កម្មវិធីវិទ្យុពេលព្រឹក - វីអូអេ

By វីអូអេNews

កម្មវិធីវិទ្យុពេលព្រឹក - វីអូអេ episodes

June 07, 2020 ព័ត៌មានពេលព្រឹក - មិថុនា 08, 2020
ព័ត៌មានសំខាន់ៗមានដូចជា រដ្ឋាភិបាលក្រុងវ៉ាស៊ីនតោនបានបញ្ជូននាវាចម្បាំងចំនួន ៤ គ្រឿងទៅកាន់សមុទ្រចិនខាងត្បូងចាប់តាំងពីចុងខែមេសាមក ដើម្បីបង្ហាញថា ជំងឺកូវីដ១៩នឹងមិនបញ្ឈប់សហរដ្ឋអាមេរិកមិនឲ្យប្រឆាំងនឹងការវាតទីដែនសមុទ្ររបស់ចិនទេ។ កាលពីប៉ុន្មានសប្តាហ៍មុននេះ ប្រទេសចិនបានប្តូរឈ្មោះកូនកោះចំនួន ២៥ និងថ្មប៉ប្រះទឹកចំនួន ៥៥ កន្លែង នៅក្នុងសមុទ្រចិនខាងត្បូង ដែលលាតសន្ធឹងពីទីក្រុងហុងកុងទៅដល់កោះ Borneo ដើម្បីពង្រឹងការទាមទាររបស់ខ្លួននៅសមុទ្រចិនខាងត្បូង។ ជំនួញខាងលក់គ្រឿងស្រវឹងកំពុងលក់ដាច់នៅក្នុងសហរដ្ឋអាមេរិក នៅពេលមានការរាតត្បាតជាសាកលនៃជំងឺកូវីដ១៩ ប៉ុន្តែក្រុមអ្នកជំនាញខាងសុខភាពមានកង្វល់ថា ការផឹកស្រាច្រើនអាចនាំឱ្យញៀន។ ភ្នំភ្លើង Puhahonu នៅរដ្ឋហាវៃ សហរដ្ឋអាមេរិក ត្រូវបានគេរកឃើញថា ជាភ្នំភ្លើងធំជាងគេបំផុតនៅលើពិភពលោក៕
30 min
June 06, 2020 ព័ត៌មានពេលព្រឹក - មិថុនា 07, 2020
ព័ត៌មានសំខាន់ៗអំពីកម្ពុជា និងពិភពលោក មានដូចជា៖ ៣ឆ្នាំក្រោយការបោះឆ្នោតឃុំសង្កាត់ឆ្នាំ ២០១៧ មន្ត្រីមូលដ្ឋាននៃគណបក្សសង្គ្រោះជាតិដែលត្រូវបានរំលាយ ចង់ឃើញដំណោះស្រាយនយោបាយរវាងបក្សកាន់អំណាចនិងបក្សប្រឆាំង។ លទ្ធផលដំណាក់កាលដំបូងនៃការផលិតវ៉ាក់សាំងការពារជំងឺកូវីដ១៩ នៅប្រទេសចិន បង្ហាញភាពវិជ្ជមានខ្លះ តែនៅមានបញ្ហាផ្នែកសុវត្ថិភាពនៅឡើយ។ អង្គការសហប្រជាជាតិ ថា ការទប់ស្កាត់ការឆ្លងរាលដាលនៃជំងឺកូវីដ១៩ នៅតែជាបញ្ហាសម្រាប់ប្រទេសក្នុងតំបន់មានសង្គ្រាម៕
30 min
June 05, 2020 ព័ត៌មានពេលព្រឹក - មិថុនា 06, 2020
