Kompas

Ter viering van Jeugmaand gaan ons met verskeie jongmense gesels oor hulle hoop en drome vir Suid-Afrika.

Ons gesels met Dominique Adonis ’n entrepreneur wat jongmense oplei en ondersteun om ook entrepreneurs te word. Rochey Walters, die bestuurshoof van Khoi Kulcha, deel sy ervaring as sakeman. Arno Daiber, ’n vryskutwerker, verduidelik hoe jy jou kwalifikasie kan uitbrei om nuwe geleenthede te skep.

Lizette Booys, beter bekend as Wiskunde Juffie, doen hersiening van getalpatrone.

Ons gesels met ’n graag 10 leerder aan die Hoërskool Wittedrift op Plettenbergbaai, Jose Duarte, oor sy prestasie in die Wêreldkennis Olimpiade by die skool. Ons hoor ook by dr. Bronwen Moses wat haar internskap in Gqeberha doen, oor wat mediese studente kan verwag.

Elisna Kelly, 'n opvoedkundige sielkundige, praat oor die statistiek van selfdood in Suid-Afrika, veral onder jongmense. Sy verduidelik die verskillende faktore wat bydra tot depressie by leerders, watter tekens daar is wanneer iemand hulp nodig het, en hoe jy kan help.

Wil jy graag ‘n geoktrooieerde rekenmeester word? Verskeie jongmense vertel wat hulle dink ‘n geoktrooieerde rekenmeester is. Christiaan Vorster, die bestuurshoof van die Instituut van Geoktrooieerde Rekenmeesters, verduidelik die proses om hierdie loopbaanrigting aan te pak, en vertel van moontlike beursgeleenthede. Dillon Lewis, ‘n 26-jarige rekenmeester en student, praat oor sy ervaring en wat jy kan verwag as jy 'n geoktrooieerde rekenmeester wil word.

Lizette Booys, beter bekend as Wiskunde Juffie, gee vir graad 7 tot 9 leerders wiskundewenke. Sy verduidelik die wette van eksponente, en gee kreatiewe maniere hoe om die reëls te onthou.

Het jy geweet dat jy al op skool as burgemeester in jou gemeenskap kan dien? Ons gesels met die Junior Burgemeester van Worcester, Tamia Adonis, ’n graad 11 leerder aan die Hoërskool Breërivier, oor haar rol in die gemeenskap. Durane Plaatjies vertel van die kuns- en kultuurwerkswinkel wat jongmense se vaardighede in die kunste ontwikkel. Die Botha susters van Mpumalanga, Inge en Lineke, leerders van Hoogenhout Hoërskool, verduidelik hoe die redenaarsprogram werk.

Die internet is ‘n wonderlike bron van inligting, waar jy die interessantste feite en mense kan ontdek. Dit bied oneindige moontlikhede aan besighede en entrepreneurs, en jy klante dwars oor die wêreld hê. Maar die internet kan ook ‘n baie donker en gevaarlike plek wees as jy oningelig of onkundig is oor hoe dit werk. Cynthia Burger van Kinderwelsyn in Bloemfontein praat oor die gevare en risiko’s wat die internet inhou, en gee wenke om dit veiliger te  maak vir kinders. Anton Kotze, ‘n prokureur en regulatoriese adviseur vir internetdiensverskaffers, gee raad vir ouers oor hoe om hulle kinders te beskerm teen aanlyngevare.

Carla Oberholzer van Debtsafe praat oor die vreugde en frustrasies van haar werk as 'n skuldberader.  Lizette Volkwyn, 'n lewensafrigter, gesels oor watter verskil die regte beroepskeuse sal maak, en hoe vervullend jou lewe kan word as jy besef wat vir jou belangrik is en jy daarop begin fokus.