30 onns suna Josias Just, oriund d'Andeer, ch'abita a Cuira, en l'orchester da chombra da Turitg ZKO.Tut ha cumenzà 1987 en la baselgia da Ziràn. Lezza giada è Josias Just sa preschentà sco solist. E ses sunar ha imponà il dirigent Edmond de Stoutz sche fitg, ch'el ha engaschà directamain Josias sco solo-clarinettist en il ZKO. 30 onns occupa el uss quest post. E gist 30 onns pli tard ha Josias dà danovamain en la baselgia da Ziràn ses concert da giubileum. Per nus motiv da guardar cun el davos las culissas da quest orchester da chombra da qualità. E era da tadlar musica interpretada dal ZKO.