Kio estas la diferenco inter psikologio kaj psikiatrio, inter psikologo kaj psikiatro? Kiel oni difinas psikan malsanon? Kio estas la diferenco inter medikamento kaj drogo. Pri tiaj demandoj ni parolas kiun nia gasto, infanpsikiatro.

Kio estas la kvantuma teorio kaj kion ĝi atingis. Kiujn demandojn ĝi respondis kaj kiujn novajn ĝi starigis. Al kiu ĝi utilas. Kiel ĝi rilatas kun la teorio de relativeco. Kial ĝi estis tiel revolucia por la scienco de fizoko.

Tiajn demandojn ni priparolas kun Jesper Jacobsen, profesoro pri teoria fiziko en Parizo.

Logiko estas ponto inter pluraj sciencoj, matematiko, komputa scienco, filozofio, lingvoscienco, kaj eĉ naturaj sciencoj. Ni parolas kun Marcos Cramer, logikosciencisto pri lia fako kaj kion ĝi atingis kaj kion ĝi kapablas.

En la pasintaj jaroj ŝajne malaperis la komuna socia debato. Multaj subsocioj vivas en siaj propraj filtraj bobeloj en kiu validas siaj propraj alternativaj faktoj. Ĉu oni iel povas rekoni alternativajn faktojn kaj pseŭdonovaĵojn laŭ ĝiaj lingvaĵoj? Kiel oni krevigas sian propran filtran bobelon kaj tiujn de la aliaj? Tiajn demandojn ni priparolas kun Martin Haase, nia jam ofta gasto, dum la 34C3 la 34-a ĥaos-komnika kongreso, kiu en 2017 okazis en Leipzig, Germanio.

Ni resumas la pasintajn tri jarojn kun 128 epizodoj kaj pripensas kion ni ankoraŭ pli bone faru. Kiel podkasti pli ofte kun gastoj? Kiel pli bone interagi kun aŭskultantoj? Ĉu la dusemajna ritmo estas bona? Kaj pliaj demandoj kaj pensoj.

Por la 500jara jubileo de la reformacio ni priparolas pri kio temis la reformacio. Kiel ĝi okazis, kio estis la konsekvencoj. Kial ekzakte Martin Luther sukcesis lanĉi tian grandan reformigan proceson, kaj ĉu ni nun estas denove en reformaciema tempo?

Oni faris eksperimenton kio longe kreskas musa populacio en idealaj kvazaŭ paradizaj kondiĉoj. Ni rakontas pri la eksperimento, ties rezultoj kaj eblaj paraleloj al homaj socioj.

En la pasinta epizodo ni parolis pri la principoj de nuklea energio. En tiu ĉi ni priparolas la plej gravajn akcidentojn en la historio de nuklea teknologio. Kiel ili okazis kaj kion ili kaŭzis. Kiel oni mezuras la severon de nuklea akcidento.

Traktinte radioaktivecon kaj nukleajn armilojn ni daŭrigas la serion pro nuklea teknologio. Nun ni priparolas la principojn de la paca uzo de nuklea teknologio kiel energifonton. Kio estas fuelaj stangoj? Kio estas stirstangoj? Kio estas moderigilo? Kio estas neŭtrona veneno?

Fotado demandas multe da teknikaj scioj pri kiel fotilo funkcias kaj kiel uzi ĝin, pri objektivoj kaj aperturoj kaj ekspoziciaj tempoj. En tiu ĉi epizodo ni parolas pri la aliaj, ne-teknikaj partoj de la arto de fotado. Ni parolas pri ora proporcio, simetrio kaj aliaj elementoj de la bilda kompozicioj. Tiujn ni klarigas per ekzemploj, kiujn Eva publikigis en sia retejo http://bilda.punkto.info. Rigardu en la la paĝo de la epizodo por trovi la ligilojn al la fotoj pri kiuj ni parolas dum la epizodo.