ព័ត៌មានសំខាន់ៗអំពីកម្ពុជា សហរដ្ឋអាមេរិក និងតំបន់អាស៊ី មានដូចជា៖ អង្គការសិទ្ធិមនុស្ស Human Rights Watch ជំរុញឲ្យកម្ពុជាស៊ើបអង្កេតលើករណីបាត់ខ្លួនរបស់សកម្មជនថៃម្នាក់ឈ្មោះ Wanchalearm Satsaksit។ បណ្តាប្រទេសនៅតំបន់អាស៊ីអាគ្នេយ៍ព្យាយាមជួយគ្នា ដោយបរិច្ចាគសម្ភារៈវេជ្ជសាស្ត្រ ក្នុងគ្រាវិបត្តិសុខភាពកូវីដ១៩។ មេបញ្ជាការអាមេរិកចោទចិនថា ឆ្លៀតធ្វើការទាមទារកាន់កាប់នៅតំបន់ជម្លោះសមុទ្រចិនខាងត្បូង។ ព័ត៌មានអន្តរជាតិផ្សេងៗទៀត មានដូចជា៖ អត្រាអត់ការងារនៅសហរដ្ឋអាមេរិកប្រចាំខែឧសភា ធ្លាក់ចុះមកត្រឹម១៣,៣%។ ការសម្រេចអំពីដំណើរពិគ្រោះយោបល់ជាមុនពីគម្រោងទំនប់ហ្លួងប្រាបាង្គរបស់ឡាវ ត្រូវបានលើកពេល។ ក្រុមតាលីបង់វាយឆ្មក់ និងសម្លាប់ទាហានអាហ្វហ្គានិស្ថានចំនួន១៥នាក់៕
30 min
June 04, 2020 ព័ត៌មានពេលព្រឹក - មិថុនា 05, 2020
ព័ត៌មានសំខាន់ៗអំពីកម្ពុជា សហរដ្ឋអាមេរិក និងតំបន់អាស៊ី មានដូចជា៖ ព្រះអង្គ លួន សុវ៉ាត សកម្មជនសិទ្ធិមនុស្សជាសង្ឃល្បីមួយអង្គ ត្រូវបានព្រះមេគណខេត្តសៀមរាប ឲ្យផ្សឹក ក្រោយពីមានការចោទប្រកាន់ពីរឿងវីដេអូសន្ទនាសេ្នហា។ នៅសហរដ្ឋអាមេរិក ក្រុមជ្រុលនិយមចំនួន ៤ ត្រូវបានគេសង្ស័យថា បានអុជអាលឲ្យមានអំពើហិង្សានៅក្នុងការធ្វើបាតុកម្មតវ៉ា ទាក់ទិនការស្លាប់របស់លោក George Floyd។ លោកប្រធានាធិបតី Trump បានស្នើធ្វើជាអ្នកសម្របសម្រួលនៅក្នុងជម្លោះព្រំដែនរវាងឥណ្ឌានិងចិន។ ពលរដ្ឋអាមេរិកជិត២លាននាក់បន្ថែមទៀត ដាក់ពាក្យជំនួយអត់ការងារធ្វើ។ សភាហុងកុងបានអនុម័តច្បាប់ភ្លេងជាតិចិនដ៏ចម្រូងចម្រាស់។ ព័ត៌មានអន្តរជាតិផ្សេងៗទៀត មានដូចជា៖ រដ្ឋមន្ត្រីយុត្តិធម៌អាមេរិក ថាមនុស្សប្រមាណ ៥១នាក់ត្រូវបានចាប់ខ្លួន ទាក់ទងនឹងបាតុកម្មទាមទារយុត្តិធម៌ឲ្យលោក Floyd។ រុស្ស៊ីទទួលយកឧបករណ៍បញ្ចូលខ្យល់ដង្ហើមពីអាមេរិក ខណៈករណីឆ្លងកូវីដ១៩នៅរុស្ស៊ីកាន់តែកើនឡើង។ អង់គ្លេសធ្វើជាម្ចាស់ផ្ទះនៃកិច្ចប្រជុំកំពូលស្តីពីវ៉ាក់សាំងពិភពលោក និងព័ត៌មានផ្សេងៗទៀត៕
30 min
