កម្មវិធីវិទ្យុពេលព្រឹក - វីអូអេ

By វីអូអេNews

កម្មវិធីវិទ្យុពេលព្រឹក - វីអូអេ episodes

June 27, 2020 ព័ត៌មានពេលព្រឹក - មិថុនា 28, 2020
ព័ត៌មានសំខាន់ៗអំពីកម្ពុជាមានដូចជា ការរៀនតាមអនឡាញនាំឲ្យមានការព្រួយបារម្ភថា សិស្សដែលមិនមានលទ្ធភាពត្រូវបាត់បង់ឱកាសរៀន។ រីឯព័ត៌មានអន្តរជាតិវិញមានដូចជា ចិនចេញផ្សាយសៀវភៅដ៏ក្រាស់មួយក្បាលរៀបរាប់អំពីវិធានការប្រយុទ្ធប្រឆាំងរបស់ខ្លួននឹងការឆ្លងរាលដាលនៃវីរុសកូរ៉ូណា៕
30 min
June 26, 2020 ព័ត៌មានពេលព្រឹក - មិថុនា 27, 2020
ព័ត៌មានសំខាន់ៗអំពីកម្ពុជាមានដូចជា ក្រុមគ្រួសាររបស់សកម្មជនគណបក្សសង្គ្រោះជាតិដែលត្រូវបានជាប់ឃុំខ្លួន កំពុងស្វែងរកអន្តរាគមន៍ពីសហរដ្ឋអាមេរិក ខណៈពួកគេហៅការឃុំខ្លួននិងបទចោទប្រកាន់ថា «ជារឿងនយោបាយ»។ របាយការណ៍មួយរបស់អឺរ៉ុបរកឃើញថា ព្រៃឡង់នៅកម្ពុជាកំពុងបន្តបាត់បង់គួរឲ្យព្រួយបារម្ភ ខណៈការកាប់ព្រៃឈើកើនឡើងជាង៧០ភាគរយនៅឆ្នាំ២០១៩។ របាយការណ៍ប្រចាំឆ្នាំ២០២០ស្តីពីអំពើជួញដូរមនុស្សក្នុងពិភពលោករបស់សហរដ្ឋអាមេរិក បានដាក់កម្ពុជាក្នុងចំណាត់ថ្នាក់ប្រឹងប្រែងតិចតួចដើម្បីទប់ស្កាត់ការជួញដូរមនុស្ស។ ព័ត៌មានអន្តរជាតិសំខាន់ៗមានដូចជា ការពន្យល់ពីបទបញ្ជានីតិប្រតិបត្តិចុងក្រោយបង្អស់ស្តីអំពីអន្តោប្រវេសន៍។ ចំនួនអ្នកឆ្លងជំងឺកូវីដ១៩ កើនដល់ជាង ៩លាន ៦សែននាក់នៅទូទាំងពិភពលោក។ មេដឹកនាំនៅតំបន់អាស៊ីអាគ្នេយ៍ព្រមានពីការកើនឡើងនៃឧបទ្ទវហេតុនៅតំបន់សមុទ្រចិនខាងត្បូង ក្នុងគ្រាវិបត្តិកូវីដ ១៩។ សេតវិមានស្នើឲ្យតុលាការកំពូលលុបចោលគម្រោងធានារ៉ាប់រងសុខភាពឈ្មោះ Obamacare ដែលមានតម្លៃទាប ទោះបីជាសហរដ្ឋអាមេរិកកំពុងមានករណីឆ្លងជំងឺកូវីដ១៩ ច្រើនជាងគេក្តី និងព័ត៌មានអន្តរជាតិផ្សេងៗទៀត៕
30 min
June 25, 2020 ព័ត៌មានពេលព្រឹក - មិថុនា 26, 2020
