ក្នុង​រយៈពេល​ប៉ុន្មាន​ឆ្នាំ​ចុង​ក្រោយ​នេះ ទីផ្សារ​កាហ្វេនៅ​កម្ពុជា​កាន់​តែ​វិវវឌ្ឍ​គួរ​ឲ្យកត់សម្គាល់ ដែល​និន្នាការ​មួយ​នេះ​មិន​ត្រឹម​តែ​ជា​ហា​ងកាហ្វេបែប​ទំនើបប៉ុណ្ណោះទេ ថែម​ទាំងតូបកាហ្វេ​ខ្នាត​តូច​នៅ​តាម​ចិញ្ចើម​ផ្លូវ​ក្នុង​រាជធានី​ភ្នំពេញផង​ដែរ។ អ្នក​លក់​កាហ្វេ​ខ្នាត​តូច​មួយ​ចំនួន បាន​ប្រាប់​វីអូអេ​អំពី​ភាព​ងាយ​ស្រួល​នៃ​ការ​បើក​លក់​កាហ្វេ​បែប​នេះ ដែល​ពួកគេ​ថា កំពុងជួយ​ដល់ជី​វភាព​របស់​ពួកគេ​ផង​ដែរ។ កញ្ញា មាស ដា រាយការណ៍​លម្អិតឲ្យ​វីអូអេ​ពី​រាជធានី​ភ្នំពេញ៕

ក្រោយវិបត្តិ​ជំងឺកូវីដ១៩ អ្នក​ពាក់​ព័ន្ធ​ក្នុងវិស័យ​សេដ្ឋកិច្ច​ក្រៅ​ប្រព័ន្ធ​បាន​មើល​ឃើញថា ស្ថានភាពរក​ចំណូល​របស់​អ្នកប្រកប​របរ​ក្នុង​វិស័យនេះ​នៅមិន​ទាន់​មាន​ភាពប្រសើរ​នៅឡើយ​ ដែល​តម្រូវ​ឲ្យ​រដ្ឋាភិបាល​បង្កើន​ការ​យក​ចិត្ត​ទុកដាក់ផ្តល់​ការ​គាំទ្រ​ដល់​ពួកគេ​ទាំង​ខាង​សេដ្ឋកិច្ច​ និង​សង្គម។ អ្នកប្រកប​របរ​សេដ្ឋកិច្ច​ក្រៅប្រព័ន្ធ​មួយចំនួន​បាន​ប្រាប់​វីអូអេ​ថា​ រហូត​មកដល់​ពេលនេះ​ ចំណូល​របស់​ពួកគេ​នៅតែ​បន្តថយចុះ​ ខណៈ​តម្លៃទំនិញនៅ​លើ​ទីផ្សារ​កើនឡើង។ លោក ​ហ៊ុល រស្មី រាយការណ៍​លម្អិតឲ្យ​វីអូអេ​ពី​រាជធានី​ភ្នំពេញ៕

ប្រជាជន​កម្ពុជា​កាន់តែ​ច្រើន​កំពុង​ប្រើប្រាស់​បណ្តាញ​សង្គម​ហ្វេសប៊ុក ស្របពេល​ដែល​ការបង្កើត​មាតិកា​លើ​បណ្តាញ​សង្គម​ក៏​ចាប់ផ្តើម​រីកចម្រើន​ខ្លាំង។ អ្នក​បង្កើត​មាតិកា​ខ្លះ​អាច​រក​ប្រាក់​ចំណេញ​បាន ក៏​ប៉ុន្តែ​អ្នក​ខ្លះ​ក៏​មាន​ការ​លំបាក។ លោក ស៊ុន ណារិន រាយការណ៍​លម្អិតឲ្យ​វីអូអេ​ពី​រាជធានី​ភ្នំពេញ៕

លោក រ៉ុង ឈុន ទីប្រឹក្សា​គណបក្ស​កម្លាំង​ជាតិ អះអាង​ថា លោក​មិន​មាន​លទ្ធភាព​បង់​សំណង​ជា​ប្រាក់​ប្រមាណ ១០ ម៉ឺន​ដុល្លារ​ទាំងអស់​ក្នុង​ពេល​តែ​មួយ​ទៅ​តុលាការ​ឡើយ។ លោក​ស្នើ​សុំ​តុលាការ​អនុញ្ញាត​ឱ្យ​លោក​បង់ប្រាក់​សំណង​ការខូចខាត​ចំនួន ៤០០ លាន​រៀល ឬ​ស្មើនឹង​ប្រមាណជា ១០ ម៉ឺន​ដុល្លារ​អាមេរិក​ឱ្យ​ទៅ​គណៈកម្មាធិការ​ចម្រុះ​កិច្ចការ​ព្រំដែន ជា​ដំណាក់កាលៗ។ លោក​បញ្ជាក់​ថា លោក​មិន​គេចវេះ​ចំពោះ​ការបង់សង​ឡើយ។ លោក ស៊ុន ណារិន រាយការណ៍​ឱ្យ​វីអូអេ​ពី​រាជធានី​ភ្នំពេញ៕

