Kompas

Dr. Antoinette Venter gee wenke oor Ekonomiese Bestuurswetenskappe, en ons gesels ook entrepreneur Abegail Witbooi van Krulkop Society in Gqeberha.

Ons gesels met twee graad 11 leerders, NT Moolman en Deliah Cromhout, in Mpumalanga wat ‘n interesante projek aangepak het by hulle skool. Indien jy in die landbou wil werk, moet jy jou ore spits. Ons praat met twee boere, Byron Booysen en Rodney Wolf.

Elisna Kelly en dr. Janine Raubenheimer sluit by ons om te gesels oor die proses, of die lewe ná ‘n selfdoodpoging. Hulle verduidelik hoe iemand wat selfdood oorleef het en hulle vriende en familielede genesing moet bewerkstellig. Patricia Franke deel ook haar storie en ervaring ná ’n selfdoodpoging.

Ons gesels met verskeie jongmense oor die projekte wat in hulle gemeenskape begin het. Mynhardt Kruger gesels uit Plettenbergbaai; Jolian Hahn van Vredendal Sekondêr deel sy hoop en drome vir Suid Afrika; dr. Marlene Le Roux van ArtsCape vertel van hoop vir die jeug. Alex Cupido, stigter van die niewinsgewende organisasie Bruinchild-Media, vertel hoe hulle in jongmense belê en hoe die kunstenaars Shade Pretorius en Michael Palmer, beter bekend as Mr. MP, ‘n Covid-19-bewustheidstoer aangepak het.

Albertha van der Merwe, senior kurrikulumbeplanner vir Afrikaans Huistaal Grondslagfase by die Wes-Kaap Onderwysdepartement, gee wenke vir leerders en ouers. Cindy Strauss van Graafwater deel ‘n selfgeskrewe gedig ter viering van Jeugdag, en Shiloh en Sinead Crow, 'n Graad 1-tweeling, deel die EK-gedig.

Jan-Hendrick Opperman, ’n onderwyser by Paul Roos Gimnasium, vertel van die Filmit-projek waaraan die leerders van Suid-Afrika en Namibië kan deelneem. En ons gesels met die akteurs Dean John Smith van Suidooster en Sean van Noordwyk van Getroud met Rugby.

‘n Maatskaplike werker, 'n berader en ‘n gemeenskapswerker kyk na die uitdagings wat jongmense ervaar.

Lara Lucas vertel hoe sy haar eie besigheid tydens die pandemie begin het. Charlen Raymond, ‘n joernalis by Wheels24, praat oor wat sy werk behels. ‘n Jong Afrikaans-dosent, Earl Basson wat voltyds werk en studeer, gesels oor sy werk en die vereistes om ‘n dosent te word.

Dillon Seals, 'n Wiskunde-onderwyser van die Hoërskool Apex in Eersterivier, verduidelik gelyktydige vergelykings. ‘n Graad 12-leerder van die Noord Kaap, Louis-Alberth Ukena, beter bekend as Chino, deel sy hoop en drome vir Suid-Afrika ter viering van Jeugmaand. Dit is Wêreld Oseanedag, en ons hoor hoe die gemeenskap en bekende atlete by ‘n spesiale inisiatief help om die oseane te beskerm.

Hanover Primêr in die klein dorpie De Aar, het deelgeneem aan die Wêreld Wiskunded. Chadwin Erasmus, wiskunde-afrigter, en die leerders van die Noord-Kaap deel hulle ervaring. Huisgenoot het die 100-matriekvrae program bekendgestel. Charlea Sieberhagen-Grey, redakteur van spesiale projekte by Huisgenoot, vertel hoe Graad 12-leerders daarby sal baatvind.