កម្មវិធីវិទ្យុពេលព្រឹក - វីអូអេ

By វីអូអេNews

កម្មវិធីវិទ្យុពេលព្រឹក - វីអូអេ episodes

July 17, 2020 ព័ត៌មានពេលព្រឹក - កក្កដា 18, 2020
ព័ត៌មានសំខាន់ៗអំពីកម្ពុជាមានដូចជា ក្រសួងធនធានទឹកថា ស្ថានភាពទឹកទន្លេមេគង្គតាមខេត្តនានា នឹងបន្តស្រកចុះ ខណៈប្រជាពលរដ្ឋមានការព្រួយបារម្ភអំពីផលប៉ះពាល់នៃការសាងសង់ទំនប់វារីអគ្គិសនីនៅលើដងទន្លេមេគង្គជាបន្តបន្ទាប់។ ការបន់ស្រន់សុំទឹកភ្លៀងនៅតាមដងទន្លេមេគង្គ ពេលរដូវមូសុងវស្សាចាប់ផ្តើម។ វិភាគ៖ តើអ្នកណាជាក្រុមឧទ្ទាមកុម្មុយនិស្តក្នុងប្រទេសហ្វីលីពីន? ច្បាប់ប្រឆាំងភេរវកម្មរបស់ហ្វីលីពីនផ្តល់ចម្លើយខ្លះទាក់ទងនឹងរឿងនេះ។ សមាជិកស្ថានទូតអាមេរិកពីររូបស្ថិតក្នុងចំណោមអ្នកឆ្លងកូវីដ១៩ថ្មី៥នាក់នៅកម្ពុជា។ រីឯព័ត៌មានអន្តរជាតិវិញ មានដូចជា ចំនួនអ្នកឆ្លងកូវីដ១៩កើនជិតដល់ ១៤លាននាក់នៅជុំវិញពិភពលោក។ ហុងកុងទាមទារឲ្យមន្ត្រីតៃវ៉ាន់ចុះហត្ថលេខាលើឯកសារ «ចិនតែមួយ» ដើម្បីអាចបន្តទិដ្ឋាការបាន។ ចិនប្រកាសគ្រោះអាសន្ននៅបណ្តាខេត្តដែលទឹកជំនន់បង្អាក់ការផលិតសម្ភារៈប្រឆាំងកូវីដ១៩។ ឥណ្ឌាព្យាយាមទប់ស្កាត់ជំងឺកូវីដ១៩ទាំងលំបាក ខណៈចំនួនអ្នកឆ្លងកើនលើស១លាននាក់។ អាកាសចរណ៍ជាតិអង់គ្លេសសម្រេចលែងប្រើប្រាស់ប្រភេទយន្តហោះខ្នាតយក្ស Boeing 747៕
30 min
July 16, 2020 ព័ត៌មានពេលព្រឹក - កក្កដា 17, 2020
ព័ត៌មានសំខាន់ៗអំពីកម្ពុជាមានដូចជា សមាគមធនាគារនិងមីក្រូហិរញ្ញវត្ថុស្នើឲ្យអង្គការសង្គមស៊ីវិលកែតម្រូវរបាយការណ៍ស្តីពីបំណុលរបស់កម្មករ។ ពលរដ្ឋខ្មែរម្នាក់ទៀតដែលធ្វើដំណើរពីអារ៉ាប៊ី សាអូឌីត បានឆ្លងជំងឺកូវីដ១៩។ រីឯព័ត៌មានអន្តរជាតិវិញមានដូចជា ការដែលលោក Biden រិះគន់លោក Trump អំពីការចោទប្រកាន់ថា រុស្សីផ្តល់ប្រាក់រង្វាន់ដល់ការសម្លាប់ទាហានអាមេរិកាំង បង្ហាញឲ្យឃើញការខ្វែងគំនិតគ្នាខាងគោលនយោបាយការបរទេស។ អ្នកស្រាវជ្រាវរកឃើញប្រតិបត្តិការរុករករ៉ែកាលពីយុគសម័យបុរាណនៅប្រទេសម៉ិកស៊ិក។ ប្រទេសអូស្ត្រាលី ជប៉ុន អ៊ីតាលី ក្លាយជាតំបន់ផ្ទុះរាលដាលនៃវីរុសកូរ៉ូណាថ្មីទៀតរបស់ពិភពលោក។ អង់គ្លេស អាមេរិក និងកាណាដា ចោទរុស្ស៊ីថាព្យាយាមលួចព័ត៌មានអំពីការសាកល្បងវ៉ាក់សាំងកូវីដ១៩។ ក្រសួងការបរទេសចិនស្វាគមន៍ឲ្យរដ្ឋមន្ត្រីការបរទេសអាមេរិកទៅទស្សនាខេត្ត Xinjiang។ សហរដ្ឋអាមេរិកធ្វើការប្រហារជិវិតលើឧក្រិដ្ឋជន Wesley Ira Purkey ដែលខានធ្វើយូរក្នុងសប្តាហ៍នេះ៕
30 min
July 15, 2020 ព័ត៌មានពេលព្រឹក - កក្កដា 16, 2020
ព័ត៌មានអំពីកម្ពុជាមានដូចជា ផ្លូវទៅកាន់តំណែងនាយករដ្ឋមន្ត្រីរបស់លោក ហ៊ុន ម៉ាណែត។ អង្គការការពារអ្នកកាសែតទទូចឲ្យតុលាការទម្លាក់ចោលបទចោទលើអតីតអ្នកកាសែតអាស៊ីសេរីនិងអ្នកបកប្រែឲ្យសារព័ត៌មានរុស្ស៊ី RT។ តុលាការកំពូលសម្រេចឲ្យកាត់ក្តីឡើងវិញលើសំណុំរឿងលោក រ៉ាត់ រត្នមុនី ដោយសារការកាត់ក្តី«មិនត្រឹមត្រូវ»។
ព័ត៌មានអន្តរជាតិវិញមានដូចជា ឥណ្ឌាបិទសកម្មភាពសង្គមជាថ្មីនៅតំបន់ខ្លះ ខណៈកូវីដ១៩បានឆ្លងដល់ពលរដ្ឋជិត១លាននាក់។ ក្រុងតូក្យូដាក់ការប្រុងប្រយ័ត្នខ្ពស់ ខណៈករណីឆ្លងកូវីដ១៩ថ្មីបន្តកើនឡើង។ ចិនប្តេជ្ញាសងសឹកក្រោយលោក ដូណាល់ ត្រាំ បញ្ចប់ឋានៈអនុគ្រោះពិសេសសម្រាប់ក្រុងហុងកុង។ សកម្មជនវ័យក្មេងហុងកុងឈ្នះភាគច្រើនក្នុងការបោះឆ្នោតបឋមគាំទ្រលទ្ធិប្រជាធិបតេយ្យ៕
30 min
July 14, 2020 ព័ត៌មានពេលព្រឹក - កក្កដា 15, 2020
ព័ត៌មានអំពីកម្ពុជាមានដូចជា សាលារៀនមួយចំនួនរៀបចំអនាម័យនិងប្រព័ន្ធស្តង់ដារសុវត្ថិភាពប្រឆាំងនឹងជំងឺកូវីដ១៩ ដើម្បីដំណើរការសាកល្បងបើកឡើងវិញ។ ពលរដ្ឋខ្មែរ៩នាក់ទៀតដែលធ្វើដំណើរមកពីអារ៉ាប៊ី សាអ៊ូឌីត បានឆ្លងកូវីដ១៩។ អង្គការHRW ជំរុញឲ្យរដ្ឋាភិបាល ផ្អាកការទារបំណុលពីអ្នកជំពាក់កម្ចីមីក្រូហិរញ្ញវត្ថុក្នុងគ្រាវិបត្តិកូវីដ១៩។
