Met die uitbreking van die korona-virus en die daling in beide wêreldmarkte en die olieprys wil dit voorkom asof sentrale banke gedwing sal word om rentekoerse te verlaag om druk op ekonomieë te verlig. Chris Gillmore, ‘n Suid-Afrikaanse Ekonoom met sy mening vanoggend.

Die Ombudsman het die belangrikheid van die ma se rol in die opvoeding van kinders weer beklemtoon. Volgens Advokaat John Walters is dit van kritieke belang dat mans in die geval van ‘n egskeiding gereeld soos ooreengekom onderhoud betaal om ma’s in staat te stel om dit wel te kan doen. Hy is ons gas...

Die Bank van Namibië sê dat groei in die vervaardigingsektor in 2020 en 2021 sal inkrimp na 0,9 persent dié jaar en 1,3 persent volgende jaar. Robert McGregor van Cirrus in die hoofstad gesels meer breedvoerig...

Die Namibiese Vereniging vir Ekonomiese Beleidsnavorsing sê die jongste raamwerk van die sogenaamde NEEEF wetsontwerp het geensins die onsekerhede aangespreek nie en is steeds net so skadelik vir die ekonomie soos die eerste raamwerk. Eben de Klerk van die Vereniging sluit het by die oggendspan aangesluit om meer breedvoerig te gesels oor wat beplan word vir die wet.

NamPower is tans die gesondste openbare onderneming in die land. Dit is volgens die Instituut vir Openbare Beleidsnavorsing se Maart 2020 verslag. Volgens die dokument, het NamPower die beste gevaar met goeie bestuur en bedrywighede wat in die maatskappy heers. Een-en-twintig ondernemings, wat Fishcor insluit, is geëvalueer. Graham Hopwood Direkteur van die Instituut sluit by ons aan.

Die Europese Unie het sekere punte uitgelig in wat hy beskryf as sy vennootskap met Afrika in verband met ontwikkelingsprojekte. Een van die aspekte is die ontwikkeling van sogenaamde groen energie. Chris Brown van die Namibiese Kamer van Omgewingsake, is ons gas.

Kundiges het gereageer op die landbou-verslag van die Namibiese Instituut vir Openbare Beleidsnavorsing vir die 2017-2018 seisoen. Die onafhanklike Namibiese landbou-kenner Wallie Roux meen die belangrikheid van landbou word in die verslag getoon. Hy sluit by ons aan.

Dis vandag sommer lekker pret by die Legacy of Love se pret golfdag by die Windhoekse Gholf klub en Buitelug oord in die hoofstad. Volgens Sybrand de Beer die stigter van Legacy of Love gaan daar baie verskillende items en dinge wees om te geniet. Hy is ons gas.

Dis weer Super Rugby die naweek en van die wedstryde om na uit te sien in die volgende ronde van die Super Rugby reeks sluit wedstryde in tussen die Sunwolves en die Brumbies, Crusaders teen die Reds, Sharks teen die Jaguares en die Bulls teen die Highlanders op Loftus Versfeld. Grant Nisbett, rugby kommentator van Nieu-Seeland gesels vanoggend met ons.

Klagtes word ontvang van klein sakeondernemings en informele handelaars oor ‘n tekort aan goedkoop verbruiksgoedere uit China as gevolg van die korona-virus. Kenners is dit eens dat die uitbreking van die virus ‘n gulde geleentheid vir klein besighede in die land bied om hulle voorsieningsketting te diversifiseer en ander markte te vind vir hulle voorraad. Danny Meyer van SME Compete is ons gas.