കേരളാ പൊലീസിലെ ക്രിമിനൽവത്കരണത്തെയും സംഘിവത്കരണത്തെയും കുറിച്ച് സംസാരിക്കുന്നു വിവരാവകാശ പ്രവർത്തകനും പി.വി അൻവറിന്റെ നിയമലംഘനങ്ങൾക്കെതിരെ പോരാടുന്ന ആക്ടിവിസ്റ്റുമായ കെ.വി ഷാജി.

പി.വി അൻവർ എം.എൽ.എ ഉന്നയിച്ച അതീവ​ ഗുരുതര ആരോപണങ്ങൾ ആഭ്യന്തര വകുപ്പിനെ പ്രതിസന്ധിയിലാക്കിയിരിക്കുന്നു. തൃശൂർ പൂരം കലക്കിയതടക്കം എ.ഡി.ജി.പി അജിത് കുമാറിനെതിരെ ഉയർന്നുവന്നിരിക്കുന്ന പരാതികൾ വ്യക്തമാക്കുന്ന രഹ​സ്യധാരണകൾ എന്തെല്ലാമാണ്? എന്താണ് കേരള രാഷ്ട്രീയത്തിൽ സംഭവിക്കുന്നത്? മുതിർന്ന മാധ്യമ പ്രവർത്തകൻ എൻ ശ്രീകുമാർ സംസാരിക്കുന്നു.

കേരളത്തിൽ ആണവനിലയം സ്ഥാപിക്കാനുള്ള ആലോചനയുമായി മുന്നോട്ടുപോവുകയാണ് കെ.എസ്.ഇ.ബി. കാസർ​ഗോഡ് ജില്ലയിലെ ചീമേനിക്ക് പുറമെ അതിരപ്പിള്ളിയും സാധ്യതാ പട്ടികയിലുണ്ട്. മുമ്പ്, ചീമേനിക്കടുത്ത് പെരിങ്ങോം ആണവനിലയ പദ്ധതിക്കെതിരായ സമരം ഉയർത്തിയ പാരിസ്ഥിതിക അവബോധത്തിന്റെ ഓർമ്മകൾ വീണ്ടെടുത്തുകൊണ്ട് ആണവനിലയം അനുവദിക്കാൻ പാടില്ലെന്ന് പറയുന്നു പരിസ്ഥിതി വിദ്യാഭ്യാസ പ്രവർത്തകനായ ഇ ഉണ്ണികൃഷ്ണൻ.

സ്ത്രീപക്ഷ നിലപാടുള്ള സർക്കാർ ഹേമ കമ്മിറ്റി റിപ്പോർട്ടിൽ മാതൃകാപരമായ തുടർ നടപടികൾ സ്വീകരിക്കണമെന്നും ബലാത്സംഗക്കേസിൽ പ്രതിയായ എം മുകേഷ് എം.എൽ.എ രാജിവയ്ക്കണമെന്നും ആവശ്യപ്പെടുന്നു സി.പി.ഐ ദേശീയ നേതാവ് ആനി രാജ.

സിനിമയുടെ എല്ലാ മേഖലകളിലേക്കും സ്ത്രീകൾ കൂടുതലായി എത്തിക്കൊണ്ടിരിക്കുന്ന കാലത്താണ് ഈ തൊഴിലിടത്തിലെ സ്ത്രീവിരുദ്ധതകൾ ഹേമ കമ്മിറ്റി റിപ്പോർട്ടിലൂടെയും തുടർന്നുണ്ടായ വെളിപ്പെടുത്തലുകളിലൂടെയും പുറത്തുവരുന്നത്. സിനിമയെ ഒരു തൊഴിൽ മേഖലയായി തിരഞ്ഞെടുക്കാൻ ആ​ഗ്രഹിച്ച് പഠനം തുടരുന്ന ചലച്ചിത്ര വിദ്യാർത്ഥികൾ ഈ പ്രശ്നങ്ങളെ എങ്ങനെയാണ് നോക്കിക്കാണുന്നത്? സോഷ്യോ ടോക്സ് ചർച്ച ചെയ്യുന്നു.

