Jukwaa la Michezo

Timu za Misri, Morocco na Nigeria zinazowakilisha bara la Afrika katika fainali za Kombe la dunia nchini Urusi zimeanza vibaya michuano hiyo kwa kupoteza mechi za kwanza. Mtangazaji wetu Fredrick Nwaka ameungana na wachambuzi wa Michezo Aloyce Mchunga na Collins Okinyo kutathimini mwanzo huo mbaya na matarajio kwa michezo iliyobaki.

Shirikisho la kandanda duniani Fifa limemwondoa mwamuzi Msaidizi Aden Marwa aliyepaswa kuchezesha fainali za Kombe la Dunia nchini Urusi, baada ya kutuhumiwa kupokea rushwa.

Fredrick Nwaka ameungana na wachambuzi Ali Saleh akiwa Dodoma, Tanzania na Boniface Osano akiwa Nakuru nchini Kenya kuangazia namna suala la rushwa na ukosefu wa maadili kwa ujumla linavyotikisa mchezo wa kandanda barani Afrika na na kuwanyima waamuzi fursa ya kuchezesha michuano mikubwa ya kandanda duniani.

Klabu ya Mtibwa Sugar ya Tanzania imerejea kwenye michuano ya kimataifa baada ya kuishinda Singida United katika fainali ya taji la Shirikisho Tanzania (ASFC). Je klabu hii yenye maskani yake Mkoani Morogoro itahimili ushindani katika michuano ya klabu Afrika? Fredrick Nwaka aliungana na wachambuzi wa soka Gift macha na Samuel John kutathimini kwa kina

Katika makala ya Jukwaa la Michezo Jumapili ya Mei 27 Fredrick Nwaka alingana na w achambuzi wa michezo Aloyce Mchunga na Ally Saleh Alberto kuangazia kuhusu hatima ya mshambuliaji Mohammed Salah kucheza fainali za kombe la dunia baada ya kuumia wakati akiitumikia klabu yake ya Liverpool, pia hatua ya Liberia kusema haitaiunga mkono Morocco katika harakati za kuwania kuandaa fainali za kombe la dunia mwaka 2026 na nchini Afrika Kusini Danny Jordan achaguliwa tena kuwa rais  wa chama cha Soka licha ya kukabiliwa na tuhuma za unyanyasaji wa kingono.

Jumapili hii katika Jukwaa la Michezo tunaangazia michuano ya soka kufuzu fainali ya vijana kwa wachezaji wasiozidi miaka 20, ziara ya klabu ya Barcelona nchini Afrika Kusini na mashindano ya riadha jijini London na Boston nchini Marekani.

Klabu ya soka nchini Kenya, Gor Mahia inachuana na Hull City ya Uingereza katika mchuano wa Kimataifa wa kirafiki jijini Nairobi. Michuano ya vijana wasiozidi miaka 20, kufuzu kucheza fainali ya Afrika mwaka 2019 inaendelea na mashindano ya vijana ya mchezo wa Judo yanamalizika jijini Bujumbura Burundi. Tunangaazia haya katika makala yetu Jumapili hii.

Michuano ya hatua ya makundi kuwania taji la klabu bingwa na Shirikisho imeanza katika viwanja mbalimbali barani Afrika. USM Alger ya Algeria inaikaribisha Young Africans ya Tanzania, huku Gor Mahia ya Kenya ikichuana na Rayon Sport ya Rwanda. Tunachambua.

Klabu ya Simba FC nchini Tanzania, inaelekea kushinda ligi kuu ya soka nchini Tanzania bara baada ya kuwashinda watani wao wa jadi Yanga kwa bao 1-0 katika mechi iliyochezwa katika uwanja wa taifa jijini Dar es salaam.

Juma hili tunaangazia droo ya hatua ya makundi kuwania taji la Shirikisho barani Afrika baina ya vlabu , masaibu ya rais wa Shirikisho la soka nchini DRC Constatine Omari, Michuano ya CECAFA kwa vijana wasiozidi miaka 17 inayoendelea nchini Burundi, na tangazo la kocha wa muda wa mrefu wa Arsenal Mfaransa Arsene Wenger ambaye ataondoka mwisho wa msimu huu.

Wanariadha wa Kenya wamefanya vibaya katika Michezo ya Jumuiya ya Madola iliyomaliza leo nchini Australia, baada ya kupoteza medali ya dhahabu katika mbio za ndefu Mita 10,000 , 5,000 na ile ya Marathon. Tunajadili pia michuano ya soka kuwania taji la Shirikisho kwa vlabu barani Afrika.