ព័ត៌មានអន្តរជាតិវិញមានដូចជា សហរដ្ឋអាមេរិកប្រហារជីវិតអ្នកទោសជាលើកដំបូងបង្អស់ក្នុងរយៈពេល ១៧ ឆ្នាំមកនេះ។ ប្រទេសអង់គ្លេសហាមឃាត់ក្រុមហ៊ុន Huawei របស់ចិនមិនឲ្យពាក់ព័ន្ធនឹងបណ្ដាញ 5G ថ្មី នៅក្នុងប្រទេសខ្លួន។ កំណើនករណីឆ្លងជំងឺកូវីដ១៩នៅទូទាំងពិភពលោក តម្រូវឲ្យប្រទេសនានាបិទសកម្មភាពសង្គមជាថ្មីម្តងទៀត។ គណបក្សប្រឆាំងនៅម៉ាឡេស៊ីត្រៀមចូលរួមការបោះឆ្នោតដែលរៀបចំឡើងមុនការរំពឹងទុក។ ការឆ្លងជំងឺកូវីដ១៩ កើនច្រើននៅក្នុងសហរដ្ឋអាមេរិក ក៏ប៉ុន្តែចំនួនមនុស្សស្លាប់នៅនឹងមួយរយៈពេល៕
30 min
July 13, 2020 ព័ត៌មានពេលព្រឹក - កក្កដា 14, 2020
ព័ត៌មានអំពីកម្ពុជាមានដូចជា ក្រសួងមហាផ្ទៃ៖ ការសើរើបញ្ហាអន្តោប្រវេសន៍វៀតណាម ដើម្បីបញ្ចប់នយោបាយ«ជាតិនិយម»នៅកម្ពុជា។ សិល្បករស្វែងរកជម្រើសបន្តការសម្តែងអំឡុងពេលកូវីដ១៩អូសបន្លាយ។ កម្ពុជាពិចារណាតម្រូវឲ្យមានការធ្វើតេស្តកូវីដលើមន្ត្រីការទូត និងអង្គការអន្តរជាតិដូចអ្នកដំណើរដទៃទៀតពេលមកដល់កម្ពុជា។ ព័ត៌មានអន្តរជាតិវិញមានដូចជា លោក Trump ថា លោកនឹងបើកផ្លូវឲ្យជនអន្តោប្រវេសន៍ក្រោមកម្មវិធី DACA ទទួលបានសញ្ជាតិអាមេរិកាំង។ នាយកប្រតិបត្តិទីភ្នាក់ងារប្រព័ន្ធផ្សព្វផ្សាយសាកលអាមេរិក (USAGM) ការពារការសម្រេចបណ្តេញបុគ្គលិក។ ក្រុមបាល់ឱបអាមេរិករបស់រដ្ឋធានីវ៉ាស៊ីនតោន Redskins សម្រេចប្តូរឈ្មោះដែលត្រូវគេចាត់ទុកថារើសអើងជនជាតិដើមអាមេរិក។ ករណីឆ្លងកូវីដ១៩ថ្មីអាចបង្កការលំបាកដល់បេសកកម្មយោធាអាមេរិកនៅជប៉ុន និងកូរ៉េខាងត្បូង៕
30 min
July 12, 2020 ព័ត៌មានពេលព្រឹក - កក្កដា 13, 2020
ព័ត៌មានសំខាន់ៗអំពីកម្ពុជាមានដូចជា ខ្មែរអាមេរិកាំងសរសើរអំពីវិធីដោះស្រាយជីវភាពរបស់ពលរដ្ឋអាមេរិកាំងទូទៅ ដោយរដ្ឋាភិបាលអាមេរិក ក្នុងគ្រាវិបត្តិកូវីដ១៩។ រីឯព័ត៌មានអន្តរជាតិវិញមានដូចជា ប្រទេសអូស្ត្រាលីពិចារណាអំពីការផ្តល់ទីជម្រកដែលមានសុវត្ថិភាពដល់បាតុករក្រុងហុងកុង។ អ្នកជំងឺកូវីដ១៩ រាប់ពាន់នាក់មិនបានជាសះស្បើយទាំងស្រុងនោះទេ។ អ្នកស្រាវជ្រាវរកឃើញថា ប្រតិបត្តិការរុករករ៉ែកាលពីយុគសម័យបុរាណ៕
