Jukwaa la Michezo

Kocha Mkuu wa zamani wa Timu ya Taifa ya Cameroon Hugo Broos amewataka viongozi wa soka barani Afrika kuwa wavumilivu kwa makocha ikiwa wanalenga kukuza mchezo huo.

Aidha kocha huyo aliyeiwezesha Cameroon kutwaa taji la Afrika mapema mwaka jana nchini Gabon amesisitiza umuhimu wa kuwa na miundombinu thabiti ya mchezo wa soka ikiwemo viwanja.

Klabu za Afrika Mashariki kwa mara nyingine, zimeondolea katika michuano ya klabu bingwa na Shirikisho barani Afrika. Kwanini mambo yanaendelea kuwa hivi ? Klabu zilizofuzu katika hatua ya makundi ni pamoja na:

KCCA (Uganda), Mamelodi Sundowns (Afrika Kusini), Difaa El Jadidi (Morocco), Zesco (Zambia), AS Togo (Togo), Etoile du Sahel (Tunisia), Esperance (Tunisia), ES Setif (Algeria), Primeiro de Agosto (Angola), TP Mazembe (DRC), Township Rollers (Botswana), Horoya (Guinea), MC Alger (Algeria), Al Ahly (Misri), Wydad (Morocco) na Mbabane Swallows (Swaziland).

Ahmad Ahmad rais wa Shirikisho la soka barani Afrika, amemaliza mwaka mmoja Ofisi tangu kuchaguliwa kuongoza soka katika bara hilo.Je, hadi sasa amefanya nini cha kuonekana ? Tunajadili hili.

Mfumo mpya wa teknolojia katika mchezo wa soka, Video assistant Referee (VAR) unatarajiwa kuanza kutumiwa rasmi katika michuano ya kombe la dunia nchini Urusi mwezi Juni. Je, hii ni teknolijia gani na inamaanisha nini katika mchezo wa soka ? Tunajadili.

Rais wa Shirikisho la soka duniani FIFA, Gianni Infantino aliongoza mkutano wa FIFA nchini Tanzania kuhusu namna ya kuimarishwa kwa soka la wanawake na vijana. Je, mkutano huu unaweza kusaidia kwa namna yeyote ile kusaidia kuimarisha soka nchini Tanzania ?

Eritrea na wenyeji Rwanda, zimefanya vizuri katika mashindano ya kukimbiza baiskeli barani Afrika. Mashindano hayo yalikamilika mwishoni mwa wiki hii jijini Kigali. Miongoni mwa wachezaji waliofanya vema ni pamoja na Amanuel Ghebreigzabhier (Eritrea), Joseph Areruya (Rwanda) , Eyob Metkel (Eritrea) na Lagab Azzedine (Algeria).

Michezo ya Olimpiki, majira ya baridi imeanza nchini Korea Kusini katika mji wa Pyeongchang. Wanamichezo zaidi ya 2,000 wanashiriki kutoka mataifa zaidi ya 90. Tunaangazia pia michuano ya soka kuwania taji la klabu bingwa na Shirikisho barani Afrika.

Timu ya taifa ya soka ya Morocco imeshinda taji la CHAN kwa wachezaji wanaocheza soka nyumbani barani Afrika, baada ya kuishinda Nigeria mabao 4-0.Hii ndio mara kwanza kwa Morocco kuwa wenyeji na kushinda taji hili.

Uganda kwa mara nyingine, imefanya vibaya katika mashindano ya CHAN inayoendelea nchini Morocco. Aliyewahi kuwa Naibu kocha wa timu ya taifa ya Uganda Cranes Jackson Mayanja amesema, Shirikisho la soka nchini lilifanya kosa kwa kumpa kocha mpya kikosi hicho wiki moja kuelekea michuano hii.

Michuano ya CHAN inaendelea nchini Morocco, Uganda Cranes tayari imeshaondolewa katika michuano hiyo lakini nafasi bado ipo kwa Rwanda na Sudan. Je, mataifa haya yanaweza kufanikiwa ? Tunajadili hili na mengine mengi yanayotokea viwanjani Jumapili hii barani Afrika na kwingineko duniani.