Il clarinettist d'Andeer po festivar quest onn ses 70avel anniversari. L'Artg musical festivescha ses giubileum. 

Gia sco pitschen mat ha Josias gì il giavisch da pudair emprender la clarinetta, el na sa sez betg daco che quest instrument ha gì (ed ha anc adina) ina tala calamita. I saja adina stà «ses» instrument, di el ed el n'haja mai gì ina crisa da sunar quest instrument.

Josias Just raquinta en l'emissiun da sia vita e daco che ses cor batta tant per la musica populara sco era per la musica d'orchester.