06.01.2024 - KOPSKUIF

30.12.2023 - Wat kry jy as jy neurowetenskap en emosionele intelligensie met mekaar kombineer? Die antwoord is BrainTribe, ’n kreatiewe program wat van die neurowetenskap kinderspeletjies maak. Die BrainTribe-projek is die geesteskind van Manie Botha en Stefaans Burden en is gebore uit die gewaarwording van hoe swaar jongmense emosioneel kry.

23.12.2023 - KOPSKUIF - Mpumi Rakhudu, wenner van die ATKV-Redenaarskompetisie in die kategorie Afrikaans Addisionele Taal (graad 10-12) gesels oor sy passie vir praat. Die rol wat Mpumi se familie in sy lewe speel, en hoor wat sy drome is.

16.12.2023 - KOPSKUIF - Liezel Kloppers-Pelser is ’n ervare bedryfsielkundige en ook die stigter en eienaar van die Cultivate-bedryfsielkundepraktyk. Sy gesels oor haar passie om individue en leiers by te staan om hul potensiaal te ontwikkel. Sy deel gedagtes oor naasteliefde en selfliefde, selfkennis, persoonlikheid, spanwerk en persoonlike ontwikkeling.

09.12.2023 - Litha Sam-sam, stigter en projekbestuurder van die Loxion Mobile Library in Vrygrond, een van die armste gemeenskappe op die Kaapse Vlakte op Kopskuif. Loxion Mobile Library het onlangs die ATKV se toekenning vir leesbevordering ontvang. Sam-sam, wat in Vrygrond grootgeword het, glo dat alle kinders verdien om pret te hê en hul kinderjare te geniet, ongeag hul agtergrond.

02.12.2023 - KOPSKUIF - Estelle Kruger gesels op Kopskuif oor haar loopbaan as Afrikaansonderwyser van Huistaal- en Eerste Addisionele Taal-leerders. Sy gesels oor leerders se emosionele geletterdheid en bespreek die konsep van meervoudige intelligensies en konstruktivistiese onderrig-en-leer-teorie. Estelle is tans besig is met ’n e-boek oor die onderrig van Afrikaans.

25.11.2023 - KOPSKUIF - Wilna van Rooyen, die vroeëkinderontwikkelingspesialis van die Afrikaanse Onderwysnetwerk spog met meer as 40 jaar ondervinding in die onderwys, waarvan 32 as hoof by vooraanstaande skole in Suid-Afrika. Wilna gesels oor die ontwikkeling van jong kinders. Verder deel Wilna insigte oor die ontwikkeling van denke, lees en gesonde selfbeeld by kinders.

16.12.2023 - KOPSKUIF

18.11.2023 - Dr. Tertia de Klerk kliniese sielkundige gesels oor oor angs by laerskoolkinders. Dr. De Klerk kyk na kwessies soos die verskil tussen bangheid en angstigheid, die veg-of-vlug-reaksie, en gee nuttige wenke vir ouers en voogde.

11.11.2023 - KOPSKUIF - V.I.T.O. is die verhoognaam van Vito Heyn, ’n kletsrymer en kunstenaar uit die Noord-Kaapse dorp Okiep. V.I.T.O gesels op Kopskuif oor sy musiekliefde en die rol wat musiek kan speel om geykte persepsies uit die weg te ruim. Hy vertel ook van sy deelname aan Taalgenoot-Ruk en Rym – V.I.T.O was vanjaar ’n finalis in hierdie musiekkompetisie vir alternatiewe kunstenaars – en vertel wat die kompetisie vir hom beteken he