Namibië se Para-limpiese atlete vaar baie goed, of dit nasionaal of internasionaal is. Ondersteuning en befondsing ontbreek en in hierdie verband, sluit ons aan by Michael Hamukwaya, die Sekretaris Generaal van die Namibiese Para-limpiese Komitee.

Die Kinderadvokaat in die Kantoor van die Ombudsman Ingrid Husselmann is van mening dat geen skool ‘n verskoning het om nie ‘n beleid oor afknouery te hê nie. Sy sê dit kom so algemeen voor dat dit werklik ‘n landswye probleem is. Sy gesels vanoggend met ons in die verband...

Die nuus dat die Hardap Groenskema vanaf Maandag geen water vanaf Hardapdam ontvang nie is ‘n bittere slegte tyding. Die groenskema plant meestens lusern wat veral gebruik word deur die Namibia Dairies Superfarm melkplaas net buite Mariental, sowel as ander produsente regoor die land. Dawie de Klerk die Voorsitter van die Hardap Boereverening sluit by ons aan.

Volgens berigte is daar ‘n wye reeks kwessies waarmee die Suid-Afrikaanse regering op die oomblik te kampe het asook ‘n mate van onbestendigheid binne die geledere van die regerende party. Volgens deskundiges staar die buurland veral ‘n etiese probleem in die gesig. Cynthia Schoeman is die Besturende Direkteur van Etiek Monitering en Bestuursdienste in Suid-Afrika. Schoeman gesels vanoggend met Kosmos 94.1 Nuus.

Verlede jaar het groot uitdagings, vir nie net die Namibiese verbruiker gebied nie, maar ook vir die regering. Die Minister van Finansies Calle Schlettwein sê daar was geen groei nie maar glo dié jaar sal effe beter vertoon. Hy gesels vanoggend met ons in die verband.

Namibiërs het kommer dat die reën, wat oor redelike groot gedeeltes van die land ontvang is, nou verby is en dat die herstel van die veld gekelder kan word. Maar, volgens die Suid-Afrikaanse klimatoloog Johan van den Berg van Santam Landbou, sal daar goeie gemiddelde moontlik behaal word. Hy is ons gas.

Die verdrinking van kinders in Namibië wek kommer. Die jongste voorval het die afgelope naweek plaasgevind met die tragiese nuus dat twee boeties verdrink het in die munisipale swembad in Olympia, in die hoofstad. Wilhelm van Niekerk, die Hoofbestuurder van E-Med Rescue24 in Namibië sluit aan by Kosmos 94.1 Nuus.

Die plasing van kinders in staatskole is steeds ‘n groot uitdaging vir die Onderwys Ministerie maar is amper afgehandel. Sanet Steenkamp, Uitvoerende Direkteur by die Ministerie van Onderwys sluit vanoggend by ons aan om hieroor te gesels.

Beamptes van die sekretariaat van die Groen Klimaatfonds land vandag in Namibië vir ‘n weeklange werksbesoek volgens die Namibiese Omgewing Beleggingsfonds. Die besoek is daarop gemik om die Groen Klimaatfonds program tema met die titel “Bemagtig om aan te pas: skep Klimaatverandering- Aanpasbare Lewens deur Gemeenskapsgebaseerde Natuurlike Hulpbronbestuur” in Namibië in diepte te verken. Daar is 19 plaaslike projekte ter waarde van 86 miljoen dollar wat deur die Groen Klimaatfonds befonds word. Peter Cunningham, ‘n plaaslike ekoloog is ons gas.

Die konstruksie sektor het die swaarste gekry gedurende die laaste kwartaal van 2019 net die meeste werkers wat afgedank is. Net oor die 230 kontruksiewerkers het hulle werk verloor terwyl ongeveer 200 werkloos gelaat is in die vervaardigingsektor. Die syfers is deur die Ministerie van Arbeid bekendgemaak. Meer as 100 maatskappye het amper 900 werkers afgedank. Die Arbeidskonsultant Herbert Jauch is ons gas.