30 ár eru síðan byrjað var að bjóða upp á kennaranám við Háskólann á Akureyri. Deildin hefur stækkað og þróast í takt við tímann og námsframboðið orðið fjölbreyttara. Til að segja okkur frá þessum tímamótum og almennt frá starfsemi Kennaradeildar HA kom til okkar Birna María Brattberg Svanbjörnsdóttir deildarforseti Kennaradeildarinnar.

Við fengum vinkil frá Guðjóni Helga Ólafssyni í dag og í þetta sinn ber hann vinkilinn við skúringar og skemmtileg lög.

Lesandi vikunnar í þetta sinn var svo Smári Gunnarsson kvikmyndagerðarmaður, en hann frumsýndi nýlega hjartnæmu heimildarmyndina Heimaleikurinn og hlaut hún áhorfendaverðlaunin á Skjaldborgarhátíðinni og einni áhorfendaverðlaunin á heimilda- og stuttmyndahátíðinni Nordisk Panoraama. En hann sagði okkur í dag frá því hvaða bækur hann hefur verið að lesa undanfarið og hvaða bækur og höfundar hafa haft mest áhrif á hann í gegnum tíðina. Smári talaði um eftirfarandi bækur:

Játningar Ágústínusar e. Ágústínus frá Hippó, þýðandi Sigurbjörn Einarsson

Húsið e. Stefán Mána

The Elephant to Hollywood e. Michael Caine

Tár, bros og takkaskór e. Þorgrím Þráinsson

TÓNLIST Í ÞÆTTINUM Í DAG:

Tipp topp / Prins Póló (Svavar Pétur Eysteinsson)

Flikk flakk / Halli og Laddi (Fred Morgan og Þórhallur Sigurðsson)

Tomorrow Never Knows / The Beatles (John Lennon & Paul McCartney)

UMSJÓN: GÍGJA HÓLMGEIRSDÓTTIR OG GUNNAR HANSSON