30 min
July 11, 2020 ព័ត៌មានពេលព្រឹក - កក្កដា 12, 2020
ព័ត៌មានសំខាន់ៗអំពីកម្ពុជាមានដូចជា អ្នកជំនាញថា កម្ពុជាមានសំណាងដោយប្រទេសជិតខាងទប់ស្កាត់ការឆ្លងរាលដាលនៃជំងឺកូវីដ១៩បានល្អ ស្របពេលពលរដ្ឋកម្ពុជាមានទម្លាប់ល្អក្នុងការការពារខ្លួន។ រីឯព័ត៌មានអន្តរជាតិវិញមានដូចជា អគ្គលេខាធិការអង្គការសហប្រជាជាតិលោក Antonio Guterres ថ្លែងថា ជំងឺកូវីដ ១៩ គឺជាឧបសគ្គដល់សន្តិភាពនិងសន្តិសុខសកលលោក។ វិភាគ៖ តើជំងឺកូវីដ ១៩ កំពុងផ្លាស់ប្តូររបៀបវារៈរបស់វៀតណាមអំពីបញ្ហាជម្លោះនៅសមុទ្រចិនខាងត្បូងដោយរបៀបណា?
30 min
July 10, 2020 ព័ត៌មានពេលព្រឹក - កក្កដា 11, 2020
ព័ត៌មានសំខាន់ៗអំពីកម្ពុជាមានដូចជា ចិននិងកម្ពុជាត្រៀមចុះកិច្ចព្រមព្រៀងពាណិជ្ជកម្មសេរី ខណៈកម្ពុជាសម្លឹងមើលសក្តានុពលនាំចេញផលិតផលកសិកម្ម។ សហរដ្ឋអាមេរិកគាំទ្រការផ្តល់កម្ចី ២៥០លានដុល្លាររបស់ធនាគារ ADB ដល់កម្ពុជាដើម្បីដោះស្រាយវិបត្តិកូវីដ ១៩។ រីឯព័ត៌មានអន្តរជាតិវិញមានដូចជា ប្រធានសិទ្ធិមនុស្សប្រចាំអង្គការសហប្រជាជាតិ បានព្រមានថា ការរាតត្បាតនៃជំងឺកូវីដ ១៩ គំរាមកំហែងដល់សន្តិភាពនិងការអភិវឌ្ឍន៍របស់ពិភពលោក។ ការឆ្លងជំងឺកូវីដ១៩ នៅជំរំជនភៀសខ្លួននៅស៊ីរី អាចសម្លាប់ជនភៀសខ្លួនជាច្រើននាក់។ ប៉ូលិសឥណ្ឌាបានបាញ់សម្លាប់ជនសង្ស័យពាក់ព័ន្ធនឹងបទឧក្រិដ្ឋកម្មមួយ។ ការស្ទង់មតិអំពីការបោះឆ្នោតប្រធានាធិបតីអាមេរិកបង្ហាញថា លោក Biden នាំមុខលោក Trump ខ្លាំង៕
30 min
July 09, 2020 ព័ត៌មានពេលព្រឹក - កក្កដា 10, 2020
