កម្មវិធីវិទ្យុពេលព្រឹក - វីអូអេ podcast - Page 212

June 17, 2020 ព័ត៌មានពេលព្រឹក - មិថុនា 18, 2020

ព័ត៌មានអំពីកម្ពុជាមានដូចជា ក្រុមរដ្ឋមន្រ្តីថា កង្វះថវិកា និងមន្រ្តីជំនាញនៅថ្នាក់ក្រុង ស្រុក ខណ្ឌ ទូទាំងប្រទេស នៅតែជាបញ្ហា។ អ្នកពាក់ព័ន្ធថា ការបន្ធូរបន្ថយលក្ខខណ្ឌ និងការបើកផ្លូវធ្វើដំណើរក្នុងអាស៊ានអាចជួយស្ដារវិស័យទេសចរណ៍របស់កម្ពុជា។ អង្គការសិទ្ធិមនុស្សនិងការពារសេរីភាពសារព័ត៌មានទាមទារឲ្យរដ្ឋាភិបាលកម្ពុជាឈប់ប្រើ«លេស»កូវីដបង្ក្រាបក្រុមប្រឆាំងនិងសិទ្ធិបញ្ចេញមតិ។ កម្ពុជាបញ្ជាក់ជំហរជាថ្មីគាំទ្រការអនុវត្តច្បាប់សន្តិសុខជាតិរបស់ចិននៅទីក្រុងហុងកុង។

ព័ត៌មានអន្តរជាតិវិញមាន ការប៉ះទង្គិចគ្នានៅតាមបណ្ដោយព្រំដែនរវាងឥណ្ឌានិងចិនកាន់តែរីកធំឡើង។ វិបត្តិអាភៀនលេចឡើងនៅទ្វីបអាស៊ី ក្រោយមានការរឹបអូសគ្រឿងញៀនជាច្រើន។ តំបន់អាស៊ីអាគ្នេយ៍ក្លាយជាដៃគូពាណិជ្ជកម្មធំបំផុតរបស់ចិន នៅពេលមានវិបត្តិជំងឺកូវីដ១៩៕

30 min

June 16, 2020 ព័ត៌មានពេលព្រឹក - មិថុនា 17, 2020

ព័ត៌មានអំពីកម្ពុជាមានដូចជា បុគ្គលិកកាស៊ីណូណាហ្គាវើលស្វះស្វែងរកប្រាក់ឧបត្ថម្ភពីរដ្ឋាភិបាលចំនួន៤០ដុល្លារក្នុងមួយខែ។ អង្គការ ILO និងក្រុមហ៊ុនម៉ាកល្បីៗ រួមគ្នាផលិតសម្ភារៈអប់រំវិធីបង្ការកូវីដ១៩សម្រាប់កម្មកររោងចក្រ។

ព័ត៌មានអន្តរជាតិវិញមាន ទីក្រុងប៉េកាំងពង្រីកតំបន់សម្រាប់ដាក់មនុស្សឲ្យនៅដាច់ដោយឡែកពីគេ នៅពេលដែលករណីឆ្លងជំងឺកូវីដ១៩កំពុងកើនឡើង។ ឥណ្ឌាបានឲ្យដឹងថា ទាហានរបស់ខ្លួនយ៉ាងតិច ៣នាក់ ត្រូវបានសម្លាប់ដោយកងទ័ពចិននៅតាមបណ្តោយព្រំដែនដែលមានជម្លោះ។ រដ្ឋាភិបាលថ្មីរបស់ម៉ាឡេស៊ីបង្ក្រាបពួកអ្នករិះគន់ខ្លួន។ អ្នកកាសែតអេហ្ស៊ីបម្នាក់បានត្រូវចាប់ខ្លួនពីបទចោទផ្សព្វផ្សាយព័ត៌មានក្លែងក្លាយ និងភេរវកម្ម។ ចិន និងវៀតណាមស្ថិតនៅចំណាត់ថ្នាក់កំពូលក្នុងការស្ទង់មតិអំពីការគ្រប់គ្រងជំងឺកូវីដ១៩ តែក្នុងហេតុផលផ្សេងគ្នា។ ក្រុមអ្នកតារាសាស្ត្ររកឃើញភស្តុតាងនៃផ្កាយព្រះគ្រោះថ្មី៕