ព័ត៌មានសំខាន់ៗអំពីកម្ពុជាមានដូចជា ៣សប្តាហ៍នៃការបាត់ខ្លួនសកម្មជនថៃលោក Wanchalearm Satsaksit នៅរាជធានីភ្នំពេញ ប៉ូលិសកម្ពុជាមិនទាន់អាចផ្ទៀងផ្ទាត់ព័ត៌មាន ខណៈភាគីថៃបន្តស្ងាត់ស្ងៀម។ អ្នកស្រាវជ្រាវអឺរ៉ុបរកឃើញថា ការបាត់បង់ព្រៃឈើរបស់កម្ពុជាគឺជាការបាត់បង់ដ៏ធំធេងជាងគេបំផុតមួយ។ ព័ត៌មានអន្តរជាតិសំខាន់ៗមានដូចជា ការអះអាងរបស់លោកប្រធានាធិបតី Trump អំពីការបន្លំសន្លឹកឆ្នោត បង្កឲ្យមន្ត្រីរៀបចំការបោះឆ្នោតនិងសមាជិកសភាខ្លះងឿងឆ្ងល់។ យានអវកាសរួមគ្នារវាងសហរដ្ឋអាមេរិកនិងអឺរ៉ុប បានហោះទៅជិតព្រះអាទិត្យបំផុត។ ផ្សារភាគហ៊ុននៅតំបន់អាស៊ីធ្លាក់ចុះ បន្ទាប់ពីករណីឆ្លងវីរុសកូរ៉ូណាកើនឡើងនៅសហរដ្ឋអាមេរិក។ រដ្ឋចំនួន៣របស់អាមេរិកឲ្យអ្នកដំណើរពីរដ្ឋដែលមានករណីឆ្លងវីរុសកូរ៉ូណាច្រើន ចូលមកកាន់រដ្ឋខ្លួន ត្រូវនៅដាច់ដោយឡែកពីអ្នកដទៃរយៈពេល១៤ថ្ងៃ។ ពលរដ្ឋអាមេរិកជិត ១,៥លាននាក់បន្ថែមទៀត បានដាក់ពាក្យសំុជំនួយពីការអត់ការងារធ្វើ។ យោធាថៃប្រារព្ធពិធីមួយដើម្បីប្រឆាំងនឹងទស្សនៈប្រវត្តិសាស្ត្ររបស់ក្រុមបាតុករដែលគាំទ្រលទ្ធិប្រជាធិបតេយ្យ។ ប៉មតួអេហ្វែលរបស់បារាំងបើកដំណើរការឡើងវិញ ដោយតម្រូវឲ្យអ្នកទេសចរដើរឡើងកាំជណ្តើរ និងព័ត៌មានអន្តរជាតិផ្សេងៗទៀត៕
30 min
June 24, 2020 ព័ត៌មានពេលព្រឹក - មិថុនា 25, 2020
ព័ត៌មានអំពីកម្ពុជាមានដូចជា រដ្ឋាភិបាលសម្រេចបញ្ចេញថវិកាជួយដល់អ្នកក្រីក្រជាងកន្លះលានគ្រួសារ ដែលមានទាំងអ្នករងគ្រោះដោយសារជំងឺកូវីដ។ ក្រុមមេដឹកនាំសហជីពជំទាស់នឹងសំណើរបស់ថៅកែរោងចក្រ ដែលសុំឲ្យផ្អាកចរចាដំឡើងប្រាក់ឈ្នួលកម្មករ។ អង្គការក្រៅរដ្ឋាភិបាលនៅកម្ពុជានឹងបណ្តុះបណ្តាលជំនាញអក្ខរកម្មឌីជីថលសម្រាប់ម្ចាស់អាជីវកម្មដើម្បីបន្ថយផលប៉ះពាល់នៃកូវីដ១៩។ ឥស្លាមសាសនិកនៅកម្ពុជាលើកពេលចូលរួមបុណ្យហាជ្ជីប្រចាំឆ្នាំនៅអារ៉ាប៊ីសាអូឌីត។