June 03, 2020 ព័ត៌មានពេលព្រឹក - មិថុនា 04, 2020
ព័ត៌មានអំពីកម្ពុជាមានដូចតទៅ៖ រដ្ឋាភិបាលកម្ពុជាគាំទ្រសំណើរបស់វិស័យឯកជនសុំពន្យារពេលដក EBA តែថា ជំហររដ្ឋាភិបាលនៅដដែល។ សហគមន៍ខ្មែរក្រោមប្រារព្ធខួបទី៧១នៃការបាត់បង់ទឹកដីទៅវៀតណាម ទោះរំខានដោយជំងឺកូវីដ១៩ក្តី។ មន្ត្រីអង្គការសហប្រជាជឫតិភ្ញាក់ផ្អើលនឹងការបង្ក្រាបលើសិទ្ធិបញ្ចេញមតិក្នុងប្រទេសចំនួន១២ រួមទាំងកម្ពុជាផងដែរ។
ព័ត៌មានអន្តរជាតិមានដូចតទៅ៖ លោកប្រធានាធិបតី ត្រាំ ការពារការថតរូបដ៏ចម្រូងចម្រាសនៅមុខវិហារគ្រិស្តសាសនា ដែលរងការរិះគន់យ៉ាងខ្លាំងពីបណ្ដាមេដឹនាំសាសនាគ្រិស្ត។ សម្ព័ន្ធសង្គ្រោះទន្លេមេគង្គជំរុញឲ្យលុបចោលគម្រោងទំនប់វារីអគ្គិសនីសាណាខាំរបស់ឡាវ។ ផ្សារហ៊ុនអាមេរិកនិងពិភពលោកបន្តកើនតម្លៃ ទោះបីមានបាតុកម្មនិងជំងឺរាតត្បាតក្តី។ នាយករដ្ឋមន្ត្រីអង់គ្លេសនឹងបើកផ្លូវឲ្យពលរដ្ឋហុងកុងសុំសញ្ជាតិអង់គ្លេសបាន ដោយសារច្បាប់ការពារសន្ដិសុខថ្មីរបស់ចិន៕
30 min
June 02, 2020 ព័ត៌មានពេលព្រឹក - មិថុនា 03, 2020
ព័ត៌មានអំពីកម្ពុជាមានដូចតទៅ៖ យុវជនមាតាធម្មជាតិចាប់ផ្តើមយុទ្ធនាការជិះកង់ ទាមទារឲ្យដាក់ «កោះកុងក្រៅ» ជាតំបន់ការពារ។ សហជីពកាន់តែបារម្ភអំពីជីវភាពកម្មករ ខណៈក្រសួងការងារលើកពេលការបើកប្រាក់អតីតភាពការងារទៅឆ្នាំក្រោយ។ កម្ពុជាកោះហៅទូតវៀតណាមសួរនាំរឿងតង់បោះនៅតាមព្រំដែនដែលមិនទាន់ឯកភាពគ្នា។ អង្គការសង្គមស៊ីវិលកម្ពុជាស្នើឲ្យពន្យារពេលដំណើរការគម្រោងវារីអគ្គិសនីហ្លួងប្រាបាង្គរបស់ឡាវ។
ព័ត៌មានអន្តរជាតិមានដូចតទៅ៖ សហរដ្ឋអាមេរិកបន្តមានភាពតានតឹងក្រោយពីបាតុកម្មអស់មួយសប្តាហ៍។ ពលរដ្ឋខ្មែរអាមេរិកាំងបកស្រាយពីអំពើយុត្តិធម៌និងហិង្សាទាក់ទិននឹងការស្លាប់របស់លោក Floyd។ ប្រទេសអូស្ត្រាលីស៊ើបអង្កេតហិង្សាប៉ូលិសអាមេរិកចំពោះអ្នកកាសែតខ្លួន។ នូវែលសេឡង់អាចដកវិធានាការរឹតត្បិតទប់ស្កាត់កូវីដ១៩សំខាន់ៗនៅសប្តាហ៍ក្រោយ៕
