កម្មវិធីវិទ្យុពេលព្រឹក - វីអូអេ

By វីអូអេNews

កម្មវិធីវិទ្យុពេលព្រឹក - វីអូអេ episodes

July 07, 2020 ព័ត៌មានពេលព្រឹក - កក្កដា 08, 2020
ព័ត៌មានអំពីកម្ពុជាមានដូចជា តុលាការសម្រេចឃុំខ្លួនឧកញ៉ាកាន់កាប់ដីជាង ៥ ពាន់ហិកតា និងអភិបាលរងខេត្តបាត់ដំបង។ ចលនានិស្សិតខ្មែរនៅអាមេរិកទទូចឲ្យតុលាការបង្ហាញវីដេអូឃាតកម្មសម្លាប់លោក កែម ឡី មុនខួប៤ឆ្នាំ។ អង្គការយូណេស្កូប្តេជ្ញាចិត្តបន្តជួយអភិរក្សបេតិកភណ្ឌពិភពលោកនៅកម្ពុជា។
ព័ត៌មានអន្តរជាតិវិញមានដូចជា អាមេរិកផ្ដល់ប្រាក់ ១.៦០០ លានដុល្លារដល់ក្រុមហ៊ុន Novavax ឲ្យផលិតវ៉ាក់សាំងបង្ការជំងឺកូវីដ២៩។ ឧបករណ៍ការពារខ្លួនសម្រាប់បុគ្គលិកពេទ្យនៅសហរដ្ឋអាមេរិកជិតអស់ជាថ្មីម្ដងទៀត។ សហរដ្ឋអាមេរិកប្រារព្ធទិវាឯករាជ្យជាតិ ខណៈជំងឺកូវីដ១៩ ឆ្លងរាលដាល។ លោកប្រធានាធិបតី ត្រាំ ចាប់ផ្ដើមយុទ្ធនាការ«សណ្ដាប់ធ្នាប់សង្គម» កាលពីថ្ងៃទី ៤ កក្កដា។ អេហ្ស៊ីបចាប់ខ្លួនវេជ្ជបណ្ឌិតនិងបំបិទមាត់អ្នករិះគន់ជុំវិញការផ្ទុះជំងឺកូវីដ១៩។ ប្រទេសឡាវនៅតែធ្វើទំនប់វារីអគ្គិសនីទីបីលើទន្លេមេគង្គ ថ្វីបើប្រទេសជិតខាងបង្ហាញកង្វល់អំពីការប៉ះពាល់៕
30 min
July 06, 2020 ព័ត៌មានពេលព្រឹក - កក្កដា 07, 2020
ព័ត៌មានអំពីកម្ពុជាមានដូចជា អ្នកភូមិបង្ហាញក្តីសង្ឃឹម ក្រោយឧកញ៉ានិងអភិបាលរងខេត្តត្រូវបញ្ជូនទៅតុលាការរឿងជម្លោះដីធ្លីនៅខេត្តបាត់ដំបង។ បណ្តាញទូរទស្សន៍ចិនCCTV ៖ មានប្រទេសច្រើនឡើងគាំទ្រការអនុវត្តច្បាប់សន្តិសុខចិននៅក្រុងហុងកុង។ កម្ពុជាលើកពេលកិច្ចប្រជុំអាស៊ី-អឺរ៉ុបទៅឆ្នាំក្រោយ ដោយសារកូវីដ១៩។
ព័ត៌មានអន្តរជាតិវិញមានដូចជា ទឹកជំនន់និងគ្រោះបាក់ដីនៅជប៉ុនបង្កឲ្យមនុស្សយ៉ាងហោចណាស់ ៤៤ នាក់ស្លាប់។ នាវាទាហានជើងទឹករបស់អាមេរិកធ្វើសមយុទ្ធយោធានៅសមុទ្រចិនខាងត្បូង។ អូស្ត្រាលីបិទច្រកព្រំដែនរវាងរដ្ឋជាលើកដំបូងក្នុងរយៈពេល ១០០ ឆ្នាំ ដើម្បីទប់ស្កាត់ជំងឺកូវីដ១៩។ សកម្មជនសិទ្ធិមនុស្សទីក្រុងហុងកុងប្រតិកម្មចំពោះច្បាប់សន្តិសុខជាតិរបស់ចិន។ វិបត្តិជំងឺរាតត្បាតកូវីដ១៩ នាំឲ្យមានការប្រើប្រាស់ប្រព័ន្ធឌីជីថលក្នុងយុទ្ធនាការបោះឆ្នោតប្រធានាធិបតីអាមេរិក៕
