Kisa Changu

Rebecca Chesang, mzawa wa Kaunti ya Nandi alielekea Saudi Arabia mwaka 2019 mwezi Februari kufanya kazi za nyumbani.

Chesang alilenga kuisaidia familia yake kwa kufanya kazi jijini Riyadh, Mji Mkuu wa Saudi Arabia, lakini alijipata katika mji wa Arar, kilomita 60 kutoka mpaka wa Saudi Arabia na Iraq.

Anasema maisha Uarabuni yalikuwa magumu na mara kadhaa alidhulumiwa na mwajiri wake na akalazimika kupiga ripoti katika idara mbalimbali kuhusu masaibu yaliyomkumba.

Alipata usadizi na kurejea nchini baada ya Shirika la Habari la Standard kuangazia yaliyomkumba Saudia, jinsi alivyomsimulia mwanahabari wetu, Faith Kutere.

Je, unajua nini kuhusu ugonjwa wa kifua kikuu yaani TB? Umewahi kusikia kwamba TB pia huathiri mifupa? Doris Sambu, mwanafunzi katika Chuo Kikuu cha Multimedia ana ulemavu wa mguu kutokana na TB ya mifupa. Doris, anasema alianza kuugua akiwa na umri wa miaka 7.

Anasema mamaye alipompeleka katika Hospitali ya Londiani, Kericho, ugonjwa huo haukutambuliwa hali iliyomlazimu kukaa hospitalini kwa muda hadi pale alipopelekwa katika Hospitali ya Kitaifa ya Kenyatta KNH, jijini Nairobi. Alipokuwa KNH ndipo ilipobainika kwamba alikuwa akiugua TB ya mifupa kisha akafanyiwa upasuaji katika paja. Licha ya juhudi za madaktari, mguu wake ulilemaa.

Anasema mbali na ulemavu huo kumsababishia changamoto nyingi kama vile msongo wa mawazo, uhusiano wake wa kimapenzi umesambaratika kutokana na hali hiyo. Hata hivyo, amepiga moyo konde na kuendelea na maisha kama kawaida.‚Äč Amezungumza na Esther Kirong katika makala haya.

John Mutua maarufu Kaploti alikaa katika Gereza la Kamiti kwa miaka 5 akikabiliwa na tuhuma za mauaji.

Kaptoli anasema alikamatwa alipopatikana kwenye eneo la tukio ambapo mtu mmoja aliuliwa kwa kudungwa kisu na vijana waliokuwa wakimwibia.

Anadai kwamba hakuwa na pesa za kuwahonga polisi waliomsingizia kuwa ndiye aliyekuwa mshukiwa mkuu bila uchunguzi kufanywa. Kesi dhidi yake iliendelea kwa miaka mitano lakini hatimaye akaachiliwa huru kufuatia ukosefu wa ushahidi wa kutosha.

Kaploti amezungumza na Carren Omae na kusimulia jinsi hali ilivyokuwa tangu kukamatwa, maisha gerezani na maisha yake baada ya kuachiliwa huru.

Wilkister Maluki, mama wa watoto wawili vilevile mwanafunzi wa Chuo Kikuu cha South Eastern Kenya University, SEKU amelazimika kusitisha masomo kwa kukosa karo baada ya kufutwa kazi katika kampuni moja jijini Nairobi. Wilkister ambaye anaishi katika Mtaa wa Mabanda wa Mukuru Kayaba jijini Nairobi sasa anawafulia watu nguo ili kukimu mahitaji ya familia yake changa.

Anasema alianza kuwafulia watu nguo wiki tatu tu baada ya kujifungua mwanawe wa pili na kumwathiri pakubwa kiafya.

Isitoshe, mumewe alitoweka punde tu baada ya yeye kuachishwa kazi kutokana na janga la korona.

Kwa sasa, maisha yanazidi kuwa magumu, familia nayo inamtegemea na hana ajira. Kifungua-mimba wake pia ameacha masomo kutokana na ukosefu wa karo. Esther Kirong amezungumza naye katika Podcast hii.

Sammy Natoo, mkazi wa Kaunti ya Turkana ana machungu moyoni baada ya kunyang'anywa watoto miaka kadhaa iliyopita kwa kutomlipia mahari mkewe.

Kila Jumapili ya tatu ya mwezi Juni wazazi wengine wa kiume wanaposherehekea Siku ya Akina Baba Duniani Natoo anasema inamkumbusha tu masaibu ambayo amekuwa amekuwa akipitia tangu mwaka 1993.

Amezungumza na Mike Ekutan na kumweleza kwa kina masaibu yake.

John Kipitanui Koech, afisa wa polisi wa kitengo cha upelelezi anayehudumu katika Kaunti ya Kirinyaga anasema alishushwa daraja kwa njia tatanishi.

Koech anasema ataelekelea mahakamani kuharamisha uamuzi huo.

Amemweleza mwanahabari wetu John Mbuthia kuwa licha ya juhudi za kuwaeleza wakubwa wake kilio hicho amepuuzwa, hivyo kulazimika kuwasilisha kilio chake katika vyombo vya habari.

Stephen Nyoka mwenye umri wa miaka 56 mkazi wa Kijiji cha Embakasi, Saboti katika Kaunti ya Trans Nzoia, alishambuliwa na waliokuwa wanachama wa kundi la Saboat Land Defence Force, SLDF lililosambaratishwa mwaka wa 2008 na kikosi cha jeshi katika operesheni ya Okoa Maisha.

Katika kisa hicho cha Machi 3, 2008, watoto wake watatu waliuliwa na mke wake kujeruhiwa vibaya kwa kupigwa risasi pia kwa kukatwa kwa upanga.

Nyoka anaishi akiwa na risasi hiyo kwani madaktari walimwonya kwamba ikiwa upasuaji utafanyika kujaribu kuiondoa basi atafariki dunia.

Afya ya Nyoka inaendelea kudhoofika kutokana na athari za risasi hiyo na msongo wa mawazo jinsi utakavyosikia katika mahojiano kati yake na Martin Ndiema.

Fredrick Okinda na Robert Muchiri ni vijana waliokuwa wahalifu sugu waliowahangaisha watu mtaani Korogocho.

Lakini sasa wamebadilika kabisa mbali na kujihusisha na miradi ya utunzaji wa mazingira. Aidha, wanawahamasisha vijana wenzao kwamba uhalifu haulipi. Juhudi zao zimefanikiwa? Wanapitia changamoto zipi? Matumaini yao ya baadaye ni yapi? Yapate majibu yote haya katika kipindi hiki cha Kisa Changu Podcast na Carren Omae.

Jackline Chepchumba anasimulia jinsi saratani iliyofikia awamu ya tatu ilivyomhangaisha. Matibabu yalimmalizia nguvu, akawa anaanguka barabarani. Sasa amepona kabisa, japo alikatwa titi. Ameshiriki mazungumzo na Faith Kutere.

Mwanariadha, Asbel Kiprop aelezea jinsi tuhuma kwamba alitumia dawa za kututumua misuli zilivyomwathiri na hata akafikiria kijiua.