Môre is ietermagô-dag en bied ietermagô-entoesiaste die geleentheid om kragte saam te snoer ter wille van bewusmaking oor die lot van die unieke diere. Die diere se getalle neem drasties af in beide Asië en Afrika weens stropery en onwettige jag-aktiwiteite. Professor Morgan Hauptfleish van die Namibiese Universiteit van Wetenskap en Tegnologie sluit by ons aan...

Daar is groot afwagting vir die naweek se Super Rugby kragmetings. Van die wedstryde om na uit te sien sluit onder meer die Blues teen die Crusaders, Hurricanes teen die Sharks, Brumbies teen die Highlanders en die Lions teen die Stormers in. Eugene Jantjies, die voormalige Namibiese rugbyspeler...

Multichoice Namibië het gisteraand die Namibiese rolprent Kukuri in die hoofstad vertoon. Dit is die enigste Namibiese film wat genomineer is vir die Africa Viewers’ Choice Awards. Die regisseur van die rolprent Philippe Talavera gesels vanoggend met ons hieroor.

Dit is die maand van liefde en môre is Valentynsdag so ons gesels vanoggend, liefde... Vanaand sal ‘n nuwe oujongkêrel met sy soeke begin vir liefde in die tweede seisoen van ‘The Bachelor SA’. Die 36-jarige Marc Buckner hoop om die toekomstige eggenoot van sy droom te ontmoet. Namibië se eie Andi Wieland sal ook een van die deelnemers wees wat hoop om sy voete onder hom uit te skop.

PricewaterhouseCoopers sê President Cyril Ramaphosa van Suid-Afrika het nie voldoen aan die positiewe verwagtinge wat hy geskep toe hy eers as ANC President en toe as President van Suid-Afrika verkies is twee jaar gelede nie. Ramaphosa sal vandag sy staatsrede lewer en dit word as die belangrikste een ge-ag sedert 1994 toe Nelson Mandela sy eerste een gelewer het. Dr Azar Jammine, ‘n Suid-Afrikaanse ekonoom gesels vanoggend met Kosmos 94.1 Nuus hieroor.

Wêreld Radiodag word vandag regoor die wêreld gevier. Volgens kenners bly radio as medium ‘n baie belangrike instrument in mense se lewens. Professor Franz Kruger, die Hoof van Joernalistiek by Wits Universiteit in Suid-Afrika sluit vanoggend by ons aan.

NamWater het goedgekeur dat 'n miljoen kubieke meter water van die Hardapdam beskikbaar gestel word aan die groenskema produsente. Dawie de Klerk, Voorsitter van die Hardap Boerevereniging sluit vanoggend by ons aan.

Volgens Jasmine Opperman, ‘n Direkteur van die Terrorisme Navorsing en Analise Konsortium in Suid-Afrika is die vrese wat die hoof van die Namibiese polisie oor geradikaliseerde jeug uitgespreek het, geregverdig. Luitenant Generaal Sebastian Ndeitunga sê radikale jeug moet eerder stem as om te probeer om regerings omver te gooi. Opperman gesels vanoggend meer in diepte oor die verskynsel in ons streek.

Jacques Nienaber die Springbokafrigter gesels eksklusief met Kosmos 94.1 Nuus uit Bloemfontein. Die 47-jarige Nienaber het Rassie Erasmus in die pos vervang. Hy is die 14de Springbokafrigter in die buurland sedert die hertoelating tot internasionale rugby.

Die oorsprong van die korona-virus is bekend. Navorsing wat in beide Texas en China uitgevoer is het bevestig dat die Maleisiese ietermagô verantwoordelik is vir die dodelike korona-virus. DNS toetse deur die Baylor-kollege van Medisyne in Texas toon dat die korona-virus 99% dieselfde is as dit wat in 21 Maleisiese ietermagô’s gevind is. Die uitslae is ook bevestig deur navorsing in China. Beide die Hubei en Guangdong provinsies in China, waar korona eerste voorgekom het, is ook sentrums vir die onwettige handel in ietermagô’s. Dr Chris Brown van die Kamer van Omgewingsake sluit vanoggend by ons aan.