30 min
July 05, 2020 ព័ត៌មានពេលព្រឹក - កក្កដា 06, 2020
ព័ត៌មានសំខាន់ៗមានដូចជា សម្រាប់ពលរដ្ឋក្រីក្រវៀតណាម ការទទួលបានជំនួយគឺជាគន្លឹះដើម្បីចូលរួមបើកសេដ្ឋកិច្ចឡើងវិញ។ អង្គការ ILO ប្រមើលមើលអំពី «វិបត្តិជាន់លើវិបត្តិ» នៅពេលកម្មករចំណាកស្រុកត្រឡប់ទៅប្រទេសពួកគេវិញ។ របាយការណ៍មួយបានឲ្យដឹងថា ចិនបានប្រើឧស្សាហកម្មរ៉ែកម្រដើម្បីជះឥទ្ធិពលខាងភូមិសាស្ត្រនយោបាយ។ រដ្ឋាភិបាលថ្មីប្រទេសម៉ាឡេស៊ីបង្ក្រាបក្រុមអ្នករិះគន់៕
30 min
July 04, 2020 ព័ត៌មានពេលព្រឹក - កក្កដា 05, 2020
ព័ត៌មានសំខាន់ៗអំពីកម្ពុជាមានដូចជា អង្គការសិទ្ធិមនុស្សចំនួនបីអំពាវនាវឲ្យរដ្ឋាភិបាលកម្ពុជាលុបចោលការផ្តល់ដីសម្បទានឲ្យក្រុមហ៊ុនចិននៅខេត្តព្រះវិហារ។ ជនរងគ្រោះថា កម្ពុជាគួរប្រារព្ធទិវាថា្នក់ជាតិ ដើម្បីរំឭកការចងចាំអំពីរបបប្រល័យពូជសាសន៍។ រីឯព័ត៌មានអន្តរជាតិសំខាន់ៗមានដូចជា ប្រទេសឡាវនៅតែបន្តសាងសង់ទំនប់វារីអគ្គិសនីលើទន្លេមេគង្គ ថ្វីបើប្រទេសជិតខាងបង្ហាញក្តីកង្វល់អំពីផលប៉ះពាល់ក្តី។ ការស្ទង់មតិបង្ហាញថា លោក Joe Biden ទទួលបានសំឡេងគាំទ្រនាំមុខពីក្រុមពលរដ្ឋអាមេរិកាំងវ័យចំណាស់៕
30 min
July 03, 2020 ព័ត៌មានពេលព្រឹក - កក្កដា 04, 2020
ព័ត៌មានសំខាន់ៗអំពីកម្ពុជាមានដូចជា សមាជិកគ្រួសាររបស់សកម្មជនបក្សប្រឆាំងដែលជាប់ឃុំ បន្តស្វែងរកអន្តរាគមន៍ពីស្ថានទូតសហភាពអឺរ៉ុបនៅកម្ពុជា។ ធនាគារអេស៊ីលីដាថា របាយការណ៍របស់សង្គមស៊ីវិលអំពីបំណុលកម្មកររោងចក្រ «គ្មានមូលដ្ឋាន» និង«មានចរិតញុះញង់»។ សមាគមមីក្រូហិរញ្ញវត្ថុចាត់ទុករបាយការណ៍អង្គការក្រៅរដ្ឋាភិបាលអំពីបំណុលពលរដ្ឋក្នុងគ្រាវិបត្តិកូវីដ១៩ថាមានភាព «មិនប្រក្រតី»។ រីឯព័ត៌មានអន្តរជាតិសំខាន់ៗមានដូចជា នៅក្នុងបទសម្ភាន៍ជាមួយ VOA លោក John Bolton អតីតទីប្រឹក្សាសន្តិសុខជាតិប្រចាំសេតវិមាន បានហៅលោកប្រធានាធិបតី Donald Trump ថាជាមនុស្សមិននឹងនរ និងគ្រោះថ្នាក់។ ពលរដ្ឋហុងកុងដំបូងគេម្នាក់ ត្រូវបានចោទប្រកាន់ពីបទភេរវកម្មក្រោមច្បាប់សន្តិសុខថ្មីរបស់ចិនសម្រាប់ហុងកុង។ នាយករដ្ឋមន្ត្រីឥណ្ឌាធ្វើទស្សនកិច្ចនៅមូលដ្ឋានយោធា ខណៈមានភាពតានតឹងជាមួយចិននៅបណ្តោយព្រំដែន។ នាយករដ្ឋមន្ត្រីបារំាងលោក Macron ជ្រើសរើសនាយករដ្ឋមន្ត្រីថ្មីដើម្បីកែប្រែអាណត្តិរបស់លោក និងព័ត៌មានអន្តរជាតិផ្សេងទៀត៕
30 min
July 02, 2020 ព័ត៌មានពេលព្រឹក - កក្កដា 03, 2020
ព័ត៌មានសំខាន់ៗអំពីកម្ពុជាមានដូចជា សាធារណជនប្រៀបធៀបករណីប៉ូលិសខ្មែរប្រើជង្គង់សង្កត់កបុរសម្នាក់នៅភ្នំពេញ ទៅនឹងករណីនៅអាមេរិក។ អង្គការការពារសត្វព្រៃ WWF រកឃើញថា ការជួញដូរត្រីជិតផុតពូជនៅបន្តកើតមាននៅកម្ពុជា។ បក្សប្រឆាំងទាមទាររដ្ឋាភិបាលប្រើប្រាស់ច្បាប់អន្តរជាតិទាមទារកោះត្រល់មកកម្ពុជាវិញ។ ព័ត៌មានអន្តរជាតិសំខាន់ៗមានដូចជា ចិនដែលជាប្រទេសផ្តល់កម្ចីច្រើនជាងគេបំផុតក្នុងសាកលលោក សម្រេចពន្យារពេលសងបំណុលដល់ប្រទេសចំនួន ៧៧។ សេដ្ឋកិច្ចអាមេរិកបង្កើតការងារថ្មីជិត ៥លាន ក្នុងខែមិថុនា ខណៈអត្រាអត់ការងារធ្វើធ្លាក់ចុះ។ មនុស្សយ៉ាងតិច ១២៦នាក់ បានស្លាប់ក្នុងករណីបាក់កន្លែងរុករករ៉ែថ្លើមថ្មមួយកន្លែងនៅមីយ៉ាន់ម៉ា។ ទីក្រុងតូក្យូមានករណីឆ្លងជំងឺកូវីដ ១៩ថ្មីប្រចាំថ្ងៃខ្ពស់បំផុតក្នុងរយៈពេល២ខែ។ អ្នកបោះឆ្នោតរុស្ស៊ីបើកផ្លូវឲ្យលោក Putin ធ្វើជាប្រធានាធិបតីរុស្ស៊ីដល់ឆ្នាំ ២០៣៦៕
30 min
July 01, 2020 ព័ត៌មានពេលព្រឹក - កក្កដា 02, 2020
