Regoor die wêreld en veral in ontwikkelde lande, word die geestesgesondheid van werkers as baie belangrik geag. Daarom het werksure of meer buigsaam geraak of is heelwat korter. Dit blyk nie die geval in suider-Afrika te wees nie. Daar word op die oomblik na die werksure in Suid-Afrika gekyk, wat beskou word as van die hoogste ter wêreld met 2209 ure per jaar. Maar in Namibië is 2340 werksure per jaar, sonder oortyd, wettig. Herbert Jauch, 'n Arbeidsnavorser in Namibië met sy mening vanoggend.

Die Minister van Omgewingsake en Toerisme Pohmaba Shifeta het by COP25 wat op die oomblik aan die gang is in Madrid, Spanje, gesê Namibië het baie vooruitstrewende wetgewing in verband met klimaatsverandering en bewaring. Hy het onderneem om te sorg dat al die 2030 teikens wat deur die land gestel is, op tyd te implementeer. Dr Chris Brown van die Namibiese Kamer van Omgewingsake gesels met ons oor die bereikbaarheid van Namibië se doelwitte.

Eskom se voortslepende probleme om krag te voorsien het sy eerste slagoffer ge-eis. Die Petra Diamantsmaatskappy is besig om al sy bedrywighede in Suid-Afrika te staak. Kenners is dit eens dat sou die kragvoorsieningsprobleme voortduur, meer werksverliese sal voorkom. Dawie Klopper, 'n ekonoom van PSG Konsult in Gauteng is ons gas.

Toe die sogenaamde Fishrot-skandaal bekendgeword het, het ongeveer 300 kinders van die meer as 4 000 vissermanne wat in 2015 gestaak het en nou werkloos is, President Hage Geingob om hulp gevra. Hulle sê hulle moes skool verlaat om te gaan werk nadat hulle ouers afgedank is. Intussen het die 400 afgedankte werkers van Namsov ook na vore gekom. Die voormalige Minister van Visserye, Bernhardt Esau het geen kwotas aan Namsov toegeken nie nadat hy die wetsontwerp verander het om kwotas self te kan toeken en die werkers moes afgedank word. Frederico Links van die Instituut vir Openbare Beleidsnavorsing gesels oor die werklike koste van korrupsie.

Die Namibiese Vrouedag is gister herdenk maar, vroue in Namibië gaan gebuk onder geweld en word uitgesluit uit verskeie prosesse in die land, ook in die politiek. Die dag, volgens kenners, moet gebruik word om vroue te herhinner aan hulle eie stemme en ander te leer dat vrou ook regte het. Inspekteur Christiana Simaho van die Namibiese polisie se Geslagsgebaseerde Geweld-tak is ons gas.

Elke geregistreerde Namibiese vakbond en werkgewersvereniging is verplig om sy jaarlikse opgawes binne ses maande na die einde van sy finansiële jaar in te dien by die Ministerie van Arbeid. Tussen Julie tot September het slegs 2 uit die 61 egter hulle opgawes ingedien, volgens die Ministerie. Tim Parkhouse van die Namibiese Werkgewersvereniging sluit by ons aan.

Rome Mostert 'n ekonoom van Cirrus Capital het gereageer op die afgradering van die Namibiese regering se kredietwaardigheid deur Moody’s. Moody’s het die Namibiese regering se kredietwaardigheid na twee vlakke onder beleggingstatus afgegradeer. Die gradering is gebaseer op langtermyn skuld in buitelandse geldeenhede soos die pond, euro, yen en meer.

Reaksie word steeds ontvang oor die uitslae van die afgelope Namibiese Presidensiële en Nasionale Vergadering verkiesings. Swapo het sy tweederde meerderheid in die parlement verloor en President Hage Geingob se steun het gedaal van net oor 92% na 56%. Elijah Ngurare, voormalige Sekretaris van die Swapo Jeugliga is ons gas.

Die Afrikaner verkeer onder druk in Suid-Afrika, en nou word Artikel 25 van die Grondwet gewysig om grondonteiening sonder vergoeding moontlik te maak. Ons sluit aan by die leier van die Afrikaner Weerstandsbeweging in die buurland, Steyn van Rönge oor die jongste van die stamgroep.

Die Ministerie van Industrialisasie, Handel en SME Ontwikkeling sê verdere maatreëls sal ingestel word om die Namibiese hoenderbedryf te beskerm. Die bedryf gaan gebuk onder goedkoper hoender invoere maar, die goedkoper prys word meestens nie deur die verbruiker ervaar nie. Op die oomblik is daar invoerkwotas van 1 500 ton maandeliks wat toegeken word gebaseer word op die hoeveelheid plaaslike bestellings. Pieter van Niekerk, die Kommersiële Bestuurder van Namib Meulens is ons gas.