Kompas

Ons praat oor wat leerders verhinder om te studeer of voor te berei vir eksamens. ‘n Paar leerders van Wittedrift Hoërskool vertel wat hulle aandag aftrek, en Quinton Adams, ’n opvoedkundige sielkundige, gee raad oor hoe hulle dit kan oorkom.

Ons gesels met klankingenieurswese student, Stephen Kruger, en klankingenieur Sean Bezuidenhout oor wat jy kan verwag indien jy hierdie beroep wil volg.

Chris Banda, senior kurrikulumbeplanner vir Afrikaans graad 10 tot 12 in die Wes-Kaap, gee wenke oor Afrikaans Huistaal.

Aktrise Ira Blanckenberg vertel van die Dramaweb-kompetisie wat aanlyn plaasvind. Marilize du Plessis, ‘n Suid Afrikaner wat in Amerika drama studeer, praat oor haar ervaring daar.

Dr. Henk Gous, ’n predikant van Pretoria, verduidelik die tekens waarvoor jy op die uitkyk moet wees om iemand te help wat aan depressie ly. Elisna Kelly, 'n opvoedkundige spesialis, gesels met Zander Cromhout, ‘n forensiese kriminioloog, en met Natalie Hayes, ’n slagoffer van misdaad.

Suzanne Potgieter, ‘n grimering- en haarstilis, gee raad oor hoe jy jou eie besigheid kan begin. Leandré Brand, ‘n fotograaf, verduidelik hoe jy fotografie kan studeer, en wat om te verwag.

Ismail Teladia, die senior kurrikulumbeplanner van Lewensoriëntering en Lewensvaardighede by die Wes-Kaap Onderwysdepartment, bespreek die belangrikheid van vakkeuses in graad 9. Hoërskoolleerders vertel ook wat hulle dink van die vak, LO.

Ons gesels met die junior-onderburgemeester van Pretoria, Megan Kruger, ‘n graad 11 leerder by Afrikaanse Meisies Hoërskool. Ons kry ook raad en wenke by Pieter Wasserfall oor hoe om geld beter te bestuur deur gebruik te maak van die JustMoney-platform.

Ons gesels met Elisna Kelly, 'n opvoedkundige sielkundige, en dr. Janine Raubenheimer bespreek die tekens van depressie onder jongmense, en hoe ons hulle kan bystaan. Dr Henk Gous, ’n dominee in Pretoria, verduidelik hoekom ons die term, selfdood, eerder as selfmoord moet gebruik.

Skrywer Jaco Jacobs deel wenke oor hoe om te skryf. Elias P. Nel, ’n bekroonde skrywer en storieverteller, bied ‘n kreatiewe skrywerswerkswinkel aan waaraan jy kan deelneem. André Noordeman se aanlyn dramaskool word binnekort bekendgestel.