Volgens die jongste FNB-verslag oor residensiële eiendomme, het die huishoudelike prysindeks einde September laas jaar verder gekrimp en 'n historiese laagtepunt van -5,1 persent op 'n jaargrondslag bereik, vergeleke met 2 persent wat aangeteken is in 2018. Anne Gebhardt van die Raad vir Eiendomsagente in Namibië is ons gas.

Die tweede uitgawe van die Superheld Sondag-wedstryde is gister in Soweto gehou. Die spanne, die Stormers as Thor, teen die Sharks as Black Panther, en die Bulls as Captain America en die Lions as Spiderman, het vir opwindende rugby gesorg. Die Stormers het 21-19 gewen teen die Sharks en die Bulls het 40 aangeteken teen die Lions se 35. Brendan Nel van Supersport sluit by ons aan.

Die dogter van Angola se voormalige president en die rykste vrou in Afrika, Isabel dos Santos, sê sy oorweeg dit om haarself verkiesbaar te stel vir dié land se presidentskap in 2022. Dit kom ten spyte daarvan dat haar bates bevries is en beskuldigings dat sy meer as 14 miljard Namibiese dollar se staatsgeld verdoesel het. Professor Andre Duvenhage ‘n Politieke Ontleder van Suid-Afrika met sy mening.

TransNamib staar ook soos ‘n aantal ander Namibiese staatsbeheerde instansies, verskeie uitdagings in die gesig maar kenners is dit eens dat die aanstelling van Johny Smith as Hoof Uitvoerende Beampte goeie nuus is vir die maatskappy. Nou in sy derde jaar aan die stuur, gesels Smith met Kosmos 94.1 Nuus oor uitdagings en oplossings vir TransNamib vir die jaar.

Wêreldeiers sal oudergewoonte volgende week in Davos byeenkom vir die Wêreld Ekonomiese Forum. Dit wil voorkom asof volhoubaarheid aandag sal geniet omdat die tema die jaar ‘Rolspelers vir ‘n Samehangende en Volhoubare Wêreld’ is. Dr Omu Kakujaha-Matundu van die ekonomiese fakulteit by Unam sluit vanoggend by ons aan.

Sokker bly Namibië se gewildste sportsoort en die nasionale span, die Brave Warriors, het weer hierdie jaar verskeie internasionale toernooie. Daar is ook 'n handvol spelers wat op die stadium internasionaal speel. Woody Jacobs, die span se hulpafrigter gesels met Kosmos 94.1 Nuus...

Afrika Vryehandel Ooreenkoms sal op 1 Julie die jaar ge-implementeer word. Die ooreenkoms sal handel in Afrika en tussen Afrika-lande bevorder maar nie alle Afrika-lande is op dieselfde ekonomiese vlak nie en in Namibië se geval, is beskerming vir sekere industrieë teen invoere krities. Die Namibiese Minister van Industrialisasie, Handel en SME Ontwikkeling Tjekero Tweya sluit by ons aan.

Die Namibiese Nasionale Studente Organisasie oftewel Nanso, loods môre ‘n ‘Toegang tot Onderwys’ veldtog. Die veldtog word in Rundu van stapel gestuur maar sal regoor die land gehou word om te verseker dat struikelblokke tot onderwys uit die weggeruim kan word. Whinsley Beukes die Voorsitter van Nanso in die Hardap-streek is ons gas.

Die Suid-Afrikaanse Landbou-sakekamer het gewaarsku dat Suid-Afrika vanjaar meer as twee miljard rand kan verloor, aangesien lande in die streek en elders as gevolg van die uitbraak van bek-en-klouseer huiwerig is om beesvleis in te voer. Dr Kobus Laubscher, ‘n Landbou Ekonoom van Suid-Afrika sluit by ons aan.

Die nuwe kurrikulum wat die jaar in werking tree maak baie ouers opgewonde en ander op hulle senuwees. Sanet Steenkamp, die Uitvoerende Direkteur van die Ministerie van Onderwys sluit vanoggend by ons aan om daaroor te gesels.