30 min
June 01, 2020 ព័ត៌មានពេលព្រឹក - មិថុនា 02, 2020
ព័ត៌មានអំពីកម្ពុជាមានដូចតទៅ៖ សមាជិកអតីតគណបក្សសង្រ្គោះជាតិនៅតាមមូលដ្ឋានអះអាងថា ពួកគេនៅតែចង់ឃើញដំណោះស្រាយនយោបាយរបស់ថ្នាក់ដឹកនាំកំពូល ដើម្បីពួកគេអាចបន្តធ្វើនយោបាយឡើងវិញបាន។ កម្ពុជាជាថ្មីទៀតបដិសេធថា មិនមានយោធាចិននៅមូលដ្ឋានយោធាសមុទ្ររាម ហើយចង់ធ្វើសមយុទ្ធយោធាជាមួយអាមេរិក។ សកម្មជនសិទ្ធិមនុស្ស លោក ហ៊ុន វណ្ណៈ ត្រូវសមត្ថកិច្ចឃាត់ខ្លួនយកទៅអប់រំ ដោយសារថតវីដេអូសកម្មភាពអាជ្ញាធរទប់ស្កាត់ការជួបជុំរបស់អាជីវករនៅច្រកព្រំដែនប៉ោយប៉ែត។

ព័ត៌មានអន្តរជាតិមានដូចតទៅ៖ លោក ដូណាល់ ត្រាំ គាំទ្រការតវ៉ាអំពីការស្លាប់របស់លោក George Floyd ដោយសន្តិវិធី ប៉ុន្តែបានព្រមានពីការហាមឃាត់ស្ថានភាពអនាធិបតេយ្យនានា។ ពិភពលោកបង្ហាញការគាំទ្រដល់អ្នកតវ៉ានៅសហរដ្ឋអាមេរិកទាក់ទិននឹងការស្លាប់របស់លោក Floyd ដោយរួមមានទាំងកីឡាករល្បីៗរបស់អាមេរិក បណ្ដាក្រុមហ៊ុន និងបុគ្គលសំខាន់ៗផងដែរ។ ប៉ូលិសហុងកុងចេញបម្រាមមិនឲ្យធ្វើពិធីអុជទៀនរំឭកដល់ជនរងគ្រោះនៃការបង្ក្រាបនៅទីលាន Tiananmen។ ផ្សារហ៊ុននៅអឺរ៉ុបនិងអាស៊ីឡើងថ្លៃនៅថ្ងៃច័ន្ទ បើទោះបីមានវិបត្តិព្រមៗគ្នានៅជុំវិញពិភពលោកក្តី៕
30 min
May 31, 2020 ព័ត៌មានពេលព្រឹក - មិថុនា 01, 2020
ព័ត៌មានអន្តរជាតិមានដូចតទៅ៖ សកម្មជនម្នាក់ចង់ធ្វើស្តូបដើម្បីរំឭកដល់ឪពុកដែលស្លាប់ដោយសារជំងឺកូវីដ១៩ តែរដ្ឋាភិបាលចិនចង់បំបិទមាត់លោក។ ពួកប្រវត្តិវិទូធ្វើការជជែកដេញដោលអំពីតួនាទីរបស់សហរដ្ឋអាមេរិកក្នុងការទទួលបានជ័យជម្នះលើកពួកណាហ្ស៊ីអាល្លឺម៉ង់ក្នុងសង្គ្រាមលោកលើកទី២។ អាជ្ញាធរក្រិកបានបញ្ជូនកងកម្លាំងខ្លួនទៅកសាងរបងនៅតាមព្រំដែនជាមួយប្រទេសតួកគី៕
30 min
May 30, 2020 ព័ត៌មានពេលព្រឹក - ឧសភា 31, 2020
