Die Afrika Vryehandelsgebied hou volgens kundiges baie nuwe moontlikhede vir die kontinent en ons land in. Dr Charles Sinkala, kenner van Afrika sluit by ons aan.

Die Voorsitter van die Russiese Federale Raad, Valentine Matviyenko kom vandag in Namibië aan op 'n amptelike besoek. Professor Lesley Blaauw, ‘n politieke ontleder van die Departement Politieke en Administratiewe Studies aan die Universiteit van Namibië sluit by ons aan.

Die Chinese ambassadeur in Windhoek Zhang Yiming is vanoggend ons gas oor die jongste rakende die koronavirus, COVID 19.

Die president van die Namibiese Lewende Hawe Produsente Organisasie Thinus Pretorius het gereageer op die vee-getalle in die land na die afgelope droogte. Hy sluit by ons aan

Voorspellings vir reën oor die volgende twee weke lyk belowend vir Namibië. Volgens satelliet foto’s sal die sentrale gebied, tot in die ooste van die land, sowel as die noorde, oor die volgende twee weke goeie neerslae ontvang en voorspellings vir die suide is ook baie positief. Johan van den Berg, klimatoloog van Santam in die buurland, sluit by ons aan vir meer besonderhede.

Die nuus in verband met die Namibiese mielieoes vir die jaar is beide goed en sleg. Volgens Gernot Eggert, Namibiese mielieboer en voormalige Voorsitter van die Akkerbou Produsente Vereniging, het van die boere wat vroeg geplant het skade gely omdat die reën in Januarie weggebly het. Hy sluit by ons aan om meer in diepte hieroor te gesels...

Volgens die jongste verslag van IJG Sekuriteite ingevolge die goedgekeurde bouplanne in die hoofstad, neem dit steeds af op ‘n jaar-op-jaar grondslag. Danie van Wyk ‘n Ontleder by IJG Sekuriteite is ons gas.

Die Suid-Afrikaanse rand en Namibiese doller het positief gereageer op die Suid-Afrikaanse President Cyril Ramaphosa se staatsrede. Intussen is daar ook plaaslik groot afwagting vir die Minister van Finansies Calle Schlettwein se begrotingsrede wat in Maart gelewer word. Rome Mostert, ‘n ekonoom van Cirrus in Windhoek sluit by ons aan vanoggend oor wat die beste aanslag sal wees.

Die voormalige Suid-Afrikaanse president FW de Klerk het die VN se bevinding dat apartheid ‘n misdaad teen die mensdom was, verwerp. De Klerk kom nou onder sterk kritiek vanuit alle oorde, insluitend die Suid-Afrikaanse Raad van Kerke. Professor Andre Duvenhage, ‘n Politieke Ontleder in die buurland met sy reaksie vanoggend.

Bedrieërs bly steeds aktief in Namibië en teiken steeds bankrekenings en slagoffers word gereeld van hulle fondse beroof. Volgens Johnny Truter, Bank Windhoek se Hoof van Forensiese Dienste, is dit baie moeilik om die tipe misdadigers op te spoor. Hy is ons gas.