30 min

June 15, 2020 ព័ត៌មានពេលព្រឹក - មិថុនា 16, 2020

ព័ត៌មានអំពីកម្ពុជាមានដូចជា លោក សម រង្ស៉ី ថា ការចាប់សកម្មជនក្រុមជំទាស់បង្ហាញពីការភ័យខ្លាចការងើបប្រឆាំងនឹងរដ្ឋាភិបាល។ ចំនួនករណីឆ្លងកូវីដ១៩នៅកម្ពុជាឡើងដល់១២៨ រួមទាំងករណីរកឃើញថ្មី២ចុងក្រោយ។

ព័ត៌មានអន្តរជាតិវិញមាន ការស្លាប់របស់លោក George Floyd នាំឲ្យមានការអំពាវនាវឲ្យមានការតស៊ូមតិនៅអង្គការសហប្រជាជាតិ។ នាយករដ្ឋមន្រ្តីអូស្ត្រាលីព្រួយកង្វល់ពីការកាត់ទោសប្រហារជីវិតពលរដ្ឋរបស់ខ្លួននៅក្នុងប្រទេសចិន។ មន្ត្រីកុងស៊ុលឥណ្ឌាប្រចាំនៅប៉ាគីស្ថានពីរនាក់កំពុងបាត់ខ្លួន។ ហាងកាហ្វេនិងភោជនីយដ្ឋាននៅប្រទេសបារាំងបើកដំណើរការឡើងវិញ។ កូរ៉េខាងត្បូងជំរុញឲ្យកូរ៉េខាងជើងធ្វើទៅតាមកិច្ចព្រមព្រៀង នៅពេលដែលកើនឡើងនូវភាពតានតឹង៕

30 min

June 14, 2020 ព័ត៌មានពេលព្រឹក - មិថុនា 15, 2020

ព័ត៌មានសំខាន់ៗមានដូចជា វៀតណាមត្រូវបានកោតសរសើរចំពោះការស្ដារសេដ្ឋកិច្ចឲ្យប្រសើរឡើងវិញពីវិបត្តិជំងឺកូវីដ១៩។ អង្គការកម្មវិធីស្បៀងអាហារពិភពលោកថា ការរាតត្បាតជាសាកលនៃជំងឺកូវីដ១៩ អាចនាំឱ្យមាន «ភាពអត់ឃ្លានជាសាកល» ដោយគេរំពឹងថា មនុស្សចំនួន ២៦៥ លាននាក់ នឹងប្រឈមនឹងបញ្ហាអសន្តិសុខស្បៀងអាហារនៅឆ្នាំនេះ។ នៅទូទាំងទ្វីបអឺរ៉ុប កន្លែងអាជីវកម្មនានាធ្វើការបន្ថែម ដើម្បីធ្វើឱ្យប្រាកដថា ពួកគេអាចទូទាត់ជាមួយការខាតបង់ ក្រោយពីបិទទ្វារអស់រយៈពេលពីរខែកន្លងមក៕

30 min

June 13, 2020 ព័ត៌មានពេលព្រឹក - មិថុនា 14, 2020

ព័ត៌មានសំខាន់ៗអំពីកម្ពុជា សហរដ្ឋអាមេរិក និងព័ត៌មានអន្តរជាតិ មានដូចជា៖ ក្រុមសកម្មជនខ្មែរដែលគាំទ្រគណបក្សនយោបាយទាំងពីរនៅសហរដ្ឋអាមេរិក កំពុងធ្វើសកម្មភាពនយោបាយយ៉ាងមមាញឹក ដើម្បីជួយដល់បេក្ខជនប្រធានាធិបតីដែលពួកគេគាំទ្រ។ បន្ទាប់ពីមានបាតុកម្មតវ៉ាជាច្រើនសប្តាហ៍មក លោក Trump នៅតែបន្តបង្ហោះសារនានាលើបណ្តាញ Twitter ដែលមានលក្ខណៈបញ្ឆេះឲ្យមានការបែកបាក់ក្នុងសង្គម។ អង្គការមួយដែលបានបង្កើតគេហទំព័រ Crisis Text Line កំពុងស្វះស្វែងជួយដល់មនុស្សដែលមានបញ្ហាផ្លូវចិត្ត និងត្រូវការជំនួយ ក្នុងគ្រាវិបត្តិសុខភាពកូវីដ១៩៕