ព័ត៌មានអំពីកម្ពុជាមានដូចជា ការចាប់អ្នកសារព័ត៌មានបង្ហោះសារលើហ្វេសប៊ុកនាំឲ្យមានការព្រួយបារម្ភកាន់តែខ្លាំងចំពោះសេរីភាពបញ្ចេញមតិ។ អង្គការក្រៅរដ្ឋាភិបាលអំពាវនាវឲ្យមានអន្តរាគមន៍ជួយពលករខ្មែរជាប់នៅប្រទេសហ៊្សកដានី វិលត្រឡប់មកកម្ពុជាវិញ។ តុលាការកំពូលគ្រោងប្រកាសសាលដីកាលើសំណុំរឿងអតីតអ្នកកាសែតអាស៊ីសេរីនៅថ្ងៃ១៥ កក្កដា។ មេដឹកនាំសហជីពរងការព្រមាន ដោយសារជួយដោះស្រាយបញ្ហាកម្មករកាត់ដេរ។
ព័ត៌មានអន្តរជាតិមានដូចជា ប៉ូលិសហុងកុងចាប់ខ្លួនបាតុករជាង ៣០០ នាក់ ក្រោយច្បាប់សន្ដិសុខជាតិថ្មីត្រូវបានអនុម័ត។ ចក្រភពអង់គ្លេសផ្ដល់សិទ្ធិធ្វើអន្តោប្រវេសន៍ដល់ពលរដ្ឋហុងកុងរហូតដល់ ៣ លាននាក់។ រុស្ស៊ីបោះឆ្នោតដើម្បីឲ្យលោក Putin បន្ដកាន់អំណាចរហូតដល់ឆ្នាំ ២០៣៦។ ការស្រាវជ្រាវរកថ្នាំព្យាបាលជំងឺកូវីដ១៩ និងដំណើរការសាកល្បងវ៉ាក់សាំងបង្ការ កំពុងដំណើរការទៅមុខយ៉ាងលឿន៕
30 min
June 30, 2020 ព័ត៌មានពេលព្រឹក - កក្កដា 01, 2020
ព័ត៌មានអំពីកម្ពុជាមានដូចជា លោក ហ៊ុន សែន ជម្រះការនិយាយស្មានៗថា កូនប្រុសរបស់លោកនឹងក្លាយជាមេដឹកនាំខ្មែរបន្តពីលោក។ របាយការណ៍៖ «ភាពជំពាក់លើសលប់ក្នុងវិស័យកាត់ដេរ» នាំឲ្យកម្មករត្រូវបង្ខំចិត្តលក់ទ្រព្យសម្បត្តិ និងខ្ចីគេបន្ថែមដើម្បីសងមីក្រូហិរញ្ញវត្ថុ។
ព័ត៌មានអន្តរជាតិវិញមានដូចជា សហភាពអឺរ៉ុបបើកព្រំដែនវិញសម្រាប់ពលរដ្ឋពីប្រទេស១៤ តែហាមទេសចរអាមេរិក។ នាយករដ្ឋមន្ត្រីឥណ្ឌាព្រមានពលរដ្ឋកុំឲ្យធ្វេសប្រហែលនឹងជំងឺកូវីដ១៩ ខណៈក្រុងខ្លះបន្តការបិទសកម្មភាព។ សេតវិមានការពាររឿងដែលលោកត្រាំមិនត្រូវបានជូនដំណឹងអំពីរុស្ស៊ីឲ្យរង្វាន់ដល់អ្នកសម្លាប់ទាហានអាមេរិក។ រដ្ឋមន្ត្រីការបរទេសអាមេរិកនិងមេដឹកនាំតាលីបង់ពិនិត្យឡើងវិញដំណើរការសន្តិភាពអាហ្វហ្គានីស្ថាន។ អ៊ីរ៉ង់កាត់ទោសប្រហារជីវិតអ្នកកាសែតដែលបានជួយជំរុញបាតុកម្មទូទាំងប្រទេស។ ពលរដ្ឋអាមេរិកាំងដើមកំណើតអាស៊ីបង្ហាញការគាំទ្រចំពោះការស្វែងរកយុត្តិធម៌ពូជសាសន៍៕
30 min
June 29, 2020 ព័ត៌មានពេលព្រឹក - មិថុនា 30, 2020