ព័ត៌មានសំខាន់ៗអំពីកម្ពុជាមានដូចជា របាយការណ៍សិទ្ធិមនុស្សមួយរកឃើញថា អ្នកការពារសិទ្ធិមនុស្ស និងក្រុមអ្នករិះគន់រដ្ឋាភិបាលនៅកម្ពុជា រងការធ្វើទុក្ខបុកម្នេញកាន់តែខ្លាំងឡើង។ ក្រុមអង្គការសង្គមស៊ីវិលជាតិនិងអន្តរជាតិទាមទារឲ្យមានការស៊ើបអង្កេតឯករាជ្យដោយមានវត្តមានអ.ស.ប លើឃាតកម្មលោក កែម ឡី។ រីឯព័ត៌មានអន្តរជាតិវិញមានដូចជា តុលាការកំពូលអាមេរិកសម្រេចមិនឲ្យសភាអាចពិនិត្យមើលឯកសារហិរញ្ញវត្ថុរបស់លោក Trump។ មនុស្សយ៉ាងតិច ៦០នាក់ បានស្លាប់ក្នុងគ្រោះទឹកជំនន់បង្កដោយភ្លៀងធ្លាក់ខ្លាំងនៅប្រទេសជប៉ុន។ ចំនួនអ្នកឆ្លងជំងឺកូវីដ១៩នៅទូទាំងពិភពលោកបានកើនលើស ១២លាននាក់ ដែលច្រើនជាងគេបង្អស់នៅសហរដ្ឋអាមេរិក គឺ៣លាននាក់។ ពលរដ្ឋអាមេរិកាំងប្រមាណ ១លាន ៣សែននាក់ទៀត បានសុំជំនួយអត់ការងារ ខណៈរដ្ឋាភិបាលអាមេរិកពិចារណាជំនួយបន្ថែមក្រោយខែកក្កដា៕
30 min
July 08, 2020 ព័ត៌មានពេលព្រឹក - កក្កដា 09, 2020
ព័ត៌មានអំពីកម្ពុជាមានដូចជា លោក ស ខេង បញ្ជាឲ្យអភិបាលខេត្តចាត់វិធានការច្បាប់ប្រឆាំងមន្ត្រីពាក់ព័ន្ធលិខិតស្នាមដីធ្លីមិនស្របច្បាប់។ អាជ្ញាធរហាមមិនឲ្យជួបជុំក្នុងខួប ៤ ឆ្នាំនៃឃាតកម្មលោក កែម ឡី ខណៈយុវជនម្នាក់ត្រូវបានអាជ្ញាធរនាំទៅសាកសួរ។ អ្នកឃ្លាំមើលថា ៤ ឆ្នាំក្រោយការស្លាប់របស់លោក កែម ឡី ប្រជាធិបតេយ្យកាន់តែធ្លាក់ចុះ ខណៈយុត្តិធម៌មិនទាន់មាននៅឡើយ។
ព័ត៌មានអន្តរជាតិវិញមានដូចជា អាមេរិកនិងចិនដាក់ការរឹតត្បិតទិដ្ឋាការគ្នាទៅវិញទៅមកទាក់ទងបញ្ហាដែនដីទីបេ។ ចិនការពារអង្គការសុខភាពពិភពលោក WHO ដោយរិះគន់អាមេរិកចំពោះការដកខ្លួនពីអង្គការអន្តរជាតិនេះ។ ចំនួនអ្នកឆ្លងកូវីដ១៩នៅអាហ្រ្វិកបានកើនលើសកន្លះលាននាក់៕
30 min

About កម្មវិធីវិទ្យុពេលព្រឹក - វីអូអេ

From the publisher's feed

កម្មវិធីវិទ្យុពេលព្រឹកប្រចាំថ្ងៃរយៈពេល ៣០នាទីរបស់វីអូអេ នៅម៉ោង ៥ព្រឹក ដែលផ្សាយផ្ទាល់ពីរដ្ឋធានីវ៉ាស៊ីនតោន នាំមកជូនអស់លោកអ្នកនាងនូវព័ត៌មានអំពីកម្ពុជា សហរដ្ឋអាមេរិក អាស៊ី និងពិភពលោក។