Volgens die Suid-Afrikaanse ekonoom Mike Schussler, groei Suid-Afrika se bevolking vinniger as wat sy inkomste per persoon groei. Daarom, sê Schussler, toon die syfers dat Suid-Afrika teen 2021 onder die gemiddelde inkomste van ontwikkelende lande geplaas sal wees. Hy is ons gas vanoggend.

Reaksie word ontvang op die Twitter-boodskap deur die Suid-Afrikaanse Minister van Finansies, Tito Mboweni, wie voorgestel het dat die grens tussen Suid-Afrika en Lesotho verwyder moet word. Hy het ʼn federale bestel met Suid-Afrika voorgestel. Dawie Klopper, ‘n Beleggingsekonoom by PSG Konsult in Gauteng sluit by ons aan met sy mening.

Landbou bly in die kollig en terwyl talle boere al reën ontvang het, is baie areas steeds bitter droog. Ons sluit vanoggend aan by Wallie Roux, ‘n onafhanklike landbou kenner om te gesels oor die jongste.

Die Graad 12 Standaardgraad uitslae is bekend en meer as 10 000 leerders het vir universiteit gekwalifiseer. Oudergewoonte sal talle weer sukkel om finansiering, en om plek te kry in die kursus van hulle keuse. Dr David Namwandi, stigter van die Internasionale Universiteit van Bestuur, oftewel IUM, is ons gas vanoggend.

Dis weer daardie tyd van die jaar waar studente veral geteiken word met slenters in verband met behuising en voertuie. Bedrog met veral bankkaarte is ook algemeen die tyd van die jaar. Die Hoof van die Stadspolisie in Windhoek, Abraham Kanime sluit by ons aan.

Talle Namibiërs koop buitebande by Chinese winkels. Die bande word gewoonlik ingevoer en is vir sneeu toestande ontwikkel. Onder warm omstandighede, soos in die geval van Namibië is die bande geneig om makliker te bars en bande wat bars is vorm ‘n groot deel van die oorsake van motor ongelukke in die land uit. Ryno Swartz, die bestuurder van TrenTyre in Windhoek gesels vanoggend met ons.

Die Onderwysers Unie van Namibië oftewel TUN, het sy kommer uitgespreek oor die opdrag van die Ministerie van Onderwys dat deeltydse leerders wat pas Graad 10 voltooi het nie voltyds terug kan gaan skool toe nie. Die rede hiervoor is omdat hulle deel vorm van die ou kurrikulum. Die unie se Sekretaris Generaal Mahongora Kavihuha sê die bepaling is ondeurdag en skole sowel as onderwysers is nie voorbereid vir die nuwe leerplan nie. Hy sluit by ons aan.

Die Super Rugby reeks skop op 31 Januarie af en wedstryde om na uit te sien is die Blues teen die Chiefs, die Brumbies teen die Reds, die Sharks teen die Bulls, die Stormers teen die Hurricanes en nog vele ander. Grant Nisbett, rugby kommentator van Nieu-Seeland sluit by ons aan.

Die politieke landskap in Namibië het baie verander, veral oor die afgelope paar jaar. Lede van die land se jeug is meer aktief betrokke, en Dr Panduleni Itula se deelname aan die Presidensiële verkiesing en sy Hooggeregshof saak is ook goeie voorbeelde hiervan. Die politieke ontleder Dr Hoze Riruako gesels met ons oor sy mening.

Die olieprys is tradisioneel redelik hoog hierdie tyd van die jaar maar, met die spanning tussen Iran en die VSA, het die prys per vat aan die begin van die week bo 70 Amerikaanse dollar per vat gestyg. Ons sluit aan by Dawie Klopper, Beleggingsekonoom by PSG Konsult in Gauteng vir ‘n perspektief.