ព័ត៌មានអំពីកម្ពុជាមានដូចជា របាយការណ៍បង្ហាញថា ការបណ្តេញចេញនៅទីក្រុងភ្នំពេញនៅតែជាបញ្ហា ពុំមានការពិភាក្សា និងផ្តល់សំណងត្រឹមត្រូវ។ អង្គភាពប្រឆាំងអំពើពុករលួយចាប់ខ្លួនឧកញ៉ាម្នាក់ រីឯអភិបាលស្រុកមួយរូបបាត់បង់តំណែងក្នុងរឿងដីធ្លី។ កម្ពុជារកឃើញករណីឆ្លងជំងឺកូវីដ១៩ ពីរករណីថ្មីទៀត ដោយធ្វើឲ្យចំនួនអ្នកឆ្លងសរុបកើនដល់ ១៤១ នាក់។
ព័ត៌មានអន្តរជាតិវិញមានដូចជា សហភាពអឺរ៉ុបទំនងជាមិនអនុញ្ញាតឲ្យពលរដ្ឋអាមេរិកធ្វើដំណើរចូលទេ ពេលបើកព្រំដែនឡើងវិញនៅថ្ងៃទី១ ខែកក្កដា។ រដ្ឋាភិបាលនានាបង្កើនការធ្វើតេស្តនិងវិធានការថ្មី ខណៈករណីឆ្លងកូវីដ១៩កំពុងកើនឡើង។ លោកប្រធានាធិបតី ដូណាល់ ត្រាំ សម្រេចបានការព្រមព្រៀងមួយដែលនឹងធានាឲ្យមានការត្រៀមការផ្គត់ផ្គង់ថ្នាំ remdesivir ចំនួន ៥០០.០០០ ដូស រហូតដល់ខែកញ្ញា។ ផ្សារហ៊ុននៅអាស៊ីធ្លាក់ចុះនៅដើមសប្តាហ៍នេះ ដោយសារមានទុទ្ទិដ្ឋិនិយមអំពីការរើបឡើងនៃសេដ្ឋកិច្ច។ ខ្មាន់កាំភ្លើង៤រូបដែលព្យាយាមវាយប្រហារអគារផ្សារហ៊ុនប៉ាគីស្ថានត្រូវបានសម្លាប់៕
30 min
June 28, 2020 ព័ត៌មានពេលព្រឹក - មិថុនា 29, 2020
ព័ត៌មានសំខាន់ៗអំពីកម្ពុជាមានដូចជា របាយការណ៍មួយរបស់អឺរ៉ុបរកឃើញថា ព្រៃឡង់នៅកម្ពុជាកំពុងបន្តបាត់បង់គួរឲ្យព្រួយបារម្ភ ខណៈការកាប់ព្រៃឈើកើនឡើងជាង៧០ភាគរយនៅឆ្នាំ២០១៩។ ព័ត៌មានអន្តរជាតិសំខាន់ៗមានដូចជា អង្គការ UNICEF បញ្ជាក់ថា វិបត្តិជំងឺកូវីដ ១៩ ប៉ះពាល់ដល់កុមារ ៦រយលាននាក់នៅទ្វីបអាស៊ីខាងត្បូង។ ច្បាប់ស្តីពីថាមពលពន្លឺព្រះអាទិត្យនៅប្រទេសវៀតណាម បង្កឲ្យការប្រើប្រាស់ថាមពលធ្យូងថ្មចុះខ្សោយ។ រដ្ឋាភិបាលថ្មីរបស់ម៉ាឡេស៊ីបង្ក្រាបលើក្រុមអ្នករិះគន់រដ្ឋាភិបាល៕
30 min

About កម្មវិធីវិទ្យុពេលព្រឹក - វីអូអេ

From the publisher's feed

កម្មវិធីវិទ្យុពេលព្រឹកប្រចាំថ្ងៃរយៈពេល ៣០នាទីរបស់វីអូអេ នៅម៉ោង ៥ព្រឹក ដែលផ្សាយផ្ទាល់ពីរដ្ឋធានីវ៉ាស៊ីនតោន នាំមកជូនអស់លោកអ្នកនាងនូវព័ត៌មានអំពីកម្ពុជា សហរដ្ឋអាមេរិក អាស៊ី និងពិភពលោក។