Reaksie word ontvang op die heraanstelling van die Adjunk President, die Eerste Minister en die Adjunk Eerste Minister deur President Hage Geingob. Die poste is onveranderd tot en met 20 Maart 2024 met Adjunk President Nangolo Mbumba, Eerste Minister Saara Kuugongelwa-Amadhila en Netumbo Nandi Ndaitwah as Adjunk Eerste Minister. Talle meen daar is konsekwentheid in die regering...Politieke Analis Dr Hoze Riruako met sy mening vanoggend..

Daar is soveel stories oor die noodtoestand wat verklaar is deur President Hage Geingob. Sommige sê jy moet 6 uur tuis wees en nie weer uitgaan nie, ander sê weer dat jou regte wegval in belang van die openbare belang. Bradley Khoa van die Regshulpsentrum in Namibië het aangesluit by die oggendspan om dinge effe duideliker te maak.

Job Muniaro, die Sekretaris Generaal van die Nasionale Unie van Namibiese Werkers het ‘n beroep op alle werkers gedoen om veilig te wees tydens 'n moontlike uitbraak van die korona-virus. Hy sluit by ons aan.

Volgens Professor Nico Horn, is die noodtoestand wat President Hage Geingob verklaar het nie ‘n dekreet nie en bloot ‘n voorstel. Hy sluit vanoggend by ons aan om die bepaling te verduidelik.

Die wetgewing in verband met regstellende aksie in Namibië word op die oomblik hersien vir moontlike wysigings. Kosmos 94.1 Nuus gesels vanoggend met die Kommissaris van die Diensbilliksheid Kommissie, Otniel Podewiltz.

Die voormalige Eerste Minister en Minister van Verdediging Nahas Angula sê hy is verbaas dat President Hage Geingob ‘n noodtoestand in die land verklaar het in verband met die korona-virus. Hy gesels met Kosmos 94.1 Nuus...

Met die toerisme bedryf klaar onder druk, kry die jag bedryf ook swaar, nie net onder die druk van die korona-virus pandemie nie maar ook as gevolg van die impak van die droogte op wildlewe regoor die land. Maar nou het nuwe maatreëls teen korona die industrie baie hard geslaan met veral die reisverbod.Tania Dahl, die Hoof Uitvoerende Beampte van die Namibiese Professionele Jagters Vereniging is ons gas.

Die Namibiese besigheidsgemeenskap gedra hom op die oomblik asof hy paniekbevange is as gevolg van die korona-virus. Volgens kenners is die lae olieprys en goeie reënval nie genoegsame goeie nuus om die negatiewe impak van die virus teen te werk nie. Arbeidskonsultant Herbert Jauch is ons gas.

Die Adjunk President Nangolo Mbumba het ‘n beroep op Namibiërs gedoen om kalm te bly in die lig van die aankondiging dat korona die land bereik het. Hy gesels vanoggend met Kosmos 94.1 Nuus oor die uitdagings.

Inwoners van die Berseba Kiesafdeling is verheug oor die steenhuise wat vir sommige inwoners opgerig is. Die Informele Behuisingsfederasie se Heinrich Amushila sê lede van die gemeenskap het opleiding ontvang om hulle eie huise op te rig. Hy is ons gas...