30 min

June 12, 2020 ព័ត៌មានពេលព្រឹក - មិថុនា 13, 2020

ព័ត៌មានសំខាន់ៗអំពីកម្ពុជាមានដូចជា៖ លោក សម រង្ស៊ី រិះគន់លោក ហ៊ុន សែន រឿងចាប់សកម្មជនគណបក្សជំទាស់នៅកម្ពុជា។ តុលាការខេត្តសៀមរាបសង្ស័យថា ព្រះអង្គ លួន សុវ៉ាត ដែលជាសកម្មជនសង្ឃមួយរូប ប្រព្រឹត្តបទល្មើស «រំលោភសេពសន្ថវៈ» ខណៈព្រះអង្គបដិសេធការចោទប្រកាន់រឿងសន្ទនាស្នេហា។ ប្រទេសស៊ុយអែតប្រកាសបង្វែរជំនួយសម្រាប់កម្ពុជា ផ្តោតលើគំនិតផ្តួចផ្តើមគាំទ្រលទ្ធិប្រជាធិបតេយ្យ។ ព័ត៌មានអន្តរជាតិសំខាន់ៗមានដូចជា អ្នកចូលរួមពិធីរំឭកការបង្ក្រាននៅទីលាន Tiananmen រួមមានមហាសេដ្ឋីបណ្តាញព័ត៌មានមួយរូប ប្រឈមបទចោទប្រកាន់របស់ប៉ូលិស។ ឥណ្ឌា មានករណីឆ្លងជំងឺកូវីដ១៩ ជាង១ម៉ឺននាក់ ក្នុុងរយៈពេល២៤ម៉ោង កាលពីថ្ងៃសុក្រ។ លោក Putin ប្រធានាធិបតីរុស្ស៊ី បង្ហាញខ្លួនជាសាធារណៈលើកទី១ នៅពិធីបុណ្យឯករាជ្យរុស្ស៊ី ចាប់តាំងពីដើមខែឧសភាមក៕

30 min

June 11, 2020 ព័ត៌មានពេលព្រឹក - មិថុនា 12, 2020

ព័ត៌មានសំខាន់ៗអំពីកម្ពុជា សហរដ្ឋអាមេរិក និងអាស៊ី មានដូចជា៖ រដ្ឋាភិបាលកម្ពុជាកំណត់តម្លៃធ្វើតេស្តជំងឺកូវីដសម្រាប់ជនបរទេស ខណៈតម្រូវឲ្យតម្កល់ប្រាក់៣ពាន់ដុល្លារ។ សម្ព័ន្ធកសិករស្នើរដ្ឋាភិបាលកម្ពុជាបង្កើតប្រព័ន្ធរាយការណ៍បន្ទាន់ សម្រាប់ករណីមន្ត្រីឃុបឃិតឲ្យនាំបន្លែផ្លែឈើផ្ទុកជាតិគីមីពុលចូលប្រទេស។ អ្នករួចជីវិតពីរបបខ្មែរក្រហមដែលបាក់ស្បាតដោយសារអ្នកចូលលួចប្លន់នៅអាមេរិក មិនចង់ឲ្យគេភ្លេចរឿងរ៉ាវពួកគេទេ។ សពលោក George Floyd ត្រូវបានបញ្ចុះនៅក្រុង Houston រដ្ឋ Texas។ ចំនួនអ្នកឆ្លងជំងឺកូវីដ១៩ នៅសហរដ្ឋអាមេរិក បានកើនលើស ២ លាននាក់។ មន្ត្រីកូរ៉េខាងត្បូងព្រមានអំពីការផ្ទុះរាតត្បាតនៃជំងឺកូវីដ១៩ លើកទី២ នៅតំបន់ទីក្រុងសេអ៊ូល។ ផ្សារភាគហ៊ុនជុំវិញពិភពលោកធ្លាក់ចុះខ្លាំងក្នុងថ្ងៃព្រហស្បតិ៍។ ចិនថ្កោលទោសអាមេរិករឿងឲ្យយន្តហោះយោធាខ្លួន ហោះពីលើកោះតៃវ៉ាន់។ ពលរដ្ឋអាមេរិក ១,៥លាននាក់បន្ថែមទៀត ដាក់ពាក្យសុំជំនួយអត់ការងារ៕