ព័ត៌មានអន្តរជាតិវិញមានដូចជា តំបន់អាមេរិកឡាទីន ក្លាយជាទីកន្លែងផ្ទុះជំងឺកូវីដ១៩ខ្លាំងជាងគេក្នុងពិភពលោក។ ការស្ទង់មតិបង្ហាញថា ពលរដ្ឋអូស្ត្រាលីបាត់បង់ទំនុកចិត្តលើប្រទេសចិន៕
30 min
June 23, 2020 ព័ត៌មានពេលព្រឹក - មិថុនា 24, 2020
ព័ត៌មានអំពីកម្ពុជាមានដូចជា ស្រ្តីម្នាក់បដិសេធមិនមានទំនាក់ទំនងសេ្នហាជាមួយព្រះអង្គ លួន សុវ៉ាត ដូចឃ្លីបវីដេអូបង្ហោះលើហ្វេសប៊ុកនោះទេ។ កម្ពុជារកឃើញជំងឺកូវីដ១៩មួយករណីទៀតលើបុរសខ្មែរអាមេរិកាំងទើបមកពីអាមេរិក។ កម្មកររោងចក្រ HANA តវ៉ាទាមទារប្រាក់អត្ថប្រយោជន៍ ក្រោយបាត់បង់ការងារធ្វើ។
ព័ត៌មានអន្តរជាតិវិញមានដូចជា លោក ត្រាំ បារម្ភជាថ្មីថា អាមេរិកធ្វើតេស្តច្រើនពេកដើម្បីរកមើលអ្នកឆ្លងជំងឺកូវីដ១៩។ កីឡាករតេន្នីសល្បីល្បាញលោក Novak Djokovic បានធ្វើតេស្តឃើញមានវីរុសកូរ៉ូណា។ រដ្ឋមួយរបស់អាល្លឺម៉ង់ដាក់វិធានរឹតត្បិតជាថ្មី ក្រោយមានការផ្ទុះឆ្លងជំងឺកូវីដ១៩នៅរោងចក្រវេចខ្ចប់សាច់។ អ្នកប្រើអ៊ីនធើណិតនៅក្នុងប្រទេសចិនថា ស្ថានភាពក្នុងប្រទេសចិនមានសភាពដូចការធ្វើបាបលោក George Floyd នៅក្នុងសហរដ្ឋអាមេរិកដែរ៕
30 min
June 22, 2020 ព័ត៌មានពេលព្រឹក - មិថុនា 23, 2020
ព័ត៌មានអំពីកម្ពុជាមានដូចជា ក្រុមកម្មករសំណង់រំឭកឡើងវិញនូវហេតុការណ៍បាក់អគារក្នុងខេត្តព្រះសីហនុកាលពីឆ្នាំមុន។ សហជីពកម្មករស្នើក្រសួងការងារជំរុញថៅកែឲ្យបន្តបើកប្រាក់ដំណាច់អតីតភាពការងារឲ្យកម្មករ។ កម្ពុជានិងចិនគ្រោងចុះហត្ថលេខាលើ«មូលនិធិពិសេស»ស្តីពីកិច្ចព្រមព្រៀងមេគង្គ-ឡានឆាង។
ព័ត៌មានអន្តរជាតិវិញមាន ទីផ្សារភាគហ៊ុនជុំវិញពិភពលោកធ្លាក់ចុះក្រោយព័ត៌មាននៃការឆ្លងកូវីដ១៩ច្រើនជាងបំផុតក្នុងមួយថ្ងៃ។ អង្គការសហប្រជាជាតិព្រមានថា វិធានការទប់ស្កាត់កូវីដ១៩អាចធ្វើឲ្យប៉ះពាល់ដល់ការផលិតនិងចែកចាយថ្នាំ antiretroviral ដែលគេប្រើសម្រាប់ព្យាបាលជំងឺអេដស៍។ សភាអាមេរិកនឹងបោះឆ្នោតលើសេចក្តីព្រាងច្បាប់កំណែទម្រង់ស្ថាប័នប៉ូលិសក្នុងសប្តាហ៍នេះ។ កូរ៉េខាងត្បូងថាសៀវភៅលោក John Bolton បំភ្លៃការពិតអំពីជំនួបរវាងលោកត្រាំនិងមេដឹកនាំកូរ៉េខាងជើង។ នៅពេលមានការបិទសាលារៀនដោយសារការរាតត្បាតជាសាកលនៃជំងឺកូវីដ១៩ ក្មេងស្រីៗនាំគ្នារៀបការដោយសង្ឃឹមថាចេញផុតពីភាពក្រីក្រ៕
30 min
June 21, 2020 ព័ត៌មានពេលព្រឹក - មិថុនា 22, 2020
ព័ត៌មានសំខាន់ៗមានដូចជា៖ ក្រុមនិស្សិតនៅសហរដ្ឋអាមេរិកអំពាវនាវឲ្យបិទវិទ្យាស្ថានខុងជឺដែលឧបត្ថម្ភដោយចិន។ បទសម្ភាសន៍វីអូអេ៖ លោកវេជ្ជបណ្ឌិត Anthony Fauci ស្នើឲ្យក្រុមបាតុករនៅអាមេរិកគួរតែពាក់ម៉ាស់ ហើយលោកបង្ហាញសុទិដ្ឋិនិយមអំពីថ្នាំវ៉ាក់សាំងប្រឆាំងជំងឺកូវីដ១៩៕
30 min
June 20, 2020 ព័ត៌មានពេលព្រឹក - មិថុនា 21, 2020
ព័ត៌មានសំខាន់ៗអំពីកម្ពុជាមានដូចជា៖ អង្គការសហប្រជាជាតិបារម្ភអំពីសេរីភាពបញ្ចេញមតិនៅកម្ពុជា ក្រោយមានការចាប់ខ្លួនជាបន្តបន្ទាប់។ ពលរដ្ឋខ្មែរខ្លះរីករាយនឹងស្ថានភាពស្ងប់ស្ងាត់នៅតំបន់ប្រាសាទអង្គរវត្ត ដែលអស់ក្រុមទេសចរបរទេស។ ព័ត៌មានអន្តរជាតិមានដូចជា៖ តើសុនខអាចហិតដឹងក្លិនជំងឺកូវីដ១៩ ដែរឬទេ៕
30 min
June 19, 2020 ព័ត៌មានពេលព្រឹក - មិថុនា 20, 2020
ព័ត៌មានសំខាន់ៗអំពីកម្ពុជាមានដូចជា៖ មន្ត្រីក្រសួងមហាផ្ទៃបញ្ជាក់ថា សមត្ថកិច្ចកម្ពុជាមិនទាន់មានតម្រុយថ្មីអំពីសកម្មជនថៃដែលបានបាត់ខ្លួនពីរសប្តាហ៍មកហើយនោះ។ តំណាងសហគមន៍ខ្មែរអាមេរិកាំងដែលជាអតីតជនភៀសខ្លួន បានសម្តែងការដឹងគុណដល់អង្គការសហប្រជាជាតិ និងសហរដ្ឋអាមេរិក ក្នុងទិវាជនភៀសខ្លួនពិភពលោក។ លោកសម រង្ស៊ី ហៅការចោទប្រកាន់របស់តុលាការបារាំងមកលើរូបលោកតាមបណ្តឹងរបស់នាយករដ្ឋមន្ត្រីកម្ពុជាថាជា «ឱកាសមាស» ដើម្បីលាតត្រដាងបទឧក្រិដ្ឋរបស់លោក ហ៊ុន សែន។ តុលាការអាមេរិកបានកាត់ទោសបុរសម្នាក់នៅរដ្ឋ Kentucky ឲ្យជាប់ពន្ធនាគារ២១ឆ្នាំ ពីបទបំពានផ្លូវភេទលើក្មេងស្រីនៅកម្ពុជា។ ព័ត៌មានអន្តរជាតិសំខាន់ៗមានដូចជា៖ សហរដ្ឋអាមេរិក និងប្រេស៊ីល មានករណីឆ្លងនិងស្លាប់ដោយសារវីរុសកូរ៉ណា ច្រើនជាងគេនៅក្នុងពិភពលោក។ ករណីឆ្លងវីរុសកូរ៉ូណានៅកូរ៉េខាងត្បូងកើនឡើង ខណៈសិង្ហបុរីបើកអាជីវកម្មឡើងវិញ។ រដ្ឋាភិបាលអឺរ៉ុប កំពុងធ្វើការជាមួយរដ្ឋាភិបាលអាមេរិក ដើម្បីកែប្រែរចនាសម្ព័ន្ធរបស់អង្គការសុខភាពពិភពលោក (WHO) និងសហរដ្ឋអាមេរិក ប្រារព្ធពិធីបុណ្យរំឭកពីការរួចផុតពីទាសភាព Juneteenth៕
30 min
June 18, 2020 ព័ត៌មានពេលព្រឹក - មិថុនា 19, 2020
ព័ត៌មានសំខាន់ៗអំពីកម្ពុជាមានដូចជា៖ រដ្ឋាភិបាលកម្ពុជាស្នើក្រុមហ៊ុនបញ្ជាទិញជួយវិស័យកាត់ដេរ ដែលកំពុងជួបវិបត្តិកូវីដ១៩។ ក្រុមសិទ្ធិមនុស្សយល់ថា ស្ថានភាពសិទ្ធិនយោបាយនៅកម្ពុជានៅតែបន្តអាប់អួរ ដែលនាំឲ្យមានផលវិបាកក្នុងការរក្សាប្រព័ន្ធអនុគ្រោះពន្ធ EBA។ ពលរដ្ឋខ្មែរម្នាក់ដែលទើបត្រឡប់ពីម៉ាឡេស៊ី បានធ្វើតេស្តឃើញថាមានជំងឺកូវីដ១៩។ ព័ត៌មានអន្តរជាតិសំខាន់ៗមានដូចជា៖ ចលនាទាមទារយុត្តិធម៌ជាតិសាសន៍នៅសហរដ្ឋអាមេរិកជំរុញឲ្យមានការផ្លាស់ប្តូរ។ អ្នកការទូតអាមេរិកនិងចិន ជួបប្រជុំបិទទ្វារនៅកោះហាវ៉ៃ។ សភាអាមេរិកជិតឈានដល់ការបោះឆ្នោតលើសេចក្តីព្រាងច្បាប់កំណែទម្រង់ស្ថាប័នប៉ូលិស។ ពលរដ្ឋអាមេរិក ១,៥លាននាក់បន្ថែមទៀត ដាក់ពាក្យសុំជំនួយអត់ការងារធ្វើ ទោះបីអាជីវកម្មខ្លះបើកដំណើរឡើងវិញ។ មន្ត្រីចិនថា ពួកគេអាចគ្រប់គ្រងការផ្ទុះរាតត្បាតថ្មីនៃជំងឺកូវីដ១៩ នៅប៉េកាំងបាន។ ផ្សារភាគហ៊ុននៅអឺរ៉ុប ធ្លាក់ចុះនៅថ្ងៃព្រហស្បតិ៍៕
30 min

About កម្មវិធីវិទ្យុពេលព្រឹក - វីអូអេ

From the publisher's feed

កម្មវិធីវិទ្យុពេលព្រឹកប្រចាំថ្ងៃរយៈពេល ៣០នាទីរបស់វីអូអេ នៅម៉ោង ៥ព្រឹក ដែលផ្សាយផ្ទាល់ពីរដ្ឋធានីវ៉ាស៊ីនតោន នាំមកជូនអស់លោកអ្នកនាងនូវព័ត៌មានអំពីកម្ពុជា សហរដ្ឋអាមេរិក អាស៊ី និងពិភពលោក។