字風格細膩而帶有感情，令讀者睇嘅時候有另一種感受。今集 ida 會同大家介紹下韓良露同分享下佢嘅占星書。

【青峰的故事】今集想同大家講吓一個歌手同土星嘅故事。台灣歌手吳青峰，佢嘅太陽星座係處女座，而上升星座係喺雙魚座。剛好而家土星係喺雙魚座，意味著土星正正經過緊青峰嘅上升。今集 ida & ashley 會同大家睇下青峰點樣行出佢嘅土星之路。