【十二堂必上的占星課】如何將占星好好融入我哋嘅日常生活係堅貼地占星頻道嘅宗旨。今集 podcast Ida & Ashley 會簡單介紹一下，個人星盤解讀可以點樣幫助大家了解自己。

【春分許願圖】春分唔係過左啦咩？點解仲有得整春分許願圖？今集 ida & scorpio 同大家介紹下春分許願圖係啲乜，同埋點解會係四月先攪。同場加映線下魔法儀式練習班介紹，快啲入嚟聽吓啦！

【4月星象報導】一年已經過左三個月，又到四月星象報導啦，今個月白羊座依舊係重點，究竟今次白羊座水逆同埋日蝕我地要準備啲咩？快啲入黎聽下 Ashley, Scorpio & Ida 嘅四月星象報導啦！

【雙胞胎的星盤】喺占星角度中，解讀星盤必須要有準確嘅出生時間。咁如果出生時間只差幾分鐘嘅雙胞胎呢？有著”相同”星盤，唔通佢哋就有”一樣嘅”性格同人生？今集 Ida & Ashley 會講吓關於雙胞胎嘅星盤。

【查理斯生病了】最近英國皇室報導查理斯身體不適入院做手術，但不幸地同時發現患有癌症。呢個報導一出激起占星界巨浪，好多占星師都立即開查理斯嘅命盤出嚟研究，由佢嘅本命星盤到佢二次推運都唔放過，今日 Ida & Ashley 同大家一齊睇下占星學上有幾多種推運方法。

【什麼是定位星】大家知唔知定位星 – depositor 係啲咩黎？其實定位星係一種行星同星座之間的關係，今集 ida會同大家介紹一下定位星以及教你點樣可以搵到你嘅最終定位星。

【3月星象報導】又到三月星象報導時間啦，今個月白羊座會係星象嘅重，而重中之重一定係國際占星日加春分啦，如果想知今年春分圖有咩啓示？快啲入黎聽下 Ashley, Scorpio & Ida 嘅三月星象報導啦！

【100 集週年慶典】因為一個疫情發起嘅podcast , 因為 3 個占星愛好者嘅一時唔覺意，唔經唔覺堅貼地占星頻道出第 100 集 啦。今集我地會回顧堅貼地嘅過往同心路歷程，當然唔少得會話比大家聽我哋將會有咩新攪作啦！希望大家可以入黎聽呢歷史性嘅一集啦！·

【最容易抑鬱的星座 Top 3】香港人壓力大，好容易唔開心，今日我哋從占星角度，睇吓咩星座容易有抑鬱症，希望大家留意一下身邊嘅朋友，如果覺察到佢地唔開心的話，可以了解一下佢哋。

【2024年擇時開年吉時建議】話咁快放農曆新年假放左一半啦，雖然有好多人返左鄉下玩，但都仲有唔少人要喺情人節開工，有見及此，我哋為大家用西洋擇時占星同大家擇返個吉時開工，希望大家都有順順利利嘅一年！