30 min

June 10, 2020 ព័ត៌មានពេលព្រឹក - មិថុនា 11, 2020

ព័ត៌មានអំពីកម្ពុជាមានដូចជា ព្រះអង្គ លួន សុវ៉ាត ដែលសកម្មខាងសិទ្ធិមនុស្ស បដិសេធការចោទប្រកាន់រឿងសន្ទនាស្នេហា ខណៈប៉ូលិសឆែកឆេរផ្ទះរបស់ព្រះអង្គ។ តុលាការខេត្តកោះកុង កោះហៅបងប្អូន ៣ នាក់ ពាក់ព័ន្ធនឹងរឿងកាន់កាប់ដីតំបន់ការពារ ខណៈឪពុករបស់ពួកគេជាប់ពន្ធនាគារ។

ព័ត៌មានអន្តរជាតិវិញមានដូចជា ប្អូនប្រុសលោក Floyd ទទូចឲ្យអ្នកតាក់តែងច្បាប់អាមេរិកបញ្ឈប់អំពើឃោរឃៅរបស់ស្ថាប័នប៉ូលិស។ ការបោះឆ្នោតបឋមនៅរដ្ឋ Georgia មានភាពច្របូកច្របល់។ អង្គការសេដ្ឋកិច្ចសាកលថា កូវីដ១៩ជាវិបត្តិសេដ្ឋកិច្ចធ្ងន់ធ្ងរបំផុតក្នុងរយៈពេល៦០ឆ្នាំ។ អ្នកវិភាគថា វិបត្តិជំងឺកូវីដ១៩ក៏មានផលប៉ះពាល់ដល់នយោបាយថៃដែរ។ ផ្សារភាគហ៊ុននៅទ្វីបអឺរ៉ុបបានធ្លាក់ចុះភ្លាមៗកាលពីថ្ងៃពុធ ខណៈទីផ្សារអាស៊ីមានតម្លៃចម្រុះ។ ចិននិងឥណ្ឌាជួបប្រជុំដើម្បីបន្ធូរបន្ថយស្ថានភាពតានតឹងនៅព្រំដែន។ អ្នកថតរូបដ៏ឆ្នើមម្នាក់ផ្ដិតយកក្ដីសង្ឃឹម និងបំណងប្រាថ្នារបស់សិស្សវិទ្យាល័យនៅសហរដ្ឋអាមេរិក៕

30 min

June 09, 2020 ព័ត៌មានពេលព្រឹក - មិថុនា 10, 2020

ព័ត៌មានអំពីកម្ពុជាមានដូចជា រដ្ឋាភិបាលថៃស្នើកម្ពុជាផ្ទៀងផ្ទាត់ព័ត៌មានអំពីការចាប់សកម្មជនថៃដាក់បញ្ចូលក្នុងរថយន្តនៅភ្នំពេញ។ អង្គការសិទ្ធិមនុស្សអន្តរជាតិនិងតំបន់អាស៊ានជំរុញរដ្ឋាភិបាលកម្ពុជានិងថៃឲ្យស្វែងរកសកម្មជនថៃដែលត្រូវចាប់ពង្រត់។