នេះជាកម្មវិធីផ្សាយប្រចាំថ្ងៃតាមវិទ្យុជាភាសាខ្មែរ រយៈពេល ៣០នាទី ដែលផ្តល់ព័ត៌មានអំពីប្រទេសកម្ពុជានិងពិភពលោក ក៏ដូចជាព័ត៌មានពិពណ៌នា ព័ត៌មានអត្ថាធិប្បាយ និងបទវិចារណកថា ជូនដល់អ្នកស្តាប់ភាសាខ្មែរនៅទូទាំងប្រទេសកម្ពុជា។
30 min
May 29, 2020 ព័ត៌មានពេលព្រឹក - ឧសភា 30, 2020
ព័ត៌មានសំខាន់ៗអំពីកម្ពុជា សហរដ្ឋអាមេរិក និងតំបន់អាស៊ី មានដូចជា៖ នៅតំបន់បឹងកក់ រាជធានីភ្នំពេញ សកម្មជនដីធ្លីមួយចំនួនត្រូវងាកមកដោះស្រាយបំណុលជំពាក់គ្រឹះស្ថានមីក្រូហិរញ្ញវត្ថុ ខណៈជំងឺកូវីដ១៩ បានបង្អាក់សកម្មភាពសេដ្ឋកិច្ចមួយចំនួនក្នុងប្រទេសកម្ពុជា។ ធនាគារពិភពលោកឲ្យដឹងថា វិបត្តិជំងឺកូវីដ១៩បណ្តាលឲ្យសេដ្ឋកិច្ចកម្ពុជាដើរយឺតខ្លាំងបំផុត ក្នុងរយៈពេល២៥ឆ្នាំមកនេះ ហើយនឹងបណ្តាលឲ្យការងាររបស់ពលរដ្ឋប្រមាណ ១លាន ៧សែននាក់ «ស្ថិតក្នុងហានិភ័យ» ។ អគ្គស្នងការរងនគរបាលជាតិ ឲ្យដឹងថា សមត្ថកិច្ចតាមចាប់ខ្លួនមេបញ្ជាការរងមូលដ្ឋានទ័ពសមុទ្ររាម ពាក់ព័ន្ធជម្លោះបាញ់បោះជាមួយជនជាតិចិននៅកោះរ៉ុង។ អង្គការសង្គមស៊ីវិលជាង ៣០ ជំរុញឲ្យរដ្ឋាភិបាលជួយពលរដ្ឋខ្មែរដែលជាប់គាំងនៅម៉ាឡេស៊ី បានត្រឡប់មកកម្ពុជាវិញ។ ប្រធានាធិបតីអាមេរិកលោក Donald Trump ចេញបទបញ្ជាដើម្បីព្យាយាមពង្រឹងការគ្រប់គ្រងរបស់រដ្ឋលើក្រុមហ៊ុនបណ្តេញសង្គម។ បាតុករហុងកុង បន្តតវ៉ាប្រឆាំងនឹងច្បាប់សន្តិសុខរបស់ចិនលើទីក្រុងហុងកុង។ ឧត្តមសេនីយ៍ចិនម្នាក់ គំរាមវាយប្រហារលើតៃវ៉ាន់ដើម្បីទប់ស្កាត់ការប្រកាសឯករាជ្យរបស់កោះតៃវ៉ាន់។ ព័ត៌មានអន្តរជាតិផ្សេងៗទៀតមានដូចជា៖ មនុស្សជិត៦លាននាក់នៅជុំវិញពិភពលោកបានឆ្លងជំងឺកូវីដ១៩៕
30 min

About កម្មវិធីវិទ្យុពេលព្រឹក - វីអូអេ

From the publisher's feed

កម្មវិធីវិទ្យុពេលព្រឹកប្រចាំថ្ងៃរយៈពេល ៣០នាទីរបស់វីអូអេ នៅម៉ោង ៥ព្រឹក ដែលផ្សាយផ្ទាល់ពីរដ្ឋធានីវ៉ាស៊ីនតោន នាំមកជូនអស់លោកអ្នកនាងនូវព័ត៌មានអំពីកម្ពុជា សហរដ្ឋអាមេរិក អាស៊ី និងពិភពលោក។