ខ្សែ​ភាពយន្ត ​'Meeting with Pol Pot' ឬ «ការណាត់ជួប​ជាមួយ​ ប៉ុល ពត»​ ដឹកនាំ​ដោយ​លោក ​ប៉ាន់ ​ រិទ្ធី ត្រូវបានដាក់បញ្ចាំង​ជាលើក​ដំបូង​នៅ​ទីក្រុង​ញូវយ៉ក​ សហរដ្ឋ​អាមេរិក ​កាលពី​ថ្ងៃសុក្រ ​ទី​៧ ខែមីនា កន្លង​ទៅ។ ខ្សែភាពយន្ត​ទទួលបានការគាំទ្រ​យ៉ាង​ច្រើន​ពី​ពលរដ្ឋ​អាមេរិកាំង បារាំង និង​ខ្មែរ​អាមេរិកាំង​នៅ​ទីក្រុងញូវយ៉ក ដោយ​សំបុត្រ​ត្រូវបាន​លក់ដាច់អស់គ្មានសល់។ តទៅនេះជាកិច្ចសន្ទនារវាងលោក សឹង សុផាត និងកញ្ញា ទុំ ម្លិះ នៃវីអូអេអំពីការបញ្ចាំងខ្សែភាពយន្តនេះ៕

ពលរដ្ឋខ្មែរជាង ១លាន ២សែននាក់ កំពុងធ្វើការនៅប្រទេសថៃ ដើម្បីរកថវិកាបញ្ជូនមកជួយផ្គត់ផ្គង់គ្រួសារដែលរស់នៅក្នុងប្រទេសកម្ពុជា។ ក្រុមគ្រួសារមួយចំនួនបានប្រាប់វីអូអេថា ជីវភាពរបស់ពួកគេនៅតែប្រឈមការលំបាក បើទោះពួកគេមានកូនធ្វើការនៅប្រទេសថៃក៏ដោយ។ លោក ស៊ុន ណារិន រាយការណ៍លម្អិតឲ្យវីអូអេពីខេត្តបន្ទាយមានជ័យ៕

កាលពីខែកុម្ភៈ អាជ្ញាធរថៃបានអះអាងថា ខ្លួននឹងសាងសង់របងប្រវែងជាង ៥០ គីឡូម៉ែត្រក្នុងខេត្តស្រះកែវដែលជាខេត្តជាប់ព្រំដែនកម្ពុជា នៅក្នុងគោលបំណងមួយដើម្បីទប់ស្កាត់ការឆ្លងដែនខុសច្បាប់។ ពលរដ្ឋនិងមន្រ្តីសិទ្ធិមនុស្សថា ការធ្វើរបងនឹងទប់ស្កាត់ការហូរចូលពលករខ្មែរទៅថៃ។ ប៉ុន្តែពួកគេយល់ឃើញថា ការធ្វើរបងនៅថៃមិនអាចទប់ស្កាត់ការហូរចូលពលករខ្មែរ ១០០% នោះទេ។ លោក ស៊ុន ណារិន រាយការណ៍លម្អិតឲ្យវីអូអេពីខេត្តបន្ទាយមានជ័យ៕

របាយការណ៍ស្ទង់មតិស្ទង់មតិមួយស្តីពី «ហានិភ័យនៃការទទួលទានគ្រឿងស្រវឹង» ដែលបានសម្ភាសន៍ប្រជាពលរដ្ឋកម្ពុជាចំនួន ១.៣៦៣ នាក់ បានរកឃើញថា ប្រជាពលរដ្ឋកម្ពុជារហូតដល់ទៅ ៨៦% ពិសារគ្រឿងស្រវឹង ក្នុងនោះបុរសមានដល់ទៅ ៩២%។ របាយការណ៍នេះ ដែលគ្រោងនឹងចេញផ្សាយជាសាធារណៈនៅចុងខែមីនា បានឲ្យដឹងទៀតថា ប្រជាពលរដ្ឋដែលផ្តល់បទសម្ភាសន៍ទាំងនោះ យល់ខុសចំពោះការពិសារគ្រឿងស្រវឹង ហើយពួកគេចង់បានគោលការណ៍ណែនាំជាក់លាក់ ដើម្បីយល់ដឹងអំពីផលប៉ះពាល់នៃការពិសារគ្រឿងស្រវឹង៕

ការកកស្ទះចរាចរណ៍នៅរាជធានីភ្នំពេញនៅតែជាបញ្ហាចម្បងមួយ ដែលមិនទាន់ដោះស្រាយបានល្អប្រសើរនៅឡើយ។ ការកកស្ទះនេះក៏ប៉ះពាល់ផ្លូវចិត្តរបស់អ្នកធ្វើដំណើរផងដែរ។ ជុំវិញបញ្ហានេះ ពលរដ្ឋមួយចំនួនលើកឡើងថា ពួកគេចង់ឃើញអាជ្ញាធរផ្សព្វផ្សាយច្បាប់ចរាចរណ៍ឱ្យបានទូលំទូលាយ និងរៀបចំសណ្តាប់ធ្នាប់តាមដងផ្លូវឱ្យបានល្អ។ លោក លាស់ លីបលីប រាយការណ៍លម្អិតឱ្យវីអូអេពីរាជធានីភ្នំពេញ៕

សមាគមជនឥតទីពឹង ឬហៅថា មណ្ឌលមែកឈើ ដែលមានទីតាំងស្ថិតនៅសង្កាត់កំបូល ខណ្ឌកំបូល រាជធានីភ្នំពេញ កំពុងចិញ្ចឹមបីបាច់កុមារកំព្រា និងក្មេងអនាថាជិត ២០០ នាក់។ លោក ផន ផល្លា ប្រធានមណ្ឌលមែកឈើ បានឱ្យដឹងថា អាយុជីវិតនិងការអប់រំកុមារ គឺជាទិសដៅចម្បងរបស់មណ្ឌលមែកឈើ។ លោក លាស់ លីបលីប រាយការណ៍លម្អិតឱ្យវីអូអេពីរាជធានីភ្នំពេញដូចតទៅ៕