ഇന്ന് അയ്യൻകാളി ജയന്തി. മഹാത്മ അയ്യൻകാളിയെ ഓർമ്മിച്ചുകൊണ്ട് അദ്ദേഹത്തിൻ്റെ ജീവിതവും പോരാട്ടങ്ങളും എങ്ങനെയാണ് വിവിധ മലയാള സാഹിത്യ രൂപങ്ങളിൽ പ്രതിഫലിച്ചതെന്ന് വിശദമാക്കുന്നു കവിയും 'അയ്യന്‍കാളി ജീവിതവും ഇടപെടലുകളും' എന്ന പുസ്തകത്തിൻ്റെ രചയിതാവുമായ എം.ആർ രേണുകുമാർ.

ആർ ജി കർ മെഡിക്കൽ കോളേജിലെ ജൂനിയർ ഡോക്‌ടർ പീഡനത്തിന്‌ ഇരയായി കൊല്ലപ്പെട്ട സംഭവത്തില്‍ ‌പ്രതിഷേധങ്ങൾ തുടരുകയാണ്. ഒരുകാലത്ത് സ്ത്രീകൾക്ക് സുരക്ഷിതമായിരുന്ന കൊൽക്കത്ത ന​ഗരം എന്തുകൊണ്ടാണ് ഈ രീതിയിൽ മാറിപ്പോയത്? 30 വർഷമായി കൊൽക്കത്തയിൽ താമസിക്കുന്ന അധ്യാപികയും സാംസ്കാരിക പ്രവർത്തകയുമായ ഊർമിള സംസാരിക്കുന്നു.

തൊഴിലിടങ്ങളിൽ സ്ത്രീകൾക്കെതിരായ അതിക്രമങ്ങൾ തടയുന്നതിന് നിരവധി നിയമങ്ങളും സംവിധാനങ്ങളുമുണ്ടായിട്ടും ഒന്നും ഫലപ്രദമാകുന്നില്ല എന്ന് വ്യക്തമാക്കുന്നതാണ് കൊൽക്കത്ത സംഭവം. സ്ത്രീ സുരക്ഷ ഉറപ്പാക്കുന്നിൽ ഭരണ സംവിധാനങ്ങൾ നിരന്തരം പരാജയപ്പെടുന്നത് എന്തുകൊണ്ടാണ് എന്നതാണ് സോഷ്യോ ടോക്സിന്റെ ഈ എപ്പിസോഡ് ചർച്ച ചെയ്യുന്നത്.

നാലര വർഷം വെളിച്ചം കാണാതിരുന്ന ഹേമ കമ്മിറ്റി റിപ്പോർട്ട് പുറത്തുവന്നിരിക്കുകയാണ്. വിവാദങ്ങളിലൊടുക്കാതെ റിപ്പോർട്ടിൽ എന്തെല്ലാം തുടർ നടപടികളാണ് ഉണ്ടാകേണ്ടത്? ചലച്ചിത്ര പ്രവർത്തകയും അധ്യാപികയുമായ ആശ ആച്ചി ജോസഫ് സംസാരിക്കുന്നു

ദേശീയ ചലച്ചിത്ര പുരസ്‌കാര ജേതാവും, ഇത്തവണത്തെ സംസ്ഥാന പുരസ്‌കാര ജൂറി അംഗവുമായ പ്രിയനന്ദനൻ ദേശീയ - സംസ്ഥാന ചലച്ചിത്ര പുരസ്‌കാരങ്ങൾക്കർഹമായ മലയാള സിനിമകളെ വിലയിരുത്തുന്നു. ഒപ്പം മലയാള സിനിമയിലെ യുവ തലമുറയുടെ സാന്നിദ്ധ്യം നൽകുന്ന പ്രതീക്ഷകളും പങ്കുവെക്കുന്നു.