ព័ត៌មានអន្តរជាតិមានដូចជា សពលោក George Floyd នឹងត្រូវបញ្ចុះនៅក្រុង Houston នៅថ្ងៃអង្គារនេះ។ បូរីញូវយ៉កបើកសកម្មភាពឡើងវិញដោយអភិបាលរដ្ឋជិះរថភ្លើងក្រោមដីធ្វើគំរូ។ ក្រៅពីរឿងបាតុកម្ម លោក Trump ផ្តោតការយកចិត្តទុកដាក់លើការជាប់ឆ្នោតជាថ្មី។ លោក អូបាម៉ា មានសុទិដ្ឋិនិយមថា សហរដ្ឋអាមេរិកនឹងប្រសើរជាងមុន។ ប្រធានាធិបតីប៊ូរុនឌីបានស្លាប់តែប៉ុន្មានខែមុនត្រូវចុះចេញពីតំណែង។ ប៉ូលិសហុងកុងទប់ស្កាត់បាតុករដែលជម្នះបម្រាមដើម្បីប្រារព្ធខួប១ឆ្នាំនៃមហាបាតុកម្មប្រឆាំងរដ្ឋាភិបាល។ វិបត្តិជំងឺកូវីដ១៩ ទាញអូស្ត្រាលីឲ្យធ្លាក់ចូលក្នុងវិបត្តិសេដ្ឋកិច្ច។ ការស្រាវជ្រាវថ្មីមួយថា វីរុសកូរ៉ូណាអាចចាប់ផ្តើមឆ្លងនៅចិនតាំងពីខែសីហាម៉្លេះ ប៉ុន្តែអាជ្ញាធរចិនបដិសេធ៕

30 min

June 08, 2020 ព័ត៌មានពេលព្រឹក - មិថុនា 09, 2020

ព័ត៌មានអំពីកម្ពុជាមានដូចជា ស្ថានទូតថៃប្រចាំនៅកម្ពុជាលើកឡើងថា ពួកគេមិនមានព័ត៌មានទាក់ទងនឹងការបាត់ខ្លួនរបស់សកម្មជនថៃទេ ខណៈអាជ្ញាធរកម្ពុជាអះអាងថាពួកគេក៏មិនស៊ើបអង្កេតករណីនេះដែរ បើគ្មានបណ្ដឹងពីក្រុមគ្រួសារ។ អ្នកធ្លាប់កើតជំងឺកូវីដ១៩បង្ហាញពីផលពិបាកនៃការកើតជំងឺនេះ។ ករណីវិជ្ជមានជំងឺកូវីដ១៩ចុងក្រោយនៅកម្ពុជា ត្រូវបានរកឃើញលើបុរសខ្មែរសញ្ជាតិបារាំង។ កម្ពុជានិងចិនគ្រោងរៀបចំកិច្ចប្រជុំទ្វេភាគីស្តីពីការស្តារសេដ្ឋកិច្ចកម្ពុជាក្រោយកូវីដ១៩ នៅសប្តាហ៍ក្រោយ។

ព័ត៌មានអន្តរជាតិមានដូចជា ពលរដ្ឋខ្មែរអាមេរិកាំងរួចជីវិតពីរបបខ្មែរក្រហមដែលបាក់ស្បាតដោយអ្នកចូលប្លន់បំផ្លាញ មិនចង់ឲ្យគេភ្លេចរឿងរ៉ាវរបស់ពួកគេ។ ការសិក្សាថ្មីមួយបង្ហាញថា វិធានការរឹតត្បិតជុំវិញពិភពលោកបានសង្គ្រោះជីវិតមនុស្សរាប់លាននាក់ពីជំងឺកូវីដ១៩។ នាយករដ្ឋមន្ត្រីនូវែលសេឡង់ប្រកាសជ័យជម្នះក្នុងការលុបបំបាត់ទាំងស្រុងនូវជំងឺកូវីដ១៩ក្នុងប្រទេស។ រដ្ឋមន្ត្រីការបរទេសអាល្លឺម៉ង់មិនបានទទួលការបញ្ជក់ថាអាមេរិកនឹងបន្ថយទ័ពរបស់ខ្លួននៅអាល្លឺម៉ង់ទេ៕

30 min