Statistieke dui daarop dat Namibië slegs 190 000 burgers het wat formele poste in die Namibiese private sektor vul. Namibië het ‘n bevolking van 2,4 miljoen mense en 30,5 persent van die land se ekonomie word deur die informele sektor aangevoer. Danny Meyer van SMEs Compete gesels meer breedvoerig hieroor...

Die Kanadese Fraser Instituut se 2019 opname van mynmaatskappye toon dat Namibië swakker presteer. Die land se aantreklikheid as ‘n mynbou bestemming het van 69,78 in 2015 gedaal na 58,22 verlede jaar. Op ander punte het ons beter presteer... Robert McGregor van Cirrus in die hoofstad gesels vanoggend met ons.

Van die wedstryde om na uit te sien in die volgende ronde van die Super Rugby reeks die naweek sluit wedstryde in tussen die Highlanders en die Rebels, Waratahs teen die Lions, Hurricanes teen die Sunwolves, Reds teen die Sharks, Stormers teen die Blues in Kaapstad en dan die Bulls teen die Jaguares op Loftus Versfeld. Die Oud-Welwitschia Chrizander Botha sluit by ons aan.

Die Hardap groenskema boere ontmoet vandag met NamWater om te bepaal of die 40% besparing op besproeiing opgehef kan word. Die skema benut op die oomblik 1 miljoen kubieke meter ‘n week. Hardapdam staan tans op 26,1%. Dawie de Klerk, die Voorsitter van die Hardap Boerevereniging is ons gas .

Die droogte is steeds nie gebreek nie en daar is daarwerklike tekorte aan veral bees om te slag. Boere hou op die oomblik diere terug om kern kudde weer op te bou. Meatco het uitvoerkwota’s wat aan voldoen moet word. Rosa Hamukuaja-Tobias, Woordvoerder by Meatco met die jongste in die verband.

Die Hoëvlakpaneel van Ekonomiese Adviseurs van President Hage Geingob sluit nou hulle termyn af. ‘n Laaste en derde verslag is ingedien by die president maar, daar is kommer oor die implementering daarvan. Nixon Kariithi, ‘n Media Analis van Suid-Afrika sluit by ons aan.

President Hage Geingob het gisteroggend vir oulaas vergader by Staatshuis met sy Hoëvlakpaneel van Ekonomiese Adviseurs. Hulle termyn eindig in Maart die jaar. Die paneel het hulle laaste van drie verslae oorhandig aan die president. Die Voorsitter, Johannes Gawaxab is ons gas vanoggend.

Die Hoof van die Namibiese polisie, Luitenant Generaal Sebastian Ndeitunga het departementshoofde gevra om operasionele aktiwiteite te prioritiseer deur te begin met die ontplooiing van personeel van kantore na veldoperasies. Ndeitunga sê dis belangrik vir departementshoofde om erkenning te gee dat NamPol se vernaamste pligte deur die operasionele komponent uitgevoer word. Hy gesels vanoggend met ons.

Kenners is van mening dat al is daar nie een bevestigde geval van die korona-virus in Afrika suid van die Sahara nie, sal die streek die swaarste trek in terme van die ekonomiese impak van die siekte. Aanvraag na olie in China het gedaal en kenners skat dat met ‘n daling van 5 persent, kan die streek ‘n verlies van 4 miljard Amerikaanse doller sien. Ons gesels met Dr Omu Kakujaha-Matundu van die Ekonomiese Fakulteit by Unam oor die vasteland se verhouding met China.

‘n Namibiese eiendomsagent wat spesialiseer in die bemarking van plase sê die pryse van plase in die land word negatief beïnvloed deur die droogte wat druk plaas op produsente om hulle plase se pryse af te bring. Pieter Kotze van PropCor is ons gas vanoggend